«بۇگىندە ادامي كاپيتالعا تالاپ ارتىپ, ءبىلىم بەرۋ پروتسەسى جاڭارىپ كەلەدى. ءموبيلدى, كرەاتيۆتى ادام كاپيتالى - كەز كەلگەن ەكونوميكا تابىسىنىڭ نەگىزگى اسپەكتىسى بولىپ وتىر. ءدال وسى قاسيەتتەر مەملەكەتتەر اراسىندا جان باسىنا شاققانداعى ءجىو دەڭگەيىنىڭ 10-30% دەيىنگى ايىرماشىلىعىن جاساپ وتىر. تەحنولوگيالاردىڭ قولجەتىمدى بولۋىنان قازىرگى ۋاقىتتا الەمدىك ەكونوميكاداعى جۇمىس ۋاقىتىنىڭ تەڭ جارتىسى اۆتوماتتاندىرىلدى. وسىعان بايلانىستى, 2030 جىلعا قاراي, الەم بويىنشا 370 ملن ادام قايتا وقىتۋدان ءوتىپ, ماماندىعىن اۋىستىرۋعا ءماجبۇر. بۇل كورسەتكىش جاھاندىق جۇمىس كۇشىنىڭ 14 پايىزىن قۇرايدى», دەدى نۇرسۇلتان نازارباەۆ
سونداي-اق ەلباسى جاڭا تەحنولوگيالاردى ەنگىزۋ كەيبىر ماماندىقتاردى سۇرانىستان ايىرىپ, جاڭا ماماندىقتاردىڭ پايدا بولۋىنا ىقپال ەتىپ جاتقانىن ايتىپ ءوتتى. «ءتىپتى تابىس دەڭگەيى تومەن جانە ورتاشا ەلدەردىڭ وزىندە كوپتەگەن ادامدار 30 جىل بۇرىن ءبىز ەستىپ-بىلمەگەن جاڭا ماماندىقتار بويىنشا جۇمىس ىستەپ ءجۇر», دەدى ن. نازارباەۆ.
