«مەرەيلى وتباسى-2019» ۇلتتىق كونكۋرسىن اۋداندىق (قالالىق), وبلىستىق دەڭگەيلەردە (ونىڭ ىشىندە نۇر-سۇلتان, الماتى جانە شىمكەنت قالالارىندا) وتكىزۋدى ۇيىمداستىرۋ جونىندەگى
نۇسقاۋلىق
اۋدان (قالا) وبلىستا كونكۋرستىڭ ۇيىمداستىرۋشىلارى ءتيىستى اۋماقتىق بىرلىكتىڭ اكىمدەرىنىڭ جالپى باسشىلىعىمەن اۋداندىق (قالالىق) اكىمدىكتەردىڭ ىشكى ساياسات بولىمدەرى جانە وبلىستار مەن نۇر-سۇلتان, الماتى جانە شىمكەنت قالالارىندا – ىشكى ساياسات باسقارمالارى بولىپ تابىلادى.
كونكۋرستى وتكىزۋ ماقساتتارى:
1) وتباسى ينستيتۋتىن, ادامگەرشىلىكتى, رۋحانيلىقتى نىعايتۋ, جاۋاپتى ەرلى-زايىپتىلىقتىڭ ماڭىزىن تانۋ;
2) اتا-انالاردىڭ بالا تاربيەلەۋدەگى جاۋاپكەرشىلىگىن ارتتىرۋ;
3) وتباسىلىق قۇندىلىقتاردى, كامەلەتكە تولعان بالالارىنىڭ ەڭبەككە قابىلەتسىز جانە ەگدە جاستاعى اتا-انالارىنا قامقور بولۋىن دارىپتەۋ جانە كەڭىنەن ناسيحاتتاۋ;
4) قازاقستاندىق وتباسىنىڭ جاعىمدى ءيميدجىن ناسيحاتتاۋ.
اۋداندىق (قالالىق), وبلىستىق دەڭگەيلەردەگى كونكۋرستىق كوميسسيانىڭ قۇرامى:
اۋداننىڭ (قالانىڭ), وبلىستىڭ, نۇر-سۇلتان, الماتى جانە شىمكەنت قالالارى اكىمى, توراعاسى;
اۋداننىڭ (قالانىڭ), وبلىستىڭ, نۇر-سۇلتان, الماتى جانە شىمكەنت قالالارى اكىمىنىڭ ورىنباسارى, توراعا ورىنباسارى;
اۋداندىق (قالالىق) اكىمدىكتەردىڭ ىشكى ساياسات ءبولىمىنىڭ, وبلىستىڭ, نۇر-سۇلتان, الماتى جانە شىمكەنت قالالارى ىشكى ساياسات باسقارماسىنىڭ باسشىسى;
اۋداندىق (قالالىق) اكىمدىكتەردىڭ ءبىلىم ءبولىمىنىڭ, وبلىستىڭ, نۇر-سۇلتان, الماتى جانە شىمكەنت قالالارى ءبىلىم باسقارماسىنىڭ باسشىسى;
اۋداندىق (قالالىق) اكىمدىكتەردىڭ دەنساۋلىق ساقتاۋ ءبولىمىنىڭ, وبلىستىڭ, نۇر-سۇلتان, الماتى جانە شىمكەنت قالالارى دەنساۋلىق ساقتاۋ باسقارماسىنىڭ باسشىسى;
اۋداندىق (قالالىق) اكىمدىكتەردىڭ دەنە شىنىقتىرۋ جانە سپورت ءبولىمىنىڭ, وبلىستىڭ, نۇر-سۇلتان, الماتى جانە شىمكەنت قالالارى دەنە شىنىقتىرۋ جانە سپورت باسقارماسىنىڭ باسشىسى;
اۋداندىق (قالالىق) اكىمدىكتەردىڭ مادەنيەت ءبولىمىنىڭ, وبلىستىڭ, نۇر-سۇلتان, الماتى جانە شىمكەنت قالالارى مادەنيەت باسقارماسىنىڭ باسشىسى;
اۋداندىق (قالالىق) اكىمدىكتەردىڭ الەۋمەتتىك قورعاۋ ءبولىمىنىڭ, وبلىستىڭ, نۇر-سۇلتان, الماتى جانە شىمكەنت قالالارى ەڭبەكپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى;
اۋدان (قالا), وبلىس, نۇر-سۇلتان, الماتى جانە شىمكەنت قالالارى اكىمىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ حاتشىسى;
وبلىستىڭ, نۇر-سۇلتان, الماتى جانە شىمكەنت قالالارى قازاقستان حالقى اسسامبلەياسى حاتشىلىعىنىڭ مەڭگەرۋشىسى;
قوعامداستىقتىڭ 5 وكىلى (ۇەۇ, ارداگەرلەر كەڭەستەرى, جاستار ۇيىمدارى جانە ت.س.س.).
كونكۋرس 3 كەزەڭدە وتەدى: ءبىرىنشى كەزەڭ – اۋداندىق (قالالىق), ەكىنشى كەزەڭ – وبلىستىق, ءۇشىنشى كەزەڭ – رەسپۋبليكالىق.
ءبىرىنشى كەزەڭ
كونكۋرسقا قاتىسۋعا ارنالعان ءوتىنىمدەر ۇكىمەتتىڭ 2014 جىلعى 5 ناۋرىزداعى №181 قاۋلىسىمەن بەكىتىلگەن قاعيدالارىنا (بۇدان ءارى – قاعيدالار) قوسا بەرىلگەن نىسان بويىنشا اكىمدىكتەردىڭ اۋداندىق (قالالىق) ىشكى ساياسات بولىمدەرىنە كونكۋرستىڭ باستالۋى تۋرالى جاريا حابارلاندىرۋ كۇنىنەن باستاپ ءبىر اي ىشىندە بەرىلەدى.
كونكۋرسقا قاتىسۋشىلاردى ىرىكتەۋدى اۋداننىڭ (قالانىڭ) اكىمى باسقاراتىن كونكۋرستىق كوميسسيا جۇزەگە اسىرادى.
كونكۋرستىق كوميسسيانىڭ قۇرامى ءتيىستى اۋماقتىق بىرلىكتىڭ اكىمىنىڭ وكىمىمەن بەكىتىلەدى.
ماتەريالداردى قاراعاننان كەيىن كوميسسيا توراعاسى – اۋدان (قالا) اكىمى كونكۋرس جەڭىمپازدارىن ايقىنداۋ ءۇشىن 14 مامىرعا دەيىن كوميسسيا وتىرىسىن وتكىزەدى جانە حاتتامالىق شەشىممەن 4 جەڭىمپازدى بەكىتەدى.
اۋداندىق (قالالىق) كونكۋرستان جەڭىمپاز اتانعان 4 وتباسىنىڭ ماتەريالدارى 16 مامىرعا دەيىن وبلىستىڭ ىشكى ساياسات باسقارماسىنا جىبەرىلەدى.
وبلىس ورتالىعى قالالارىنىڭ اۋداندارىندا (نۇر-سۇلتان, الماتى جانە شىمكەنت ق. باسقا) كونكۋرستار بولەك وتكىزىلمەيدى.
ەكىنشى كەزەڭ
وبلىستاردىڭ, نۇر-سۇلتان, الماتى جانە شىمكەنت قالالارىنىڭ ىشكى ساياسات باسقارمالارى اۋداندىق (قالالىق) كونكۋرستىق كوميسسيالار ۇسىنعان قاتىسۋشىلار اراسىندا كونكۋرس وتكىزۋ باعدارلاماسىن ازىرلەيدى.
وبلىستىق, نۇر-سۇلتان, الماتى جانە شىمكەنت قالالىق دەڭگەيدە كونكۋرستىق كوميسسيالار اۋداننان (قالادان) ۇسىنىلعان 4 ۇمىتكەردەن كونكۋرستىڭ وبلىستىق تۋرىنا 2 قاتىسۋشىنى بەلگىلەيدى. كوميسسيا توراعالارى – وبلىستاردىڭ, نۇر-سۇلتان, الماتى جانە شىمكەنت قالالارى اكىمدەرى ونى ءتيىستى حاتتامالىق شەشىممەن بەكىتەدى.
وبلىستاردىڭ, نۇر-سۇلتان, الماتى جانە شىمكەنت قالالارىنىڭ ىشكى ساياسات باسقارمالارى وبلىستىق كونكۋرستىڭ 2 جەڭىمپازىنىڭ (2 وتباسى) ماتەريالدارىن زاڭ بۇزۋشىلىق فاكتىلەرىنە قاتىستى تەكسەرۋ ءۇشىن قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونiندەگi كوميتەتiنىڭ اۋماقتىق باسقارمالارىنا جولداۋ قاجەت.
وبلىستىق كونكۋرستار (ونىڭ ىشىندە نۇر-سۇلتان, الماتى جانە شىمكەنت قالالىق) بارلىق وڭىرلەردە ءبىر مەزگىلدە 24 مامىردا (جۇما) وتكىزىلەدى.
جەڭىمپازداردى, سونداي-اق كونكۋرستىڭ وڭىرلىك كەزەڭدەرىندە نەعۇرلىم ەرەكشەلەنگەن قاتىسۋشىلاردى ماراپاتتاۋ سالتاناتىنا وبلىستاردىڭ, نۇر-سۇلتان, الماتى جانە شىمكەنت قالالارى اكىمدەرىنىڭ قاتىسۋى ءىس-شاراعا ەرەكشە ماڭىز بەرىپ, مەملەكەتتىڭ وتباسى مەن نەكە مارتەبەسىن نىعايتۋ ماسەلەسىنە قامقورلىعى مەن نازارىن كورسەتپەك.
جەڭىمپاز وتباسى كونكۋرستىڭ رەسپۋبليكالىق كەزەڭىنە قاتىسۋ ءۇشىن نۇر-سۇلتان قالاسىنا جىبەرىلەدى.
وبلىستىڭ ىشكى ساياسات باسقارماسى جەڭىمپازدىڭ قۇجاتتار توپتاماسىن «مەرەيلى وتباسى» ۇلتتىق كونكۋرسىنىڭ لاۋرەاتى اتاعىن تاعايىنداۋ جونىندەگى كوميسسياعا 7 ماۋسىمعا دەيىن ۇسىنادى.
وبلىستاردىڭ, نۇر-سۇلتان, الماتى جانە شىمكەنت قالالارىنىڭ اكىمدىكتەرى وبلىستىق كونكۋرستىڭ 2 جەڭىمپازى تۋرالى ماقالالارىن «ەگەمەن قازاقستان» جانە «كازاحستانسكايا پراۆدا» رەسپۋبليكالىق گازەتتەرىندە 24 مامىردان باستاپ 14 ماۋسىمعا دەيىن ورنالاستىرۋدى قامتاماسىز ەتۋ قاجەت.
وبلىستاردىڭ, نۇر-سۇلتان, الماتى جانە شىمكەنت قالالارىنىڭ اكىمدىكتەرى 14 ماۋسىمنان باستاپ 14 شىلدەگە دەيىن «حابار» جانە «قازاقستان» تەلەارنالارىنا كونكۋرستىڭ رەسپۋبليكالىق كەزەڭىنە جولداما العان جەڭىمپاز وتباسىلار تۋرالى تەلەسيۋجەتتەردى تۇسىرۋگە جاردەمدەسۋلەرى قاجەت.
ءۇشىنشى كەزەڭ
«مەرەيلى وتباسى» ۇلتتىق كونكۋرسىنىڭ لاۋرەاتى اتاعىن بەرۋ جونىندەگى كوميسسيا وبلىستىق بايقاۋلاردان جەڭىمپاز اتانعان 32 وتباسىنىڭ ىشىنەن لايىقتى 16 ۇمىتكەردى كونكۋرستىڭ فينالىنا جىبەرۋ ءۇشىن 14 ماۋسىمدا وتىرىستا بەكىتەدى.
كونكۋرستىڭ فينالى – 16 ۇمىتكەردەن ۇزدىك وتباسىنى سمس-حابارلامالار جانە ينتەرنەت-رەسۋرس (kaztube.kz) ارقىلى ينتەراكتيۆتى داۋىس بەرۋ جولىمەن ىرىكتەۋ بولىپ تابىلادى. داۋىس بەرۋ 30 تامىز – 6 قىركۇيەك ارالىعىندا وتەدى.
«مەرەيلى وتباسى-2019» ۇلتتىق كونكۋرسى لاۋرەاتىنىڭ ەسىمى 6 قىركۇيەكتە وتەتىن گراند-فينالدا بەلگىلى بولادى. ونىڭ تەلەنۇسقاسى 8 قىركۇيەك – وتباسى كۇنىندە جاريالانادى.
كونكۋرستىڭ گراند-فينالىنا وتباسى جۇپتارى – قازاقستاندىق ەسترادا جۇلدىزدارى, تانىمال قوعام قايراتكەرلەرى, ساياساتكەرلەر جانە ت.س.س. قاتىسادى.
