ايماقتار • 16 مامىر، 2019

قىزىلوردا وبلىسىندا 100 ورىندىق اۋرۋحانا سالىنادى

682 رەتكورسەتىلدى

جالاعاش اۋدانىنا جۇمىس ساپارى بارىسىندا وبلىس اكىمى قىرىمبەك كوشەرباەۆ بىرقاتار كاسىپكەرلىك نىسانداردى ارالاپ كوردى جانە اۋداندىق اۋرۋحانانىڭ ىرگەتاسىن قالاۋ راسىمىنە قاتىستى.

وبلىس اكىمى جالاعاش اۋدانىنىڭ تۇرعىندارىن قاسيەتتى رامازان ايىمەن جانە جاڭا اۋرۋحانا قۇرىلىسىنىڭ باستالۋىمەن قۇتتىقتادى.

- جاقىندا وڭىرىمىزدە ەل پرەزيدەنتى قاسىم-جومارت كەمەل ۇلى توقاەۆ جۇمىس ساپارىمەن بولدى. مەملەكەت باسشىسى سىر بويى ەلدىڭ ءال-اۋقاتىن ەسەلەپ، حالقىمىزدىڭ باق-بەرەكەسىن ارتتىرعان ءوڭىر ەكەنىن ايتىپ، بىزدەگى كاسىپكەرلىك، يندۋستريالاندىرۋ، قۇرىلىس جۇمىستارىنا وڭ باعاسىن بەردى. بۇل باعالاۋدا سىزدەردىڭ بارشاڭىزدىڭ تۋعان جەرىمىزدى دامىتۋعا قوسقان ولشەۋسىز ۇلەستەرىڭىز بار ەكەنىن اتاپ وتكىم كەلەدى. بۇگىن مىنە، جالاعاش اۋدانىندا دا سول يگىلىكتى ءىستى جالعاستىرىپ، حالىققا ساپالى مەديتسينالىق كومەك كورسەتۋ ماقساتىندا 100 ورىندىق جاڭا اۋرۋحانا قۇرىلىسىن سالۋدى باستاعالى وتىرمىز. اۋداندا جاڭا تيپتەگى، زاماناۋي قۇرالدارمەن جابدىقتالعان اۋرۋحانا سالۋ وزەكتى ماسەلەلەردىڭ ءبىرى بولاتىن. بۇرىنعى ورتالىق اۋرۋحانا 1997 جىلى اسار ادىسىمەن سالىنعان. دەنى ساۋ ادامنىڭ قاشان دا قوعام بايلىعى ەكەنى بەلگىلى. سوندىقتان، ءبىزدىڭ مىندەتىمىز - حالىقتى ساپالى جانە قولجەتىمدى مەديتسينالىق قىزمەتتەرمەن قامتاماسىز ەتە وتىرىپ، زاماناۋي اۋرۋحانا، ەمحانالاردا ەم الۋىنا جاعداي جاساۋ»،-دەدى ايماق باسشىسى.

اۋرۋحانا قۇرىلىسىن اياقتاۋ كەلەر جىلعا جوسپارلانىپ وتىر. جالپى، سىر ءوڭىرىنىڭ ەلدىمەكەندەرىندە تەك سوڭعى 2 جىلدا 24 دەنساۋلىق ساقتاۋ نىسانى سالىندى. بۇل نىسانداردىڭ دەنى – اۋىلدىق ەمحانالار مەن دارىگەرلىك امبۋلاتوريالار. ولاردىڭ بارلىعى زاماناۋي جابدىقتالعان، سونداي-اق، دارىگەرلىك امبۋلاتوريالاردىڭ جانىنان كۇندىزگى ستاتسيونارلار اشىلۋدا.

اۋدان تۇرعىندارىنىڭ وزەكتى ماسەلەسىنىڭ شەشىم تاپقانى ءۇشىن دەنساۋلىق ساقتاۋ سالاسىنىڭ ارداگەرى ساحي قالىباەۆ وبلىس اكىمىنە العىسىن ءبىلدىردى.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار