ساياسات • 16 مامىر، 2019

گ. ءابدىقالىقوۆا پانەلدىك سەسسيالاردىڭ جۇمىسىنا قاتىستى

865 رەتكورسەتىلدى

نۇر-سۇلتان قالاسىندا XII استانا ەكونوميكالىق فورۋمى اياسىندا قر پرەمەر-مينيسترىنىڭ ورىنباسارى گ. ءابدىقالىقوۆا پانەلدىك سەسسيالاردىڭ جۇمىسىنا قاتىستى. بۇل تۋرالى ۇكىمەتتىڭ ءباسپاسوز قىزمەتى حابارلادى.

بىرىنشى ءىس-شارا حالىقارالىق ەڭبەك ۇيىمىنىڭ 100 جىلدىعىنا ارنالعان حالىقارالىق كونفەرەنسيا بولدى. وعان قر ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپارباەۆ، وزبەكستاننىڭ جۇمىسپەن قامتۋ جانە ەڭبەك قاتىناستارى ءمينيسترى شەرزود كۋبديەۆ، حالىقارالىق الەۋمەتتىك قامسىزداندىرۋ اسسوسياسياسىنىڭ دەپارتامەنتىنىڭ ديرەكتورى ء(حاقا) گراحام مينتون، حالىقارالىق ۇيىمداردىڭ وكىلدەرى، ساراپشىلار قاتىستى. ؛

ۆيسە-پرەمەر گۇلشارا ءابدىقالىقوۆا كونفەرەنسيانى اشۋ كەزىندە بارلىق ەلدەردىڭ جانە حالىقارالىق ۇيىمداردىڭ كۇن تارتىبىندە تۇرعان ەڭبەك نارىعىنداعى جاھاندىق ۇردىستەردى اتاپ ءوتتى. ولار سيفرلىق تەحنولوگيالاردىڭ، ەڭبەك قاتىناستارىنىڭ جاڭا نىساندارىنىڭ دامۋىمەن، سونداي-اق ؛دەموگرافيالىق وزگەرىستەرمەن بايلانىستى.

«قازاقستاندا اتالعان سىن-قاتەرلەرگە دەن قويۋ بويىنشا جۇيەلى شارالار قابىلدانىپ، ىسكە اسىرىلۋدا. جوسپارلى تۇردە قۇرىلىمدىق رەفورمالار جۇرگىزىلىپ جاتىر. وزىق حالىقارالىق پراكتيكاعا جاقىنداۋ ءۇشىن ەىدۇ ستاندارتتارى ؛ەنگىزىلۋدە»، — دەدى گ. ءابدىقالىقوۆا.

پرەمەر-مينيستردىڭ ورىنباسارى ۇكىمەتتىڭ الدىندا 2025 جىلعا قاراي ەڭبەكاقىسى لايىقتى جانە جاعدايلارى ءقاۋىپسىز 1 ملن استام ؛جاڭا جۇمىس ورىندارىن قۇرۋ، جۇمىس كۇشىنىڭ، ونىڭ ىشىندە جاڭادان كەلگەندەردىڭ ؛دە، جۇمىس ىستەپ جۇرگەن قىزمەتكەرلەردىڭ دە داعدىلار مەن قۇزىرەتتەر دەڭگەيىن ارتتىرۋ، ءومىر بويى ۇزدىكسىز وقۋ مودەلىنە ءوتۋ ءۇشىن جاعدايلار جاساۋ سياقتى اۋقىمدى مىندەتتەر تۇرعانىن اتاپ ءوتتى.

قازىرگى ۋاقىتتا ەڭبەك بولاشاعى سالاسىنداعى جۇمىس بىرنەشە باعىتتا جۇرگىزىلىپ جاتىر. ماسەلەن، قازاقستان رەسپۋبليكاسى تۇڭعىش پرەزيدەنتى – ەلباسى ءن.ا. نازارباەۆتىڭ تاپسىرماسىمەن ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017–2021 جىلدارعا ارنالعان «ەڭبەك» مەملەكەتتىك باعدارلاماسى ىسكە اسىرىلۋدا. ول ىسكە اسىرىلا ؛باستاعالى 314 ملرد ؛تەڭگە ؛بولىنىپ، ەكى جىل ىشىندە 1،2 ملن ادام باعدارلاماعا قاتىسۋشى بولدى، 695 مىڭ ادام تۇراقتى جۇمىس ورىندارىنا جۇمىسقا ورنالاستى. اعىمداعى جىلى باعدارلاما شارالارىمەن 570 مىڭ ادامدى قامتۋ جوسپارلانۋدا، بۇگىنگى كۇنى 168 مىڭ ادام ونىڭ قاتىسۋشىسى بولدى.

2018 جىلعى 1 قاڭتاردان باستاپ رەسپۋبليكادا العاشقى سيفرلىق الاڭ جانە ەلىمىزدەگى بوس جۇمىس ورىندارى مەن تۇيىندەمەلەردىڭ ەڭ ۇلكەن بانكى – ەلەكتروندى ەڭبەك بيرجاسى ؛جۇمىس ىستەۋدە. بيرجادا 985 مىڭ بوس جۇمىس ورنى مەن 732 مىڭ تۇيىندەمە ورنالاستىرىلدى. ونىڭ كومەگىمەن 630 مىڭنان استام ادام جۇمىسقا ورنالاستى.

كونفەرەنسيا بارىسىندا حالىقارالىق ساراپشىلار دا ءسوز سويلەپ، ەڭبەك بولاشاعى ماسەلەسى بويىنشا پىكىر الماسۋ ءوتتى.

ۆيسە-پرەمەر قاتىسقان كەلەسى ءىس-شارا، «جاسىل دامۋدىڭ يننوۆاسيالىق ەكوجۇيەسىن قۇرۋ: عىلىم، ءبىلىم جانە تەحنولوگيا» پانەلدىك سەسسياسى بولدى. وعان، سونداي-اق، قر ءبىلىم جانە عىلىم ءمينيسترى كۇلاش ءشامشيدينوۆا، قازاقستان ەكولوگيالىق ۇيىمدار اسسوسياسياسى پرەزيديۋمىنىڭ ءتورايىمى ءاليا نازارباەۆا، حالىقارالىق جانە ۇلتتىق ساراپشىلار، جوو رەكتورلارى جانە باسقالار قاتىستى. ؛

گۇلشارا ءابدىقالىقوۆا ءوز سوزىندە، سوڭعى 100 جىلداعى ەكولوگيانىڭ ناشارلاۋى ءبىزدىڭ ادامزات الدىنداعى جاۋاپكەرشىلىگىمىز جايىندا ويلانۋىمىزعا ماجبۇرلەگەنى جونىندە ەرەكشە اتاپ ءوتتى. بۇگىنگى تاڭدا الەمدىك قاۋىمداستىق تۇراقتى دامۋ تۇجىرىمداماسىن قابىلدادى، ءبىرقاتار دامىعان جانە دامۋشى ەلدەردە «جاسىل» ەكونوميكاعا ءوتۋ ماقۇلدانعان.

«سونداي-اق، ەلىمىزدە 2013 جىلى قازاقستاننىڭ "جاسىل" ؛ەكونوميكاعا ءوتۋى تۇجىرىمداماسى قابىلدانعان. ونى جۇزەگە اسىرۋدىڭ ناتيجەسىندە ازاماتتاردىڭ ءال-اۋقاتىنىڭ ارتۋى؛ تابيعي رەسۋرستاردى ايتارلىقتاي ۇنەمدەۋ؛ قورشاعان ورتانى قورعاۋدى كۇشەيتۋ كۇتىلۋدە»، —دەدى پرەمەر-مينيستردىڭ ورىنباسارى.

اتالعان تۇجىرىمدامادا باستى باعىتتاردىڭ ءبىرى جاسىل جۇمىس ورىندارىنا جاڭا داعدىلارمەن جاڭا كادرلاردى دايىنداۋ بولىپ تابىلادى. ولاردى قۇرۋ، ءوز كەزەگىندە، كاسىپتىك ءبىلىم جۇيەسىن ترانسفورماسيالاۋمەن بىرگە ءجۇرۋى قاجەت. اتالعان تاپسىرمانى تەك كومپلەكستى تاسىلمەن شەشۋ مۇمكىن:

1) ءبىلىم بەرۋ باعدارلامالارىن جاڭعىرتۋ؛

2) پەداگوگتار قۇرامىنىڭ قۇزىرەتتىلىگىن جەتىلدىرۋ؛

3) الدىڭعى تەحنولوگيالىق شەشىمدەردى جانە ەكولوگيالىق تاسىلدەردى قولداناتىن، جاڭا وقۋ ورتاسىن قۇرۋ.

پانەلدىك سەسسيا قورىتىندىسى بويىنشا مەموراندۋمدارعا قول قويىلدى.

باننەر
سوڭعى جاڭالىقتار

ۇقساس جاڭالىقتار