ايماقتار • 16 مامىر، 2019

ءتورت ءتىل بىلەتىن ءتارتىپ ساقشىلارى تۋريستەرگە قىزمەت كورسەتەدى

652 رەتكورسەتىلدى

ەلىمىزدە بيىلدان باستاپ تۋريستىك پوليتسيا قىزمەتى قۇرىلعانى بەلگىلى. ءتارتىپ ساقشىلارىنىڭ بۇل باعىتتاعى جۇمىسى ەندى الماتى وبلىسىندا دا قىزا تۇسپەك. ويتكەنى، تۋريستىك الەۋەتى نۇر-سۇلتان مەن الماتى قالالارىنان كەيىنگى ءۇشىنشى ورىندا تۇرعان جەتىسۋعا كەلەتىن ساياحاتشىلار مەن دەمالۋشىلار لەگى ماۋسىم سايىن كوبەيىپ كەلەدى.

تۋريستىك پوليتسيا قىزمەتىنىڭ العاشقى بولىمشەسى الاكول اۋدانىندا اشىلدى. 5 ادامنان تۇراتىن ارنايى توپ الداعى جاز ماۋسىمىندا الاكول جاعاجايىنداعى قوعامدىق ءتارتىپتىڭ ساقتالۋىنا جاۋاپتى بولىپ، دەمالۋشىلارعا جول مەن ءجون نۇسقايتىن مىندەتتى دە قوسا اتقارماق.

- جاڭادان قۇرىلعان پوليتسيا بولىمشەسىندەگى وفيتسەرلىك قۇرامنىڭ شتاتتىق سانى 5 بىرلىكتەن تۇرادى. قىزمەتكەرلەر مۇقيات ىرىكتەۋدەن ءوتتى، زاڭنامانى جانە شەت تىلدەرىن جاقسى مەڭگەرگەن. ولار ەلىمىزدىڭ تاريحىن دا جاقسى بىلەدى، اڭگىمەشىل، اشىق. ارقايسىسى مەملەكەتتىك تىلدەن بولەك، اعىلشىن جانە ورىس تىلدەرىن جاقسى مەڭگەرگەن. سونىمەن قاتار، ءوڭىرىمىز قىتاي حالىق رەسپۋبليكاسىمەن شەكتەسەتىنىن ەسكەرە وتىرىپ، بولىمشەنىڭ ءبىر قىزمەتكەرى قىتاي ءتىلىن ەركىن مەڭگەرگەن ادام بولۋىنا ءمان بەردىك. بارلىعى راتسيالارمەن، پلانشەتتەرمەن، فورمالىق كەۋدەشە جانە باسقا دا قاجەتتى زاتتارمەن جابدىقتالعان. جەكە اۆتوكولىكتەرى دە بار»، - دەدى الماتى وبلىستىق پوليتسيا باسقارماسى ءباسپاسوز قىزمەتىنىڭ وكىلى كوبەيحان نۇراحمەت.

الاكول جاعالاۋىندا العاشقى بولىپ اشىلعان تۋريستىك پوليتسيا بولىمشەسى الداعى كۇندەردە قاپشاعاي دەمالىس ايماعى مەن كەگەن اۋدانىن اۋماعىنداعى تۋريستىك نىسانداردا دا قۇرىلىپ، دەمالۋشىلارعا قىزمەت كورسەتەتىن بولادى.

الماتى وبلىسى

 

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار