اۋىر اتلەتيكامەن اۋەستەنەتىن بالعىن سپورتشى قازىردىڭ وزىندە بىرنەشە دۇركىن ەل چەمپيونى بولىپ ۇلگەرگەن. ال جاقىندا قوستاناي قالاسىندا وتكەن جاستار اراسىنداعى دودادا 127 كگ زىلتەمىردى قاباق شىتپاي كوتەرىپ, قازاقستان رەكوردىن جاڭاراتتى. 2005 جىلى تۋعان بالالار اراسىندا ۇيىمداستىرىلعان قازاقستان چەمپيوناتىنا سارقان اۋدانىنان 3 سپورتشى بارعان ەكەن. بارلىعى جۇلدەمەن ورالدى. قۇرمانبەك ەل چەمپيونى اتانىپ, زىلتەمىر كوتەرۋدە جاڭا رەكورد ورناتسا, اسكەرباي ءاليحان ءوز سالماعىندا 1-ورىندى جەڭىپ الدى, ال قىزدار اراسىنداعى باسەكەدە جۇلدەلى 3-ورىن ايزەرە ەردەنقىزىنا بۇيىردى.
الىستاعى اۋىلدان شىعىپ, قازاقستان چەمپيوناتىندا توپ جارعان سارقاندىق اۋىر اتلەتشىل بالالاردى اۋدان اكىمى مارات رازبەكوۆ ارنايى قابىلداپ, ەل اتىنان العىس ءبىلدىردى. وڭىردە سالاماتىت ءومىر سالتىن ساقتاۋ مەن سپورتتى دامىتۋعا لايىقتى كوڭىل ءبولىنىپ وتىرعانىن ايتقان اۋدان باسشىسى بولاشاقتا قازاق سپورتىنىڭ جۇلدىزدارىنا اينالاتىن بالالارعا سىي-سياپات كورسەتتى.
