«ادامدار قايدا ساپالى ءومىر سۇرۋگە بولاتىنى جونىندە شەشىم قابىلداپ جاتىر. ولاردىڭ باقۋاتتى ءومىر ءسۇرۋى دامۋ نۇكتەلەرىنە شوعىرلانادى جانە بۇل ورىندار مەگاپوليسكە اينالادى. بۇگىندە جەر شارى تۇرعىندارىنىڭ 55% نەمەسە 4 ملرد ادام قالادا تۇرادى. 2020 جىلعا قاراي, قالا حالقى ەكى ەسەگە ارتۋى مۇمكىن. سوندا ءاربىر 10 ادامنىڭ جەتەۋى قالالىق بولماق. ينۆەستيتسيالار مەملەكەتكە ەمەس, قالالارعا تۇسەدى. باسەكەلەستىك تە قالالار اراسىندا ءجۇرىپ جاتىر. قازىرگى ۋاقىتتا الەمدىك ءجىو 80% قالالاردا تۇزىلەدى. ونىمدىلىكتى ارتتىرىپ, يننوۆاتسيالاردى كوبىرەك ەنگىزگەن ۋربانيزاتسيا تۇراقتى وسىمگە دە ىقپال ەتە الادى», دەدى نۇرسۇلتان نازارباەۆ.
ونىڭ ايتۋىنشا, قازاقستان قالالارىنىڭ تابىسى - مەملەكەتتىڭ الەمدىك ارەنادا باسەكەگە قابىلەتتى بولۋىنىڭ نەگىزگى فاكتورى. قازاقستان دا جالپىالەمدىك ۋربانيزاتسيا ۇردىسىنە بەت الدى.
«قازاقستانداعى ۋربانيزاتسيا بەلسەندى تۇردە جۇرگىزىلىپ كەلەدى. قازاقستان حالقىنىڭ 40% اۋىلداردا تۇرادى. الايدا ولاردىڭ 20% قالادا, 20% - اۋىلدا جۇمىس ىستەيدى. بىزدە ءىرى قالالاردىڭ سانى ارتىپ كەلەدى. ەل استاناسى 20 جىلدا 180 مىڭ ادام تۇراتىن پروۆينتسيالدى قالادان ميلليوندىق مەگاپوليسكە اينالدى. الماتى قالاسىنىڭ تۇرعىندارى 2 ملن اسادى. وتكەن جىلى ميلليوندىق قالالار ساپىنا شىمكەنت قالاسى قوسىلدى. تاعى ەكى قالانى وسى قاتارعا قوسۋدى جوسپارلاپ وتىرمىز», دەدى ەلباسى.
