ايماقتار • 16 مامىر، 2019

«مەنىڭ جىبەك جولىم» اتتى سۋرەت كورمەسى اشىلدى

مەملەكەتتىك ورتالىق مۋزەيىندە باتيك ونەرىنىڭ شەبەرى جانار نۇكەتاەۆانىڭ «مەنىڭ جىبەك جولىم» اتتى جەكە كورمەسى اشىلدى. ونىڭ جىبەك جولى قۇرىلىمى ايرىقشا، وزگەشە ەشكىمگە ۇقسامايتىن جۇيە دەپ ءبىلىڭىز. تانىمى اسپەتى بولەك. وزىنە شاقىرىپ تۇراتىن جاناردىڭ جىبەك جولى رياسىز سىمباتىمەن تارتادى.

Egemen Qazaqstan

ول سۋرەتشى عانا ەمەس، عالىم پسيحولوگ،فيلوسوفيا عىلىمدارىنىڭ كانديداتى، لەنينگراد مەملەكەتتىك ۋنيۆەرسيتەتىنىڭ تۇلەگى.ديپلومات كۇيەۋىمەن بىرگە ءومىرىنىڭ باسىم بولىگىن ليۆيا، مىسىر، ساۋد اراۆياسى، بىرىككەن اراب امىرلىگى، ۇلىبريتانيا ەلدەرىندە تۇردى. شىعارماشىلىق جولىن دا شەتەلدە ءجۇرىپ باستادى.ال، 2003 جىلى ساۋد ارابياسىندا يندونەزيالىق شەبەر پالۋپيمەن تانىسىپ، فرانتسۋزدىق «سۋىق باتيك» جاساۋ تەحنيكاسىن مەڭگەرەدى. جانار ۇنەمى شىعارماشىلىق ىزدەنىس ۇستىندە جۇرەدى. باتيك جاساۋ بويىنشا ءبىلىمىن پاكستان، شري لانكا، بىرىككەن اراب امىرلىگى شەبەرلەرىنەن ساباق الىپ شىڭداعان. سول سەبەپتى دە ونىڭ تۋىندىلارى وزىندىك بىرەگەيلىگىمەن ەرەكشەلەنەدى. جانار جاساعان باتيكتەردەن تۇستەردىڭ جەڭىل ۇيلەسىم اڭعارتاتىنىن باعامدار ەدىڭىز. شىعارمالارىنىڭ تاقىرىپتارى دا وزىندىك ۇيلەسىم تاۋىپ جاتادى. «مىڭ ءبىر ءتۇن»، «كوگىلدىر القاپتاعى بايشەشەكتەر»، «جۇماق قۇستارى»، «لوتوس گ ۇلى». ونىڭ جۇمىستارىنىڭ ءوزى تۇرعان كوپتەگەن ەلدەردىڭ مادەنيەتىن، داستۇرلەرىن اڭعارتىپ وتىرادى.ول باتيك جاساۋدىڭ ىستىق جانە سۋىق تەحنيكاسىن سونداي-اق، جىبەك ماتالار (جاپوندىق،قىتاي جانە باسقالارى) بوياۋ قۇرالدارى مەن ارنايى بوياۋلاردى ءجيى پايدالانادى. ونىڭ ءوز ىسىنە بەرىلگەندىگى سونداي، بوس ۋاقىتىن باتيك، وريگامي، تابيعي تاستاردان اشەكەيلەر جاساۋعا جۇمسايدى

ج.نۇكەتاەۆا جىبەكتى بەينەلەۋمەن قاتار، كوسموەنەرگەتيكا سالاسىنىڭ ماگيسترى اتاعىن جانە رەيك شەبەرى دارەجەسىن العان.قازىرگى ۋاقىتتا جانار ادام ساناسىن رۋحاني تازارتۋعا نەگىزدەلگەن «تەتا حيلينگ» تەحنيكاسىمەن دە اينالىسىپ.ول ءوزىن باسقا دا سالالار بويىنشا شىڭداۋدا اتاپ ايتساق، الەم حالىقتارىنىڭ ۇلتتىق تاعامدارى تۋرالى كىتاپ جازۋدا، قازاق حالقىنىڭ سالت – داستۇرلەرى تۋرالى كىتاپشالار دايىنداۋدا. جىبەككە ورنەك سالۋ شەبەرى جانار نۇكەتاەۆا شىن جۇرەكپەن، تازا نيەتپەن ءوزىنىڭ جىبەك جولىنداعى شىعارماشىلىق الەمىندە قالىقتاپ ءجۇر.

بۇل باتيك شەبەرىنىڭ العاشقى كورمەسى. وندا 50-دەن اسا باتيك تەحنيكاسىمەن جاسالعان كارتينالار مەن اۆتورلىق زەرگەرلىك بۇيىمدار قويىلدى. كورمەنىڭ اشىلۋ سالتاناتىندا قازاقستان رەسپۋبليكاسىنداعى يندونەزيا ەلشىسى راحمات پرامونو مىرزا ءسوز سويلەدى.

ساپارباي پارمانقۇل،

«Egemen Qazaqstan»