ۇكىمەت • 16 مامىر، 2019

اسقار مامين حالىقارالىق قارجى قۇرىلىمدارىنىڭ وكىلدەرىمەن كەزدەستى

730 رەتكورسەتىلدى

بۇگىن XII استانا ەكونوميكالىق فورۋمى اياسىندا پرەمەر-مينيستر اسقار مامين ەۋروپالىق قايتا قۇرۋ جانە دامۋ بانكىنىڭ، ازيا دامۋ بانكىنىڭ، قىتايلىق CITIC Bank جانە ۇندىستاندىق Punjab National Bank باسشىلىعىمەن كەزدەستى. بۇل تۋرالى primeminister.kz حابارلادى.

حالىقارالىق بانك ۇيىمدارىنىڭ دەلەگاتسيالارىمەن اعىمداعى ينۆەستيتسيالىق جوبالار جانە ەكونوميكانىڭ ءتۇرلى سەكتورلارىندا ىنتىماقتاستىقتى ودان ءارى دامىتۋدىڭ پەرسپەكتيۆالى باعىتتارى تالقىلاندى. كەزدەسۋلەر بارىسىندا شاعىن جانە ورتا بيزنەستى قولداۋ جوبالارىنا، ونىڭ ىشىندە ءمجا مەحانيزمدەرىن بەلسەنە قولدانۋ ارقىلى دا قولداۋعا باسا نازار اۋدارىلدى. 

ەۋروپالىق قايتا قۇرۋ جانە دامۋ بانكىنىڭ ۆيتسە-پرەزيدەنتى الان پيۋمەن كەلىسسوزدەر بىرلەسكەن جوبالاردى ىسكە اسىرۋ جانە ءتيىمدى ىنتىماقتاستىقتى جالعاستىرۋ ماسەلەلەرىنە ارنالدى. 2018 جىلى قازاقستان ەكونوميكانىڭ بارلىق سەكتورلارى بويىنشا، ونىڭ ىشىندە تاۋ-كەن سالاسى، مۋنيتسيپالدى جانە كولىك ينفراقۇرىلىمى، جاڭارتىلاتىن ەنەرگيا كوزدەرى جانە شوب بويىنشا ەققدب-مەن $541 ملن سوماسىنىڭ 26 جوباسىنا قول قويدى. 1993 جىلدان بەرى، ىنتىماقتاستىق ورناتىلعان ساتتەن باستاپ، بانك قازاقستاندا 240 جوباعا $8 ملرد-تان استام ينۆەستيتسيا سالدى. 

قازاقستانداعى ەققدب اكتيۆتى قورجىنى 124 جوبانى قامتيدى. بۇگىندە جالپى سوماسى 31،5 ملرد تەڭگەگە 9 جوبا ىسكە اسىرىلىپ جاتىر. ىنتىماقتاستىقتىڭ نەگىزگى باعىتتارىنىڭ ءبىرى - اۆتوجولدى رەكونسترۋكتسيالاۋ. بيىل «كۇرتى-قاپشاعاي» جانە «اتىراۋ - استراحان» ۋچاسكەلەرىنىڭ رەكونسترۋكتسياسى بويىنشا ەكى جاڭا جوباعا قول قويۋ جوسپارلانعان. 

ازيا دامۋ بانكىنىڭ ۆيتسە-پرەزيدەنتى شيكسين چەنمەن كەزدەسۋدە تۇراقتى ەكونوميكالىق ءوسىمدى قامتاماسىز ەتۋ مەن قۇرىلىمدىق رەفورمالار جۇرگىزۋگە باعىتتالعان 2017-2021 جىلدارعا ارنالعان سەرىكتەستىك تۋرالى ەلدىك ستراتەگيانى ىسكە اسىرۋ اياسىنداعى ءوزارا ءىس-قيمىلدىڭ وزەكتى ماسەلەلەرى تالقىلاندى. قازىرگى تاڭدا جالپى سوماسى $831 ملن 3 ءىرى ينفراقۇرىلىمدىق جوبا جانە $11،7 ملن 14 تەحنيكالىق كومەك جوباسى ىسكە اسىرىلۋ ساتىسىندا. 2019 جىلى 5 جوبانى جۇزەگە اسىرۋ كوزدەلگەن، سونىڭ ىشىندە جەردى سۋلاندىراتىن جۇيەلەردى جاڭعىرتۋ، جولداردى جانە قالا ينفراقۇرىلىمىن رەكونسترۋكتسيالاۋ جوبالارى بار. 

CITIC Bank ديرەكتورلار كەڭەسىنىڭ توراعاسى لي تسينپينمەن اڭگىمەلەسۋ بارىسىندا ىنتىماقتاستىقتى ودان ءارى كەڭەيتۋ پەرسپەكتيۆالارى، ونىڭ ىشىندە اكتسيونەرلەر قۇرامىنا China CITIC Bank كىرەتىن «Altyn Bank» اق قىزمەتى قارالدى. تاراپتار بانكتىڭ قازاقستان ەكونوميكاسىنىڭ ناقتى سەكتورىن نەسيەلەندىرۋگە بەلسەنە قاتىسىپ وتىرعانىن اتاپ ءوتىپ، كليەنتتەرگە قىزمەت كورسەتۋ مەن كورپوراتيۆتىك باسقارۋدا ەنگىزىلىپ جاتقان جوعارى ستاندارتتاردى وڭ باعالادى. 

Punjab National Bank ءۇندى بانكىنىڭ توراعاسى مەن باسقارۋشى ديرەكتورى سۋنيل مەحتامەن قازىرگى ىنتىماقتاستىق ماسەلەلەرى، ونىڭ ىشىندە «Tengri Bank» اق جۇمىسى اياسىنداعى ءوزارا ءىس-قيمىل ماسەلەلەرى تالقىلاندى. سونداي-اق، بانك قىزمەتتەرىن دامىتۋدىڭ زاماناۋي الەمدىك ۇردىستەرى جانە ولاردىڭ جەكەلەگەن ەلدەردىڭ ەكونوميكاسىنا الەۋەتتى ىقپالى جونىندە پىكىر الماستىرىلدى.  

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار