«اتامەكەن» قر ۇلتتىق كاسىپكەرلەر پالاتاسىنىڭ باسقارما توراعاسى ا. مىرزاحمەتوۆ, ازەربايجان كاسىپكەرلەر ۇيىمدارىنىڭ ۇلتتىق كونفەدەراتسياسىنىڭ پرەزيدەنتى م. مۋساەۆ, قىرعىزستاننىڭ ساۋدا-ونەركاسىپتىك پالاتاسىنىڭ پرەزيدەنتى م. شارشەكەەۆ, تۇركيانىڭ ساۋدا پالاتالارى مەن تاۋار بيرجالارى وداعىنىڭ پرەزيدەنتى ر. حيساردجىكلىوعلى قول قويدى.
تۇركى ىسكەرلىك كەڭەسىن حالىقارالىق ۇيىم رەتىندە تۇرلەندىرۋ تۇركى ەلدەرىنىڭ اراسىندا ەكونوميكالىق كووپەراتسيانى دامىتۋعا جاڭا سەرپىن بەرەدى. بۇل ىسكەرلىك ىنتىماقتاستىقتى كەڭەيتىپ, قازاقستان ەكونوميكاسىنا ينۆەستيتسيالار اعىمىن كۇشەيتۋگە مۇمكىندىك بەرەدى.
بۇگىنگى تاڭدا تۇركى ەلدەرىنىڭ ءجىو جالپى كولەمى $1 ترلن-نان اسادى, حالقىنىڭ سانى 150 ملن-نان استام. بۇل ەلدەر جىل سايىن $260 ملرد-تان استام سوماعا ءونىم يمپورتتايدى. ءوز كەزەگىندە, بىرىڭعاي پالاتا وسى ەلدەر اراسىنداعى ءونىم ءوندىرىسىن ارتتىرۋ ءۇشىن نەگىز بولادى, ياعني ۇجىمدىق يمپورت الماستىرۋشىلىقتى قامتاماسىز ەتەدى.
قر پرەمەر-ءمينيسترى تۇركى پالاتاسى قازاقستاننىڭ تۇڭعىش پرەزيدەنتى – ەلباسى ن. نازارباەۆتىڭ باستاماسىمەن وڭىرلىك دامۋدى نىعايتۋ ماقساتىندا قۇرىلعانىن اتاپ ءوتتى.
«قازاقستان ۇكىمەتى تۇركى كەڭەسىنە ونىڭ جۇمىسى مەن دامۋىندا قولداۋ كورسەتىپ, كومەكتەسىپ وتىر. ءبىزدىڭ تاراپىمىزدان قازاقستان ۇكىمەتىنىڭ اتىنان بۇل يدەيانى تولىق قولدايمىز», — دەدى ا. مامين, تۇركى ساۋدا-ونەركاسىپ پالاتاسىن قۇرۋ ەلدەردىڭ بيزنەس-قاۋىمداستىقتارى اراسىندا ءوزارا ءتيىمدى ىنتىماقتاستىقتىڭ دامۋىنا جاڭاشا ۇلكەن قارقىن بەرەتىنىنە ءۇمىت ءبىلدىرىپ.
