قازاقستان • 16 مامىر، 2019

XVI ەۋرازيالىق مەديا فورۋمىنىڭ حەدلاينەرى كىم؟

614 رەت كورسەتىلدى

XVI ەۋرازيالىق مەديا فورۋمىنىڭ سپيكەرلەرى قۇرامىندا بەلگىلى ساياسي قايراتكەر، قازىرگى اقش پرەزيدەنتى اكىمشىلىگىنىڭ ەڭ بەدەلدى قىزمەتكەرلەرىنىڭ ءبىرى بولعان ستيۆەن بەننون جانە تاعى باسقالار بار.

ستيۆەن بەننون – اقش پرەزيدەنتى دونالد ترامپتىڭ اعا كەڭەسشىسى جانە ستراتەگيالىق ماسەلەلەر بويىنشا بۇرىنعى باس مامانى. ول ۇلتتىق قاۋىپسىزدىك ماسەلەسىن زەرتتەۋ بويىنشا ماگيستر دارەجەسىن دجوردجتاۋن ۋنيۆەرسيتەتىندە جانە ىسكەر اكىمشىلىك ماگيستر دارەجەسىن گارۆارد ۋنيۆەرسيتەتىنىڭ بيزنەس مەكتەبىندە العان. سونداي-اق ستيۆەن بەننون اسكەري-تەڭىز كۇشتەرىنىڭ وفيتسەرى، اقش-تىڭ «پول فوستەر» اسكەري كەمەسىندە تىنىق مۇحيتى، اراۆيا تەڭىزى، پارسى شىعاناعىندا اسكەري مىندەتىن وتەگەن. پەنتاگوندا اسكەري-تەڭىز وپەراتسيالارى بويىنشا قولباسشىنىڭ ارنايى كومەكشىسى قىزمەتىن اتقارعان.  

2016 جىلى ستيۆەن ك.بەننون دونالد ترامپتىڭ پرەزيدەنتتىك كامپانياسىن باسقارعان. 2017 جىلى اق ۇيدە اقش پرەزيدەنتى دونالد ترامپتىڭ اعا كەڭەسشىسى جانە ستراتەگيالىق ماسەلەلەر بويىنشا باس مامانى لاۋازىمىندا بولعان.

بەننون مىرزا – بىرقاتار ماداقتالعان دەرەكتى فيلمدەردىڭ رەجيسسەرى، اقپاراتتىق Breitbart News ۆەب-سايتىنىڭ اتقارۋشى توراعاسى. بانكتىك Goldman Sachs كونگلومەراتىنىڭ بىرىگۋى مەن ءسىڭىرۋ بويىنشا مامان رەتىندە جۇمىس ىستەگەن.

بەننون – بەلسەندى ازاماتتىق ۇستانىمى بار ازامات. ول «ازاماتتار امەريكا رەسپۋبليكاسى ءۇشىن!» قوعامدىق قوزعالىسىنىڭ نەگىزىن قالاۋشى. سونداي-اق ول بيلىكتى اسىرا پايدالانۋ ماسەلەلەرى بويىنشا ءىس جۇرگىزەتىن زاڭ ۇستەمدىگى قوعامىنىڭ توراعاسى. ول بۇكىل الەمدەگى قوعامدىق ساياسي بەلسەندىلىك پەن تانىمال ۇلتتىق يدەيالاردى قولدايتىن  ەۋروپا، وڭتۇستىك افريكا مەن ازياداعى «The Movement» ۇيىمىنىڭ نەگىزىن قالاۋشىلاردىڭ ءبىرى بولعان. 

ستيۆەن بەننون – «ءبىز قالقان سالۋدامىز» ۇيىمىنىڭ كونسۋلتاتيۆتىك كەڭەسىنىڭ توراعاسى. ۇيىم ماقساتى – اقش وڭتۇستىك شەكاراسىنداعى قابىرعا قۇرىلىسىن قارجىلاندىرۋ.

ەۋرازيالىق مەديا فورۋم اياسىندا بەننون 24 مامىر كۇنى «سەنىم داعدارىسى. كۇشتەردىڭ جاھاندىق ءبولىنىسى» پانەلدىك سەسسياسىنا قاتىسادى.

سەسسيانىڭ باستى مىندەتى – حالىقارالىق قاتىناس جۇيەسىنىڭ جاڭا ءتيىمدى جانە تۇراقتى مودەلىن ىزدەۋ.

ستيۆەن بەننەردەن باسقا سەسسياداعى سپيكەرلەر قۇرامىندا مىنا تۇلعالار بولادى:

§  بەنيتا فەررەرو-ۆالدنەر (اۋستريا) – اۋستريالىق مەملەكەتتىك جانە ساياسي قايراتكەرى، ەۋروپالىق وداقتىڭ سىرتقى بايلانىستارى مەن ەۋروپالىق كورشىلىك ساياساتى جونىندەگى كوميسسارى (2004 -2009 جج.)

§  دجوردج گەللوۋەي ( ۇلى بريتانيا) - ساياساتكەر، كىتاپ اۆتورى، جۋرناليست

§  دجەرەمي كەتتنەر (گەرمانيا) – جاھاندىق تاۋەكەلدەر مەن مەملەكەتتەر بويىنشا تالداۋشى، مادەني ديپلوماتيا ساراپشىسى، جازۋشى جانە كوممەنتاتور

§  مارك سيگەل (اقش) - پرەزيدەنت كومەكشىسى د. كارتەرا ورىنباسارى، دەموكراتيالىق پارتيا ۇلتتىق كوميتەتىنىڭ اتقارۋشى ديرەكتورى (1973-1977 جج.)

§  ميحايل گۋسمان (رەسەي) - جۋرناليست، تاسس باس ديرەكتورىنىڭ 1-ءشى ورىنباسارى

§  ستيۆەن كوۋل ( ۇلى بريتانيا)، CGTN باعدارلامالارىنىڭ اۆتورى جانە جۇرگىزۋشىسى

XVI ەۋرازيالىق مەديا فورۋم 22-24 مامىر ارالىعىندا الماتى قالاسىنداعى The Ritz-Carlton قوناق ۇيىندە وتەتىنىن ەستەرىڭىزگە سالا كەتەيىك. فورۋمنىڭ بيىلعى  تەگلاينى – «بۇگىنگى الەم: شىندىق ترانسفورماتسياسى؟».

الداعى كونفەرەنتسيا بارىسىندا الەمدىك جانە وڭىرلىك دەڭگەيدەگى بىرقاتار وزەكتى ماسەلەلەردى تالقىلاۋ جوسپارلانۋدا. كۇن تارتىبىندە جاھانسىزداندىرۋ پروتسەسىنىڭ، تۇتىنۋدىڭ تەرەڭ بويلاپ بارا جاتقان داعدارىس پروبلەمالارى، سونداي-اق حالىقارالىق قۇقىق ماسەلەلەرى مەن جاساندى ينتەللەكت قولدانۋداعى سىن-قاتەرلەر كەڭىنەن تالقىلانادى.

فورۋم شەڭبەرىندە مەديا سالاسىنداعى كاسىبي تاقىرىپتار -  ساندىق الەمدەگى جۋرناليستيكانىڭ بولاشاعى جانە بلوگوسفەرا ىقپالىنىڭ ءوسۋى كوتەرىلەدى.

ورتالىق ازيانىڭ جەتەكشى تاۋەلسىز ديالوگ پلاتفورماسى رەتىندە ەۋرازيا مەديا فورۋمىنىڭ (ەامف) باستى ميسسياسى - قازاقستاننىڭ، ەۋرازيانىڭ جانە بۇكىل حالىقارالىق قوعامداستىقتىڭ گەوساياسي، ەكونوميكالىق، الەۋمەتتىك-مادەني دامۋىنىڭ نەگىزگى پروبلەمالارى بويىنشا ساياساتكەرلەردىڭ، جۋرناليستەر مەن ساراپشىلاردىڭ ەركىن جانە اشىق ديالوگىنا جاعداي جاساۋ.

ەامف-عا تىركەلۋ 16 مامىرعا دەيىن جالعاسادى. تىركەۋ رەسمي سايتتا – http://eamedia.org/ru/  . ورىندار سانى شەكتەۋلى.

XVI ەۋرازيا مەديا فورۋمنىڭ باس سەرىكتەسى – «سامۇرىق-قازىنا» اق.


سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار