ايماقتار • 20 مامىر، 2019

تۇركىستان: جاس ونەرتاپقىشتار تانىمال قالامگەرلەردى تاڭعالدىردى

973 رەت كورسەتىلدى

«Jas ءTúrkىstan-2019» رەسپۋبليكالىق بالالار شىعارماشىلىق مارافونىنىڭ ەكىنشى جۇمىس كۇنى تۇركىستان وبلىسى كەلەس اۋدانىندا جالعاستى. اباي اۋىلىنداعى مادەنيەت ۇيىندە وتكەن مارافوندا جەرگىلىكتى مەكتەپتەردىڭ وقۋشىلارى وزدەرى قۇراستىرعان روبوتتار مەن ماشينالارىن كوپشىلىك نازارىنا ۇسىندى. ونەرتاپقىش وقۋشىلاردىڭ كورمەسىن تاماشالاعان نۇر-سۇلتان، الماتى قالالارىنان كەلگەن قالامگەرلەر مەن باس رەداكتورلار جاس ورەندەردىڭ قادامىن وڭ باعالاپ، تاڭدانىستارىن جاسىرا المادى. ماعىنالى كەزدەسۋدى كەلەس اۋدانىنىڭ اكىمى اقمەنتاي ەسباەۆ اشىپ بەردى.

«كەلەس اۋدانىندا 63 ءبىلىم ۇياسىندا 33 مىڭعا جۋىق وقۋشى ءبىلىم الىپ جاتىر. قوسىمشا بىلىممەن قامتىلعان بالالار سانى 12000-نان اسسا، قوسىمشا ۇيىرمەلەرگە تارتىلعان بالالار سانى 7500-گە جەتتى. كەزىندە توقاش بەردياروۆ، زيابەك رۇستەموۆ، نەمات كەلىمبەتوۆ، زاكىر اساباەۆ، تاعى باسقا تۇلعالارعا تۇعىر بولعان قاسيەتتى كەلەس الداعى ۋاقىتتا دا ۇلتىن سۇيەتىن ۇلانداردىڭ ورداسىنا اينالارى ءسوزسىز. بۇل ءىس-شارا وقۋشىلاردىڭ دامۋىنا، وي-ءورىسىنىڭ كەڭەيۋىنە وڭ سەرپىن بەرەدى»، – دەدى اۋدان اكىمى.   
اباي تورىندەگى كەزدەسۋگە كەلەس، شاردارا، قازىعۇرت، جەتىساي، ماقتاارال جانە سارىاعاش اۋداندارىنىڭ وقۋشىلارى مەن ۇستازدارى قاتىستى. ولارعا ەلگە تانىمال قالامگەرلەر مەن باق باسشىلارى اقىل-كەڭەستەرىن ايتىپ، ءتۇرلى سۇراقتارعا جاۋاپ بەردى. سونىمەن بىرگە وقۋشىلارعا «ۇلان»، «اق جەلكەن» جانە «بالدىرعان» بالالار باسىلىمدارى تاراتىلدى.   

جيىندا «جاس وركەن» جشس-ءنىڭ باس ديرەكتورى جۇسىپبەك قورعاسبەك «جاپونيادا ءسابي كۇتىپ جۇرگەن كەلىنشەكتى كىتاپحاناعا بارۋعا مىندەتتەيدى ەكەن. ماقسات – بالانى قۇرساعىندا جاتقان كەزدەن باستاپ كىتاپ وقۋعا قىزىقتىرۋ» دەسە، «بالاپان» تەلەارناسىنىڭ باس پروديۋسەرى ساندۋعاش بايماحانقىزى تەلەارنادا بالالار مەن جاسوسپىرىمدەردىڭ دۇنيەتانىمىن ارتتىراتىن جوبالار كوبەيىپ كەلە جاتقانىن ايتتى. ال ۇلتتىق اۋدارما بيۋروسىنىڭ وكىلى، اقىن، جۋرناليست ەسەي جەڭىس ۇلى «وسىنداعى ءاربىر وقۋشى ەرتەڭ اتا-انا بولادى. ولار تىم بولماسا وزدەرىنىڭ ۇل-قىزدارى سۇراق قويعاندا جاۋاپ بەرە الاتىنداي ءبىلىمدى بولسىنشى. قازىر الەمدە ءتورتىنشى يندۋستريالدىق رەۆوليۋتسيا ءجۇرىپ جاتىر. ول نە؟ دامىعان ەلدەر قاتارىنا قوسىلۋ ءۇشىن نە ىستەۋ قاجەت؟ مىنە، وسى سۇراقتارعا جاۋاپ ىزدەۋ، ۇلى مىندەتتەردى ورىنداۋ – سەندەر سياقتى ورەندەردىڭ قولىندا» دەدى.     

جيىندا «بالدىرعان» جۋرنالىنىڭ باس رەداكتورى دۇيسەنبەك ماعلۇموۆ، جازۋشى اياگۇل مانتاي، «ايقىن» گازەتى باس رەداكتورىنىڭ ءبىرىنشى ورىنباسارى سەرىكبول حاسان جانە «ۇلان» گازەتىنىڭ باس رەداكتورى جادىرا نارماحانوۆا، جازۋشى، دراماتۋرگ الىبەك بايبول سىندى قالامگەرلەر وقۋشىلاردىڭ سۇراقتارىنا جاۋاپ بەرىپ، پىكىر الماستى. ءوز ولەڭدەرىن وقىپ، ەركىن پىكىر الماسقان وقۋشىلار قالامگەرمەن سۋرەتكە ءتۇسىپ، قيماي قوشتاستى. ءتۇرلى اۋدانداردان كەلگەن ۇستازدار مەن شاكىرتتەرى وسىنداي كەزدەسۋلەر ءجيى ءوتىپ تۇرسا دەگەن تىلەكتەرىن جەتكىزدى.    

كەزدەسۋ سوڭىندا وقۋشىلارعا «ساق» كينوستۋدياسى تۇسىرگەن «تۇركىستان» انيماتسيالىق ءفيلمى كورسەتىلدى.   

مادەنيەت ۇيىندەگى كەزدەسۋدەن كەيىن قالامگەرلەر كەلەس اۋدانى، قوشقار اتا اۋىلدىق وكرۋگىندەگى «وكتەمحان» شارۋا قوجالىعىنىڭ جۇمىسىمەن تانىستى. جىلىنا 60 توننا كوكونىس شىعاراتىن جىلىجايدا قىزاناقتاردىڭ كەزەكتى ءتۇسىمى جينالۋعا جاقىن تۇر. ءدامى ءتىل ۇيىرەتىن قىزاناقتان ءدام تاتقان قوناقتار ەڭبەكقور كەلەس جۇرتشىلىعىنىڭ ىسكەرلىگىنە ءتانتى بولدى. «Jas ءTúrkىstan-2019» رەسپۋبليكالىق بالالار شىعارماشىلىق مارافونىن ۇيىمداستىرعان تۇركىستان وبلىسى اكىمدىگىنە ريزاشىلىقتارىن ءبىلدىرىپ، بۇل جوبا داستۇرگە اينالاتىنىنا سەنىم ءبىلدىردى.



سوڭعى جاڭالىقتار

مۇز قۇرسانعان ەكىباستۇز

ايماقتار • بۇگىن، 21:12

ءۇمىت ساۋلەسى

ساياسات • بۇگىن، 21:11

ۇلت ساۋلىعى – ۇلى بايلىق

ساياسات • بۇگىن، 21:09

ءسابيدىڭ ءومىرىن ساقتاپ قالدى

ايماقتار • بۇگىن، 21:02

تۇرلەنگەن تەمەكىنىڭ ءبارى زيان

مەديتسينا • بۇگىن، 20:58

ساڭلاقتىڭ سوڭعى سامعاۋى

قازاقستان • بۇگىن، 20:50

كىتاپ كوكجيەگى كەڭەيىپ كەلەدى

رۋحانيات • بۇگىن، 20:41

«نەمىس ماشينەسى» جولدا قالدى

فۋتبول • بۇگىن، 20:36

ستۋدەنتتىك تەاتر فەستيۆالى

تەاتر • بۇگىن، 20:34

«كۇمبىرلە كۇيىم، ەلىمدە!»

ايماقتار • بۇگىن، 20:28

ۇقساس جاڭالىقتار