ۇكىمەت • 16 مامىر، 2019

اسقار مامين Nokia ديرەكتورلار كەڭەسىنىڭ توراعاسى ريستو سيلاسماامەن كەزدەسۋ وتكىزدى

1254 رەتكورسەتىلدى

XII استانا ەكونوميكالىق فورۋمى الاڭىندا پرەمەر-مينيستر اسقار مامين Nokia كورپوراتسياسىنىڭ ديرەكتورلار كەڭەسىنىڭ توراعاسى ريستو سيلاسماامەن كەزدەستى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

كەزدەسۋ بارىسىندا تسيفرلاندىرۋدى دامىتۋدىڭ قازىرگى بەتالىستارى تالقىلانىپ، «تسيفرلىق قازاقستان» مەملەكەتتىك باعدارلاماسى اياسىندا بىرلەسكەن جوبالاردى ىسكە اسىرۋ پرەسپەكتيۆالارى قارالدى. تاراپتار تەلەكوممۋنيكاتسيالىق نارىقتى دامىتۋ سالاسىنداعى ءوزارا ءتيىمدى ىنتىماقتاستىقتى ارتتىرۋعا ەرەكشە كوڭىل ءبولدى. تالقىلاۋ تاقىرىبى ينفراقۇرىلىمدىق سەرۆيستەر مەن بيزنەستىڭ جاڭا مۇمكىندىكتەرىن قۇرۋ ءۇشىن ۇلكەن دەرەكتەردى تالداۋمەن جانە زاتتار ينتەرنەتىمەن «بەسىنشى بۋىن» بايلانىس جەلىسىن دامىتۋ بولدى.

ۇكىمەت باسشىسى ا. مامين تەلەكوممۋنيكاتسيالار نارىعىن كەڭەيتىپ، 5G تەحنولوگيالارىن ەنگىزۋ كوزدەلىپ وتىرعانىن جەتكىزدى، وسى ماقساتتا قازاقستاننىڭ بىرقاتار قالالارىندا پيلوتتىق جوبا ىسكە قوسىلا باستادى. بۇگىندە «بەسىنشى بۋىن» بايلانىس جەلىسى نۇر-سۇلتان، الماتى، شىمكەنت قالالارىندا جانە اقمولا، الماتى وبلىستارىندا تەستىلەۋدەن وتكىزىلۋدە.

كەزدەسۋ قورىتىندىسى بويىنشا «قازاقتەلەكوم» اق Nokia-مەن بىرلەسىپ ازىرلەگەن 5G تەحنولوگيالارىنىڭ مۇمكىندىكتەرىنىڭ تانىستىرىلىمى ءوتتى. پرەمەر-مينيستر اسقار مامين جابدىق پەن جەلى جۇمىسىنىڭ ساپالى كورسەتكىشتەرىن تەكسەردى. جاڭا جەلىنى ەنگىزۋ دەرەكتەردى تاراتۋ جىلدامدىعىن ايتارلىقتاي ارتتىرادى، بۇل زياتكەرلىك كولىك جۇيەلەرىن دامىتۋعا، ءىرى وندىرىستىك كومپانيالاردا، لوگيستيكادا جانە ت.ب. سالالاردا ونەركاسىپتىك روبوتتاردى پايدالانۋ مۇمكىندىگىن كەڭەيتۋگە جول اشادى.

ستەند — قازاقستانداعى 5G تەحنولوگياسىنىڭ العاشقى يمپلەمەنتاتسياسى. جالپى، فورۋم قاتىسۋشىلارىنا جاڭا بۋىن تەحنولوگيالارىن سىناپ كورىپ، ءموبيلدى بايلانىستىڭ بەسىنشى بۋىنىن قولدانۋدىڭ پراكتيكالىق مۇمكىندىكتەرىن، سونىڭ ىشىندە بايلانىستىڭ جوعارى جىلدامدىعىن، اسا تومەن جەلىلىك ىركىلىستەردى،  جاۋاپ قاتۋدىڭ جوعارعى دالدىگىمەن نىساندى قاشىقتان باسقارۋدى جانە ت.ب. باعالاۋ مۇمكىندىگى بەرىلدى.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار