شەكارالىق ايماقتاردىڭ پوليتسيا ۆەدوموستۆولارىنىڭ جەتەكشىلەرى,وزگە دە قۇقىق قورعاۋ ورگاندارىنىڭ وكىلدەرى قاتىسقان كەڭەستە ەسىرتكى قۇرالدارى جانە پسيحوبەلسەندى زاتتاردىڭ زاڭسىز اينالىمىنا قاتىستى قىلمىستاردى اشۋ, كولىك قۇرالدارىنا قىلمىستىق قولسۇعۋشىلىققا جانە كونترافاكتىلىك الكوگول ونىمدەرىنىڭ اينالىمىنا قارسى بىرلەسىپ-قيمىل جاساۋ ماسەلەلەرى بويىنشا شەشىمدەر قابىلداندى.
سقو پد باستىعى, پوليتسيا پولكوۆنيگى مارات تولەباەۆ ءوز سوزىندە حالىقارالىق ءوزارا ءىس-قيمىل جاساۋ فورماتىنىڭ تيىمدىلىگىن اتاپ ءوتتى. ەسىرتكى قىلمىسىنا قارسى ءىس-قيمىل باسقارماسىنىڭ باستىعى, پوليتسيا پولكوۆنيگى جاندوس باسىباەۆتىڭ ايتۋىنشا, سينتەتيكالىق ەسىرتكى زاتتارى قوعامدا ەرەكشە الاڭداۋشىلىق تۋدىرىپ وتىر. 2017 جىلى پەتروپاۆل قالاسى اۋماعىندا سينتەتيكالىق پسيحوبەلسەندى زاتتاردى جارنامالاۋ جانە تاراتۋمەن اينالىساتىن 9 ينتەرنەت رەسۋرسى انىقتالعان. بىلتىر ونىڭ سانى 108-گە, بيىل 79-عا جەتكەن. ەسىرتكى زاتتارى كونترابانداسىنىڭ 15 فاكتىسى تىركەلگەن. ولاردىڭ ۇشتەن ءبىرى شەتەلدىكتەرگە تيەسىلى.
قىلمىستىڭ اتالعان تۇرلەرىنە قارسى ءىس-قيمىلدى بارىنشا شيراتۋ قاجەتتىلىگىن رەسەيلىك ارىپتەستەر ءبىراۋىزدان قولدادى. رەسەيدە دە وسىعان ۇقساس جاعدايلار ءجيى ورىن الىپ تۇرادى. ەسىرتكى قۇقىق بۇزۋشىلىق جاساعانى ءۇشىن قازاقستاننىڭ ءۇش ازاماتى ۇستالىپتى.
سونداي-اق, اۆتوكولىكتەردى ايداپ اكەتۋگە توسقاۋىل قويۋ جانە وسى ماقساتتا كۇش بىرىكتىرۋ كەلەلى تاقىرىپتاردىڭ بىرىنە اينالدى. 1,5 جىلدىڭ ىشىندە قىزىلجار وڭىرىندە قىلمىسقا قاتىستى 30 اۆتوكولىك تاركىلەنگەن. حالىقارالىق ونلاين-الاڭداعى سۇحباتقا وزەك بولعان تاعى ءبىر ماسەلە – الكوگول ونىمدەرىنىڭ, ونىڭ ىشىندە كونترافاكتىلىك ونىمدەردىڭ زاڭسىز اينالىمىنا قارسى ءىس-قيمىلدار جۇرگىزۋ. قوس تاراپتىڭ ايتۋىنشا, قىلمىستاردىڭ باسىم بولىگى ماساڭ كۇيدە جاسالادى. سوندىقتان بۇل ماسەلە قۇقىقتىق ءتارتىپتى قامتاماسىز ەتۋدە وتە ماڭىزدى ءرول اتقارادى. بيىل تەرىسكەيدە الكوگول ونىمدەرىنىڭ 119 قۇقىق بۇزۋشىلىعى اشكەرەلەنگەن. زاڭسىز اينالىمنان 475 ليتر ىشىمدىك الىنعان. الكوگول ونىمدەرىن ساتۋمەن شۇعىلداناتىن 28 كاسىپكەردىڭ ليتسەنزياسى كەرى قايتارىلعان. كورشى ەل وكىلدەرى قۇرامىندا ءسپيرتى بار « سۋسىنداردى» زاڭسىز وندىرۋگە جانە قازاقستاننان كونترافاكتىلىك الكوگول ونىمدەرىن جاسىرىن تۇردە جەتكىزۋگە توسقاۋىل قويۋ تاجىريبەلەرىمەن ءبولىستى.
كەز كەلگەن قىلمىسقا قارسى باعىتتالعان كەشەندى ء ىس-شارالار ءوز جەمىسىن بەرمەي قويمايدى. شەكارالاس وڭىرلەر ءۇشىن مۇنداي بىرلەسكەن باعدارلامالاردىڭ ماڭىزى زور. قۇقىقتىق ءتارتىپتى قامتاماسىز ەتۋدىڭ ىشكى, سىرتقى مۇمكىندىكتەرى مول, دەستى بەينەكونفەرەنتسياعا قاتىسۋشىلار.
سولتۇستىك قازاقستان وبلىسى
