«مەن قازاقستانعا سەنگەن جانە بۇگىنگى كۇنى دە سەنىم ارتىپ وتىرعان سەرىكتەستەرىمىزدىڭ, مەملەكەتتەردىڭ, دوستاس ينۆەستورلاردىڭ سەنىمىن جوعارى باعالايمىن. مۇنداي پراگماتيكالىق ءوپتيميزمدى قازاقستاننىڭ ساياسي جانە ەكونوميكالىق جۇيەسىنە سەنىمدىلىكتىڭ ماڭىزدى كورسەتكىشى سانايمىن. ءبىزدىڭ ەلىمىز الەمدىك قوعامداستىقتىڭ قۇرمەتتى مۇشەسىنە اينالدى. تاۋەلسىزدىك جىلدارىندا ەكونوميكا 20 ەسە ارتىپ, كەدەيشىلىك 40-تان 3 پايىزعا دەيىن قىسقاردى. ءبىز بۇل باعىتتى نىعايتۋدى جالعاستىرامىز», دەدى نۇرسۇلتان نازارباەۆ.
ن.نازارباەۆ ەلىمىزدىڭ سىرتقى ىستەر مينيسترلىگى شەتەل ينۆەستيتسياسىن تارتۋ ماسەلەسىندە نەگىزگى ورگان ەكەنىن, ال شەتەلدەگى ەلشىلىكتەر قازاقستاندا جۇمىس ىستەۋگە نيەت تانىتقان كەز كەلگەن ينۆەستور ءۇشىن بىرىڭعاي تەرەزەگە اينالاتىنىن ايتتى.
«ءبىز الەمدەگى ەڭ دامىعان 30 ەلدىڭ قاتارىنا كىرۋ جۇمىستارىن جالعاستىرا بەرەمىز. 2050 جىلعا دەيىن دامۋ ستراتەگياسى قابىلدانعان. ءبىزدىڭ بارلىق ستراتەگيامىز بەن باعدارلامامىز ءبىر ماقساتقا جۇمىلدىرىلعان. بۇكىل قازاقستان وسى باعىتتا جۇمىس ىستەۋدە», دەدى ەلباسى.
