ايماقتار • 16 مامىر، 2019

بالقاش قالاسىندا بالعىن قۇتقارۋشىلار سايىسقا ءتۇستى

677 رەت كورسەتىلدى

بالقاش قالاسىندا جالپى ءبىلىم بەرەتىن ورتا مەكتەپتەر اراسىندا «بالعىن قۇتقارۋشى» جارىسى ءوتتى. سايىستى قالالىق توتەنشە جاعدايلار باسقارماسى مەن ءبىلىم بەرۋ ءبولىمى بىرىگىپ ۇيىمداستىردى.

جارىسقا قالاداعى 8 مەكتەپ كوماندالارى قۇرامىنداعى 80-نەن استام وقۋشى قاتىسىپ، ءۇش كەزەڭنەن تۇراتىن سىندا ءوز ونەرلەرىن ورتاعا سالدى. بالعىن قۇتقارۋشىلار ءوز كومانداسىن تانىستىرۋ، العاشقى دارىگەرلىك كومەك كورسەتۋ جانە قابىرعا گازەتىن شىعارۋ سىندى سايىستا شەبەرلىك  جارىستىردى.

سايىس قورىتىندىسىندا قازىلار القاسىنىڭ شەشىمىمەن №8 ورتا مەكتەپتىڭ كومانداسى ۇزدىك دەپ تانىلدى. ەكىنشى جۇلدەنى اباي اتىنداعى ورتا مەكتەپتىڭ وقۋشىلارى جەڭىپ السا، ءۇشىنشى ورىنعا №9 جالپى ءبىلىم بەرۋ مەكەمەسىنىڭ جاس قۇتقارۋشىلارى يە بولدى.

«بالعىن قۇتقارۋشىلار» سايىسىنىڭ جەڭىمپازدارى مەن جۇلدەگەرلەرىنە عانا ەمەس، بارلىق قاتىسۋشىلارىنا باعالى جانە ءتاتتى سىيلىقتار تابىس ەتىلدى.


قاراعاندى وبلىسى


سوڭعى جاڭالىقتار

اراق ساتىلمايتىن اۋدان

ايماقتار • بۇگىن، 21:11

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

ۇقساس جاڭالىقتار