پرەزيدەنت • 16 مامىر، 2019

پرەزيدەنت قحر مەملەكەتتىك كەڭەسى پرەمەرىنىڭ ورىنباسارى حان چجەندى قابىلدادى

725 رەتكورسەتىلدى

مەملەكەت باسشىسى حان چجەننىڭ قازاقستانعا ساپارى ەكىجاقتى ساۋدا-ەكونوميكالىق قاتىناستاردى نىعايتۋعا سەپتىگىن تيگىزەتىنىنە سەنىم ءبىلدىردى. بۇل تۋرالى اقوردانىڭ ءباسپاسوز قىزمەتى حابارلادى.

قازاقستان پرەزيدەنتى حان چجەندى «ءبىر بەلدەۋ، ءبىر جول» فورۋمىنىڭ تابىستى وتۋىمەن قۇتتىقتاپ، سي ءتسزينپيننىڭ ۇلى جىبەك جولىن جاڭعىرتۋ يدەياسى حالىقارالىق قوعامداستىق تاراپىنان قولداۋ تاپقانىن جانە ءوزىنىڭ ومىرشەڭدىگىن دالەلدەگەنىن اتاپ ءوتتى.

قاسىم-جومارت توقاەۆ ەلباسى نۇرسۇلتان نازارباەۆ پەن قحر توراعاسىنىڭ جاقىندا وتكەن كەزدەسۋىندە قول جەتكىزگەن ۋاعدالاستىقتار ەكى ەل اراسىنداعى جان-جاقتى ستراتەگيالىق سەرىكتەستىكتى نىعايتۋ جولىنداعى ماڭىزدى قادام بولعانىن ايتتى.

– قىتايمەن تاتۋ قارىم-قاتىناس ورناتۋ قازاقستاننىڭ سىرتقى ساياساتىنداعى ەڭ ماڭىزدى باسىمدىقتاردىڭ ءبىرى. ەكى ەل اراسىنداعى ساياسي، ساۋدا-ەكونوميكالىق جانە مادەني-گۋمانيتارلىق بايلانىستار ءوزارا پايدالى ءارى ءتيىمدى مەملەكەتارالىق ىقپالداستىقتىڭ ۇلگىسىن كورسەتەدى. قىتاي – قازاقستاننىڭ ءىرى سىرتقى ساۋدا ارىپتەسى. ەكىجاقتى ساۋدا-ساتتىقتىڭ اۋقىمى قارقىندى ءوسىپ كەلەدى، – دەدى مەملەكەت باسشىسى.

قحر مەملەكەتتىك كەڭەسى پرەمەرىنىڭ ورىنباسارى قازاقستانعا العاش رەت ساپارمەن كەلگەنىن اتاپ ءوتىپ، ءبىزدىڭ ەلىمىزدىڭ جاقسى اسەر قالدىرعانىن ايتتى. 

– قازاقستان تاۋەلسىزدىك جىلدارى تۇراقتى دامىپ كەلەدى. ەل ەكونوميكاسى وسۋدە. ءوزارا قارىم-قاتىناستارىمىزدىڭ دامىعانىنا ريزاشىلىق بىلدىرەمىز، – دەدى حان چجەن.

كەزدەسۋ بارىسىندا قازاقستان-قىتاي بىرلەسكەن جوبالارىن جۇزەگە اسىرۋ، قازاقستان اۋىل شارۋاشىلىعىنىڭ ورگانيكالىق ونىمدەرى ەكسپورتىنىڭ  كولەمىن ارتتىرۋ، ترانسشەكارالىق وزەندەردى پايدالانۋ جانە ءتۋريزمدى دامىتۋ ماسەلەلەرى قاراستىرىلدى.

كولىك-لوگيستيكالىق سالاداعى ىنتىماقتاستىققا ەرەكشە كوڭىل ءبولىندى. سونىڭ ىشىندە، ليانيۋنگان پورتىنداعى بىرلەسكەن تەرمينالدىڭ جانە ارنايى ەكونوميكالىق ايماقتاعى «قورعاس – شىعىس قاقپاسى» قۇرعاق پورتىنىڭ الەۋەتىن پايدالانۋ، ءترانزيتتى كونتەينەرلەردىڭ تاسىمال كولەمىن ارتتىرۋ  پەرسپەكتيۆالارى تالقىلاندى.

سوڭعى جاڭالىقتار

ەڭبەكاقى كولەمىن ۇلعايتتى

ايماقتار • بۇگىن، 07:26

بابىر بابا شاپانى

تانىم • بۇگىن، 07:23

ولار ەشكىمنەن كەم ەمەس

رۋحانيات • بۇگىن، 07:18

جالعىز قولمەن جيھاز جاسايدى

ايماقتار • بۇگىن، 07:17

زاماناۋي كارىز جۇيەلەرى كەرەك

ايماقتار • بۇگىن، 07:13

سەرگەلدەڭگە سالعان سەرتيفيكات

ايماقتار • بۇگىن، 07:02

سازگەردىڭ «ماڭگى كوكتەمى»

تانىم • بۇگىن، 06:58

ەر قازاق ەدى ەراعا

تانىم • بۇگىن، 06:56

ەلىمىزدەگى ەڭ الىپ كىتاپ

ايماقتار • بۇگىن، 06:55

تاعايىنداۋ

پرەزيدەنت • بۇگىن، 06:50

جۇرت تىلەگى نازارعا الىندى

ايماقتار • بۇگىن، 06:24

ۇقساس جاڭالىقتار