سونداي-اق سايلاۋعا بايقاۋ جۇرگىزۋ جونىندەگى ۇلتتىق قوعامدىق پلاتفورماسى اياسىندا تاۋەلسىز بايقاۋشىلارعا ارنالعان ءدارىس ۇيىمداستىرىلدى. جيىن بارىسىندا قوعامدىق ۇيىمنىڭ باعىتى, ماقساتتارى مەن مىندەتتەرى ءتۇسىندىرىلدى. «پرەزيدەنت سايلاۋى تاۋەلسىز ەلىمىزدىڭ تاريحىنداعى اسا ءبىر ماڭىزدى وقيعا. وعان رەسپۋبليكانىڭ ءىرى قالالارىنان باستاپ, شاعىن اۋىلدارىنا دەيىن تەگىس بەلسەندىلىك تانىتۋ كەرەك. سەبەبى سايلاۋ دەگەن بۇل – زايىرلى مەملەكەتتىڭ تاريحىندا, ومىرىندە ەڭ ءبىر ماڭىزدى كەزەڭدەردىڭ ءبىرى. سوندىقتان سىزدەر وزدەرىڭىزدىڭ كونستيتۋتسيالىق قۇقىقتارىڭىزدى پايدالانىپ, دۇرىس تاڭداۋ جاساپ, پرەزيدەنتتىك سايلاۋعا اتسالىسۋلارىڭىز كەرەك», دەدى ازاماتتىق پلاتفورمانىڭ جەتەكشىسى مۇساعالي دۋامبەكوۆ.
اتالعان جيىندا سايلاۋشىلاردى تولعاندىرىپ جۇرگەن بىرقاتار سۇراققا سالا ماماندارى قىسقاشا تۇسىنىك بەرىپ ءوتتى. «كوبىنە تۇرعىندار داۋىس بەرۋ بارىسى قانداي ەكەندىگىن, باسقا ايماقتا ءىسساپاردا ءجۇرىپ قالاي داۋىس بەرۋگە بولاتىندىعىن, سايلاۋشىلار تىزىمىنەن ءوزىن قالاي تەكسەرەتىنىن بىلە بەرمەيدى. بۇل ازاماتتىق الاڭ وسى سۇراقتارعا جاۋاپ بەرىپ, سايلاۋشىلاردىڭ ساياسي بەلسەندىلىگىن ارتتىرۋعا كومەكتەسەدى», دەيدى «امانات» سايلاۋدى بايقاۋ ءجونىندەگى ازاماتتىق پلاتفورماسىنىڭ جاۋاپتى ماماندارى.
سايلاۋ تۋرالى قۇقىقتىق تالاپتارعا سايكەس اقپارات بەرۋ, سايلاۋشىلار مەن بايقاۋشىلاردىڭ مىندەتتەرىن قۇقىقتىق نەگىزدە ءتۇسىندىرۋ, جەرگىلىكتى سايلاۋ كوميسسياسىمەن ءوزارا بىرلەسكەن ءىس-قيمىلدار جاساۋعا ۇيرەتۋدى كوزدەگەن ترەنينگ بارىسىندا قاتىسۋشىلار وزدەرىنە قاجەتتى مالىمەتپەن قانىقتى ءارى وسك, كانديداتتىڭ سايلاۋ شتاب-پاتەرى جانە وزگە دە سايلاۋعا قاتىستى ايماقتاردا زاڭ بۇزۋ فاكتىلەرى تىركەلسە, وندا بىردەن قانداي ارەكەتتەر جاساۋ كەرەكتىگى تۋرالى كەڭەستەر الدى.
شىمكەنت
