اڭگىمەلەسۋ بارىسىندا ەكونوميكا سالاسىنداعى قازاقستان–ارميان قاتىناستارىنىڭ وزەكتى ماسەلەلەرى, ءوزارا ءتيىمدى ىنتىماقتاستىقتى, ونىڭ ىشىندە ەۋرازيالىق ەكونوميكالىق وداق اياسىنداعى ءوزارا ءىس-قيمىلدى كەڭەيتۋ جانە تەرەڭدەتۋ پەرسپەكتيۆالارى تالقىلاندى.
تاراپتار اتاپ وتكەندەي, ءوزارا ءىس-قيمىلعا ساۋدا-ەكونوميكالىق ىنتىماقتاستىق جونىندەگى ۇكىمەتارالىق كوميسسيا جۇمىسىن كۇشەيتۋ ايتارلىقتاي سەرپىن بەرەدى. ەلدەردىڭ نارىقتارىنا جاسالعان تالداۋ حيميا ونەركاسىبى, ماشينا جاساۋ جانە اۋىل شارۋاشىلىعى سالالارىنداعى ءوزارا جەتكىزىلىمدەردى ۇلعايتۋ مەن ساۋدا-ساتتىقتى ءارى قاراي كەڭەيتۋ الەۋەتىن كورسەتتى.
ارمەنيا پرەزيدەنتى ارمەن ساركيسيان جاساندى زەردەنى, ەنەرگەتيكانى, لوگيستيكانى, اۆياتسيانى, عارىش سالاسىن, ارگوونەركاسىپتىك كەشەندى, قورشاعان ورتانى قورعاۋ, ءبىلىم بەرۋ جانە تۋريزم سالاسىن دامىتۋ تۇرعىسىنان تسيفرلاندىرۋ سالالارى ەكىجاقتى قارىم-قاتىناستى تەرەڭدەتۋگە قىزىعۋشىلىق تۋدىراتىنىن ايتتى.
ءوز كەزەگىندە قر ۇكىمەتىنىڭ باسشىسى ا. مامين ەكونوميكالىق قارىم-قاتىناستاردى تولىققاندى فورماتتا دامىتۋعا, تاۋار اينالىمى كولەمى مەن ينۆەستيتسيالىق ىنتىماقتاستىقتى ارتتىرۋعا قىزىعۋشىلىعىن ءبىلدىردى.
