پرەزيدەنت • 16 مامىر، 2019

ەلباسى نۇرسۇلتان نازارباەۆ ءحىى استانا ەكونوميكالىق فورۋمىنا قاتىستى

671 رەتكورسەتىلدى

فورۋمنىڭ پلەنارلىق وتىرىسىنىڭ قاتىسۋشىلارى الدىندا ءسوز سويلەگەن قازاقستاننىڭ تۇڭعىش پرەزيدەنتى استانا ەكونوميكالىق فورۋمىنىڭ وڭىرلىك جانە جاھاندىق سىن-قاتەرلەرگە توتەپ بەرۋ ۇدەرىسىندەگى ماڭىزدى ءرولىن اتاپ ءوتتى. بۇل تۋرالى اقوردانىڭ ءباسپاسوز قىزمەتى حابارلادى.

– الدىڭعى جىلدارى وسى جەردە تالقىلانعان ۇسىنىستار مەن يدەيالار قازاقستانعا جاھاندىق سىن-قاتەرلەردى ۋاقتىلى ەسكەرىپ، قيىندىقتاردى تابىستى ەڭسەرۋگە مۇمكىندىك بەردى. دامۋدىڭ قازاقستاندىق مودەلى قالىپتاسقان جاعدايلار مەن بولجامدارعا قاراماستان ءوزىنىڭ تۇراقتىلىعى مەن تيىمدىلىگىن دالەلدەگەنىن بىلەسىزدەر. ءبىز ءورشىل ماقساتتار قويىپ، سولارعا قول جەتكىزە الدىق، – دەدى نۇرسۇلتان نازارباەۆ.

پلەنارلىق وتىرىس بارىسىندا ەلباسى جاھاندىق ەكونوميكاداعى سوڭعى وزگەرىستەر تۋرالى پىكىرىن ورتاعا سالىپ، مەملەكەتارالىق ديالوگتى جاقسارتۋ ءۇشىن بىرقاتار يدەيا ۇسىندى.

قازاقستاننىڭ تۇڭعىش پرەزيدەنتى سويلەگەن سوزىندە الەمدىك ەكونوميكانى دامىتۋ، تسيفرلاندىرۋ، ءبىلىم بەرۋ ۇدەرىستەرىنىڭ ترانسفورماتسياسى، ادام كاپيتالىنا قويىلاتىن تالاپتاردىڭ كۇشەيۋى، سونداي-اق ۋربانيزاتسيا پەرسپەكتيۆالارى سياقتى ماسەلەلەرگە توقتالدى.

– ەكونوميكالىق جوسپارلاۋدىڭ كوكجيەگى تارىلىپ كەلە جاتقانىن بىلەسىزدەر. كۇردەلى جاعدايلاردان شىعۋ جولدارىن بىرىككەن ۇلتتار ۇيىمى، G-20، دۇنيەجۇزىلىك ساۋدا ۇيىمى سياقتى حالىقارالىق ۇيىمدار مەن فورۋمدار اياسىندا تابۋعا بولادى. بىرلەسە تالقىلاۋ مەن باسقارۋعا كوشەتىن كەز كەلدى. تاياۋدا بەيجىڭدە وتكەن «ءبىر بەلدەۋ، ءبىر جول» ءىى فورۋمىندا مەن «ءۇش د» جاڭا گەوساياسي احۋالى نەگىزىندە تۇراقتى جاھاندىق ارحيتەكتۋرانى قالىپتاستىرۋدى ۇسىندىم. بۇل دەگەنىمىز – ءۇش دەڭگەيدە ديالوگ ورناتۋ، – دەدى نۇرسۇلتان نازارباەۆ.

سونىمەن قاتار، ەلباسى استانا ەكونوميكالىق فورۋمى الاڭىندا حالىقارالىق ديالوگ فورماتىن كەڭەيتۋ ءۇشىن شارالار قابىلداۋدى ۇسىندى.

– وسى جەردە ايتىلعان يدەيالار الەمدىك ساياسات پەن ەكونوميكانىڭ ەڭ كۇردەلى جانە وزەكتى ماسەلەلەرىنە قاتىستى شەشىمدەر تابۋعا سەپتىگىن تيگىزەتىنىنە سەنىمدىمىن، – دەدى قازاقستاننىڭ تۇڭعىش پرەزيدەنتى.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار