ايماقتار • 16 مامىر، 2019

جالاعاشتا كاسىپكەرلىك قاناتىن كەڭ جايىپ كەلەدى

657 رەتكورسەتىلدى

جالاعاش اۋدانىنا جۇمىس ساپارى بارىسىندا وبلىس اكىمى قىرىمبەك كوشەرباەۆ «تاڭ LTD» جشس-ءنىڭ مەملەكەتتىك-جەكەمەنشىك ارىپتەستىك اياسىندا ىسكە اسىرىلعان سپورت كەشەنىنىڭ جۇمىسىمەن تانىسىپ، بىرقاتار كاسىپكەرلىك نىسانداردى ارالادى.

وبلىس اكىمى الدىمەن تاڭ اۋىلدىق وكرۋگىندەگى «تاڭ LTD» جشس-ءنىڭ مەملەكەتتىك-جەكەمەنشىك ارىپتەستىك اياسىندا ىسكە اسىرىلعان سپورت كەشەنىنىڭ جۇمىسىمەن تانىستى. 100 ادامعا ارنالعان سپورت كەشەنىندە دزيۋدو جانە تاەكۆاندو ۇيىرمەلەرى جۇمىس ىستەيدى. مۇندا 2 سپورتزال، كيىم اۋىستىراتىن بولمە، سانۋزەل، ترەنەر جانە مەدبيكە كابينەتتەرى قاراستىرىلعان. جاڭا نىساندا 11 ادام جۇمىسپەن قامتىلعان.

سونداي-اق، وبلىس اكىمى تاۋلىگىنە 1000 دانا كونسەرۆىلەنگەن ەت ونىمدەرىن شىعاراتىن «تاڭ لتد» جشس ەت تسەحىن ارالاپ كوردى. كاسىپورىندا 14 ادام جۇمىسپەن قامتىلعان. تسەح قۇرىلىسى وتكەن جىلدىڭ تامىز ايىندا باستالىپ، 2019 جىلدىڭ 1 مامىرىندا اياقتالدى. تسەح عيماراتىندا ءىرى قارا مالدى سويۋ بولمەسى، مۇزداتقىش، ەت كەسۋ جانە بۋمالاۋ بولمەسى بار. سونداي-اق مۇندا ۆەتەرينار، تەحنولوگ جانە 2 زەرتحاناشى جۇمىس ىستەيدى.

ايماق باسشىسى جالاعاش كەنتىندە اعىمداعى جىلدىڭ 1 مامىرىندا جۇمىسىن باستاعان Jibek قوناق ءۇي كەشەنىنىڭ جۇمىسىمەن تانىستى. ەكى قاباتتى عيماراتتا 4 كەڭسە، 50 ادامعا ارنالعان اسحانا، 3 ليۋكس جانە 4 ەكونوم ساناتىنداعى بولمەسى بار. قوناق ۇيدە 5 ادام جۇمىس ىستەيدى.

ءوڭىر باسشىسىنىڭ جۇمىس ساپارى 2017 جىلى اشىلعان وركەن الەم جشس ارنايى كيىم تىگۋ تسەحىندا قورىتىندىلاندى. اتالمىش تسەح بروندى كەۋدەشە مەن ارنايى كيىمدەر تىگەدى. تسەحتىڭ جىلدىق قۋاتى – 7000 داناعا دەيىن بروندى كەۋدەشە تىگەدى، نىساندا 24 ادام جۇمىس ىستەيدى.

ەسكە سالا كەتەيىك، 2018 جىلى قىزىلوردا وبلىسى اكىمدىگى، ءماسليحات، «نۇر وتان» پارتياسى فيليالى، قوعامدىق كەڭەس جانە كاسىپكەرلەر پالاتاسىنىڭ بىرلەسكەن شەشىمىمەن 2018-2020 جج. وڭىردە «جاپپاي كاسىپكەرلىكتى دامىتۋدىڭ ءۇش جىلدىعى» رەتىندە جاريالانعان.

بيىل وبلىستا شاعىن جانە ورتا بيزنەستى دامىتۋدا نەسيەلەر بويىنشا پايىزدىق مولشەرلەمەنى سۋبسيديالاۋ ءۇشىن 900 ملن تەڭگە، سونداي-اق، شاعىن جانە ورتا بيزنەستىڭ نەسيەلەرىن ءىشىنارا كەپىلدەندىرۋ ءۇشىن 100 ملن تەڭگە قاراستىرىلعان. وڭىرلىك ينۆەستيتسيالىق ورتالىققا اعىمداعى جىلى شاعىن جانە ورتا بيزنەس جوبالارىن قارجىلاندىرۋعا 1 ملرد تەڭگە ءبولىندى. بۇدان باسقا، «دامۋ» قورىمەن شاعىن جانە ورتا بيزنەستى قارجىلاندىرۋ ءۇشىن 800 ملن تەڭگە قاراستىرىلعان جاڭا باعدارلاما جۇزەگە اسىرىلۋدا. وندا كاسىپكەرلەر ءۇشىن اقتىق مولشەرلەمە جىلىنا 8% بولادى. قاراجات وڭىرلىك ينۆەستيتسيالىق ورتالىق ارقىلى 5 جىلعا 10-نان 20 ملن تەڭگەگە دەيىن بەرىلەدى.

سوڭعى جاڭالىقتار

ەلىمىزدەگى ەڭ الىپ كىتاپ

ايماقتار • بۇگىن، 06:55

تاعايىنداۋ

پرەزيدەنت • بۇگىن، 06:50

جۇرت تىلەگى نازارعا الىندى

ايماقتار • بۇگىن، 06:24

ۇقساس جاڭالىقتار