ال وڭىردە 543 ۋچاسكەلىك سايلاۋ كوميسسياسى بار. ونىڭ 140-ى وبلىس ورتالىعىندا، 65-ءى ەكىباستۇزدا 40-ى اقسۋدا ورنالاسقان. سونىمەن بىرگە، 14 اۋماقتىق كوميسسيا جۇمىس ىستەيدى. وسى 543 ۋچاسكەلىك كوميسسيانىڭ 3467 مۇشەسى بار. سونىمەن قاتار اۋماقتىق كو­ميس­سيالاردا 98 ادام قىزمەت ەتەدى. جالپى، شتابتار، ۋچاسكەلىك كوميسسيالار تۋرالى اقپاراتتار اكىمدىكتەردىڭ سايتتارىنا ورنالاستىرىلدى.

قازىر بارلىق سايلاۋشىنىڭ تىزىمدەرى ناقتىلانۋدا. شامامەن ايماقتىڭ 500 مىڭنان استام تۇرعىنىنىڭ داۋىس بەرۋ قۇقىعى بار. ۋچاسكەلىك كوميسسيالار سايلاۋ كۇنىنە 20 كۇن قالعاندا جۇمىسىنا كىرىسەدى. ياعني، 20 مامىردان باستايدى. ولارعا سايلاۋشىلاردىڭ ءتىزىمى بەرىلەدى. سايلاۋ­شىلار وزدەرىن تىزىمنەن تەكسەرە الادى.

– بيىلعى جاڭاشىلدىق سول، ازاماتتار قاي سايلاۋ ۋچاسكەسىنە تىركەلگەنىن، قاي مەكەنجاي بويىنشا ورنالاسقان ۋچاسكەدە داۋىس بەرەتىنىن ۋچاسكەلىك كوميسسياعا بارماي-اق تا بىلە الادى. ءار قالا، اۋدان اكىمدىكتەرىنىڭ رەسمي سايتىنا كىرىپ، تەكسەرە الادى، – دەدى گ.امانجولوۆا.

ول ءۇشىن سايتتا «قوعام» تاراۋىنا كىرىپ، «سايلاۋ» قوسىمشاسىن تاڭداۋ قاجەت. مۇندا سايلاۋعا قاتىستى بارلىق اقپارات ورنا­لاستىرىلعان. «ءوزىڭدى تاپ» دەگەن بولىمىنە ازاماتتار جەكە سايكەستەندىرۋ ءنومىرىن ەنگىزىپ، قاي ۋچاسكەدە داۋىس بەرەتىنىن، تىزىمدە بار-جوعىن انىقتاي الادى.

وبلىس  ورتالىعىندا سايلاۋدىڭ ۋاقىتى، بولاتىن كۇنى جايىندا اقپاراتى بار 52 بيلبورد ورنالاستىرىلدى. 4 Led-ەكراندا دا وسى اقپارات كۇنى-ءتۇنى كورسەتىلىپ تۇرادى.

 ەگەر ءوز وڭىرىندە بولمايتىنى الدىن الا بەلگىلى بولسا، وندا ول ازامات ءوزىنىڭ سايلاۋ ۋچاسكەسىنەن سايلاۋ كۇنىنە 20 كۇن قالعانعا دەيىن ەسەپتەن شىعارۋ تالونىن الۋى قاجەت. سودان كەيىن سايلاۋ كۇنى تۇراقتايتىن ايماقتا داۋىس بەرۋگە مۇمكىندىك الادى.

بارلىق سايلاۋ ۋچاسكەلەرى كومپيۋتەرلەرمەن، مەملەكەتتىك رامىزدەرمەن، تەلەفوندارمەن، فاكستارمەن جابدىقتالۋدا. داۋىس بەرۋگە كەلەتىن مۇمكىندىگى شەكتەۋلى جاندارعا دا جاعداي جاسالاتىن بولادى.

پاۆلودار وبلىسى