ايماقتار • 16 مامىر، 2019

قارابۇلاق اۋىلىنداعى تىگىن تسەحى تۇتىنۋشىلار تىلەگىن قاناعاتتاندىرىپ وتىر

733 رەت كورسەتىلدى

الماتى وبلىسى ەسكەلدى اۋدانىنداعى قارابۇلاق اۋىلىندا جەكە كاسىپكەر اشقان تىگىن تسەحى تابىستى جۇمىس ىستەپ تۇر.

ىسكە پىسىق، قولى ىسمەر ءزىبيلا راحىمجان كاسىپكەرلەردى قولداۋعا ارنالعان «باستاۋ» جوباسىنا قاتىسىپ، 6 ملن تەڭگە نەسيە العان ەكەن. نارىقىت زەرتتەي كەلە اۋىلدان كيىم-كەشەك تىگەتىن تسەح اشۋدى ۇيعارىپتى. قازىر شاڭىن تسەحتا ءتورت ادام جۇمىس ىستەۋدە. تىگىنشىلەر كۇندەلىكتى تۇرىسقا قاجەتتى بۇيىمدار مەن كيىمدەردى تىگۋمەن قاتار، ءتۇرلى مەرەكەلىك كوستيۋمدەر، مامانداندىرىلعان جانە ۇلتتىق كيىم ۇلگىلەرىن تاپسىرىس بەرۋشىنىڭ تالعامىنا ساي ەتىپ دايىنداپ بەرەدى.

ءزىبيلانىڭ تىگىن تۇرعىندارعا قىزمەت كورسەتە باستالعالى 1 جىلدىڭ  ءجۇزى عانا بولدى. تسەح اشىلعاننان بەرى جۇمىسشىلار 1000 استام تاپسىرىستى ورىنداپ ۇلگەرگەن. بۇل 16 مىڭعا جۋىق تۇرعىنى بار قارابۇلاق اۋىلى ءۇشىن اجەپتاۋىر كورسەتكىش.

 - «باستاۋ» كاسىپكەرلىككە باۋلۋ جوباسى ارقىلى بيزنەس جۇرگىزۋگە ماشىقتانىپ، 6 ملن تەڭگە كولەمىندەگى جەڭىلدەتىلگەن نەسيەگە الدىم. قول بۇل قارجىعا  اۆتوماتتاندىرىلعان ستانوك پەن بىرنەشە تىگىن ماشيناسىن، ماتالار ساتىپ الدىم. كىشىگىرىم ورىندى جالعا الىپ وتىرمىز. تۇراقتى كليەنتتەرىمىز بار. جەكەمەنشىك كومپانيالار مەن مەملەكەتتىك ۇيىمدار تاراپىنان ءىرى تاپسىرىستار تۇسە باستادى، - دەيدى كاسىپكەر.

الماتى وبلىسى

سوڭعى جاڭالىقتار

قاي سالادا جالاقى ءوستى؟

ەكونوميكا • كەشە

رەسەي ازاماتتارى العىس ايتتى

ايماقتار • 26 اقپان، 2021

ۇقساس جاڭالىقتار