ايماقتار • 16 مامىر، 2019

بالانى ەڭبەككە باۋلۋ ەرتە باستان جۇزەگە اسۋى ءتيىس

695 رەتكورسەتىلدى

الماتى وبلىسىنىڭ رايىمبەك اۋدانىندا رەسپۋبليكالىق «ۇلاعاتتى ۇرپاق» قوعامدىق قورىنىڭ ۇيىتقى بولۋىمەن ەرەكشە شارا ءوتتى. جەكە كومپانيالاردىڭ قولداۋىمەن جۇزە اسقان شارا جاس ۇرپاقتى ەڭبەككە باۋلۋعا ارنالدى.

«بۇگىنگى وقۋشى – ەرتەڭگى بىلىكتى مامان» اتتى ەڭبەك ءپانىنىڭ وليمپياداسىنا تالعار، ەڭبەكشىقازاق، ۇيعىر، كەگەن، رايىمبەك اۋداندارىنان ءبىلىمدى، ىزدەنىسى مول وقۋشىلار جينالدى. ەلىمىزدى تۇڭعىش رەت وتكىزىلگەن ەڭبەك وليمپياداسىنا ءوبلىستىق بىلىم باسقارماسى قولداۋ ءبىلدىرىپ، «Astra»، «Adiroy Kz»، «O-brend»، «Evo» سياقتى جەكە كومپانيالار دەمەۋشىلىك جاساعان ەكەن.

– ؛بالانى ەڭبەككە باۋلۋ ەرتە باستان جۇزەگە اسىرىلۋى ءتيىس. بۇل ەڭبەك وليمپياداسىن وتكىزۋدەگى ماقساتىمىز تەك ىزدەنىمپاز وقۋشىلاردىڭ باسىن قوسىپ، ىسمەرلىك جاراسىنا قاتىستىرۋ عانا ەمەس، جالپى ادامزاتتىڭ دامۋىنداعى ەڭبەك ءرولىنىڭ ماڭىزىن ۇعىندىرساق دەگەن وي ەدى. باستاما وڭ بولعان سياقتى، ەندى جىل سايىن وتكىزىلەتىن ەڭبەك ءپانىنىڭ ۇلكەن شاراسى جاستارىمىزدى جاقسى ىسكە جەتەلەپ، ەڭبەككە جاقىن بولىپ وسۋىنە كومەگىن تيگىزىپ جاتسا، ماقساتىمىزدىڭ ورىندالعانى، - دەدى «ۇلاعاتتى ۇرپاق» قوعامدىق قورىنىڭ ديرەكتورى ايدوس سۋانبەكوۆ.

ەڭبەك ءپانى بويىنشا وليمپياداعا وبلىس اۋداندارىنان 74 كوماندا قاتىستى. جاس شەبەرلەرگە  ؛نەگىزىنەن اۋىلشارۋاشىلىعى، تۋريزم، اگروتەحنيكا باعىتى بويىنشا ماكەتتەر جاساپ، ىزدەنىس جۇمىستارىن قورعاۋ تاپسىرىلدى. بايقاۋدىڭ قورىتىندىسى بويىنشا ەڭبەكشىقازاق اۋدانىنان كەلگەن «كۆانت» كومانداسى باس جۇلدە يەلەندى. ولارعا «ۇلاعاتتى ۇرپاق» قوعامدىق قورى تاعايىنداعان 150 000 تەڭگە اقشالاي جۇلدە مەن ارنايى كۋبوك تاپسىرىلدى.

الماتى وبلىسى

 ؛

باننەر
سوڭعى جاڭالىقتار

ليساكوۆتىڭ «بايتەرەگى»

ايماقتار • كەشە

وقۋ مادەنيەتى

قوعام • كەشە

الاشتىڭ ايبوز ابىزى

رۋحانيات • كەشە

حالىق پىكىرىنە قۇرمەت

ساياسات • كەشە

اقتوبە وبلىسى جىلىتۋ ماۋسىمىنا دايىن

ايماقتار • 19 قىركۇيەك، 2019

ۇقساس جاڭالىقتار