سايلاۋ • 16 مامىر، 2019

قىزىلوردا وبلىسىندا 1597 سەنىمدى وكىل تىركەلدى

774 رەتكورسەتىلدى

قىزىلوردا وبلىستىق سايلاۋ كوميسسياسىنىڭ مۇشەلەرى وڭىرلىك كوممۋنيكاتسيالار قىزمەتىندە قازاقستان پرەزيدەنتتىگىنە كانديداتتاردىڭ سەنىمدى وكىلدەرى پارتيا مۇشەلەرىمەن كەزدەسىپ، قازاقستان رەسپۋبليكاسىنىڭ پرەزيدەنتىگىنە كانديداتتاردىڭ ۇگىت جۇمىستارىنىڭ وتكىزۋ ءتارتىبى بويىنشا ءتۇسىندىرۋ جۇمىستارىن وتكىزدى.

وبلىس بويىنشا 1 وبلىستىق، 8 اۋماقتىق سايلاۋ كوميسسيالارى جانە 366 ۋچاسكەلىك سايلاۋ كوميسيالارى جۇمىس اتقارادى. قازىرگى تاڭدا بارلىق دەڭگەيدەگى سايلاۋ كوميسسيالارى ەلەكتوراتتىق وقىتۋدان وتكىزىلۋدە. بارلىعى 29 توپتان قۇرالعان 793 سايلاۋ كوميسسيالارىنىڭ مۇشەلەرى وقىتىلىپ جاتىر.

«وبلىس بويىنشا بۇگىنگى كۇنى بيلبوردتار مەن پلاكاتتار ءۇشىن 238 ورىن جانە سايلاۋشىلارمەن كەزدەسۋلەر ۇيىمداستىرۋ ءۇشىن 170 ءۇي جاي بەلگىلەنگەن، كانديداتتارعا ۇگىت جۇرگىزۋ ءۇشىن تولىق جاعداي جاسالعان»، دەدى وبلىستىق سايلاۋ كوميسسياسىنىڭ توراعاسى ابايبەك ءجۇنىسوۆ.

قازاقستان پرەزيدەنتتىگىنە كانديداتتاردىڭ وبلىس بويىنشا 1597 سەنىمدى وكىلدەرى تىركەلىپ، كۋالىكتەرى تابىستالدى. كانديداتتاردى قولداۋعا بايلانىستى وبلىس اۋماعىندا 7 قوعامدىق شتاب قۇرىلعان. شتاب وكىلدەرى سايلاۋ كوميسسيالارىمەن ءوزارا كەدەرگىسىز بايلانىسادى جانە كەڭەس الادى.

كەزدەسۋدە وبلىستىق سايلاۋ كوميسسياسىنىڭ حاتشىسى اياگوز سىرلىباەۆا ۇگىت جۇمىستارىنىڭ ءتارتىبى جانە جالپى شارتتارى تۋرالى جان-جاقتى ايتىپ بەردى.

سوڭعى جاڭالىقتار

ۇقساس جاڭالىقتار