پارلامەنتشىلەر قىرعىزستاننىڭ ۇقشۇ-عا 2019 جىلى توراعالىق ەتۋ باسىمدىقتارىن ىسكە اسىرۋ تۋرالى اقپاراتتى تىڭدادى.
كەڭەستە ۇقشۇ ۇجىمدىق قاۋىپسىزدىك كەڭەسىنىڭ 2018 جىلعى قاراشا سەسسياسىنىڭ قورىتىندىلارى, ۇيىمنىڭ جاۋاپكەرشىلىك ايماعىنداعى جانە وسى ايماقتارعا ىرگەلەس ايماقتارداعى جاعداي, ۇجىمدىق قاۋىپسىزدىككە تونەتىن قاتەرلەر مەن قاۋىپتەرگە قارسى ءىس-قيمىل شارالارى, قازاقستان رەسپۋبليكاسى پرەزيدەنتىنىڭ 2019 جىلعى 9 ماۋسىمداعى كەزەكتەن تىس سايلاۋىن ۇقشۇ پارلامەنتتىك اسسامبلەياسىنان قىسقا مەرزىمدى بايقاۋ جونىندەگى حالىقارالىق بايقاۋشىلاردىڭ مونيتورينگ توبىنىڭ دايىندىعى, ۇيىم قىزمەتىنىڭ قارجىلىق ماسەلەلەرى تالقىلاندى. سونداي-اق 2019 جىلعا ارنالعان جۇمىس جوسپارىن ناقتىلاۋ تۋرالى, ۇقشۇ-عا مۇشە مەملەكەتتەردىڭ 2016-2020 جىلدارعا ارنالعان ۇلتتىق زاڭناماسىن جاقىنداستىرۋ جانە ۇيلەستىرۋ جونىندەگى ۇقشۇ پارلامەنتتىك اسسامبلەياسى قىزمەتىنىڭ باعدارلاماسىنا تولىقتىرۋلار مەن وزگەرىستەر ەنگىزۋ تۋرالى شەشىم قابىلدادى.
ۇقشۇ پارلامەنتتىك اسسامبلەياسى كەڭەسىنىڭ وتىرىسىندا ۇقشۇ پا ساياسي ماسەلەلەر جانە حالىقارالىق ىنتىماقتاستىق جونىندەگى تۇراقتى كوميسسياسىنىڭ توراعاسى مەن توراعا ورىنباسارى بەكىتىلدى.
سونداي-اق كەڭەستە ەقىۇ پا-نىڭ 2019 جىلعى 5-9 شىلدەدەگى ليۋكسەمبۋرگتەگى كەزەكتى جازعى سەسسياسىنا ۇقشۇ مەملەكەتتەرىنىڭ پارلامەنتتىك دەلەگاتسيالارىنىڭ قاتىسۋى جونىندەگى مىندەتتەر بەلگىلەندى.
