اۋىل شارۋاشىلىعى ءمينيسترى ساپارحان وماروۆ «Kazakhstan Global Investment Roundtable 2019» اياسىندا «Dal Holding» كومپانياسىنىڭ پرەزيدەنتى دەميرجان كۋسە مىرزامەن كەزدەستى. تالقىلاۋ تاقىرىبى رەسپۋبليكانىڭ وڭىرلەرىندە جوعارى تەحنولوگيالىق جىلىجاي كەشەنىنىڭ قۇرىلىسى بولدى.
2018 جىلدىڭ 2 ساۋىرىنەن باستاپ «Dal Holding Investment CO» تۇرىك كومپانياسىنىڭ وكىلدەرى جۇمىس ساپارىمەن اقتوبە قالاسىنا كەلدى. اكىمدىك بۇل جوبانى جۇزەگە اسىرۋعا جوعارى قىزىعۋشىلىق تانىتتى.
2019 جىلدىڭ اقپان ايىندا تۇركىستان ايماعىندا جوبانى ىسكە اسىرۋ ءۇشىن 245 گەكتار جەر تەلىمى ءبولىندى. بۇل كەزەڭدە ساۋلەت-جوسپارلاۋ تاپسىرماسى الىندى, جەر جۇمىستارى باستالعانعا دەيىن لاندشافتى تالداۋ جۇرگىزىلدى جانە ت.ب. سونداي-اق, جوبانى جۇزەگە اسىرۋ ءۇشىن گاز جانە ەلەكتر جەلىلەرى مەن اعىنداردى جەر تەلىمىنە قوسۋ قاجەت. قارجىلاندىرۋ ماسەلەسىن شەشۋمەن قاتار نەسيەلىك جەلىلەردى اشۋ كەزىندە جوبالىق ءتاسىلدى قاراستىرۋعا دايىن قارجى ينستيتۋتتارىن ىزدەۋ كەرەك.
جوعارىدا اتالعان ماسەلەلەردى شەشۋ 2019 جىلدىڭ سوڭىنا دەيىن جوبالىق قۇجاتتاماعا ساراپتاما جۇرگىزۋدى, جەر جۇمىستارىن باستاۋدى, قارجى ينستيتۋتتارىمەن كرەديتتىك كەلىسىمدەرگە قول قويۋعا جانە قۇرىلىس-مونتاج جۇمىستارىن باستاۋعا مۇمكىندىك بەرەدى.
