ساياسات • 15 مامىر، 2019

ا. مامين مەن قحر مەملەكەتتىك كەڭەسى پرەمەرىنىڭ ورىنباسارى ح. چجەن بىرلەسكەن جوبالاردىڭ ىسكە اسىرىلۋ بارىسىن قاراستىردى

848 رەتكورسەتىلدى

قازاقستان رەسپۋبليكاسىنىڭ پرەمەر-ءمينيسترى اسقار مامين قىتايدىڭ كوممۋنيستىك پارتياسىنىڭ ورتالىق كوميتەتىنىڭ ساياسي بيۋروسىنىڭ تۇراقتى كوميتەتىنىڭ مۇشەسى، قىتاي حالىق رەسپۋبليكاسىنىڭ مەملەكەتتىك كەڭەسىنىڭ پرەمەرىنىڭ ورىنباسارى حان چجەنمەن كەلىسسوزدەر جۇرگىزدى. بۇل تۋرالى ۇكىمەتتىڭ ءباسپاسوز قىزمەتى حابارلادى.

كەزدەسۋدە ەكىجاقتى ەكونوميكالىق قارىس-قاتىناستاردى دامىتۋدىڭ، شەكارا ماڭى ىنتىماقتاستىعىن، ونىڭ ىشىندە «قورعاس» حالىقارالىق شەكارا ماڭى ىنتىماقتاستىعى ورتالىعىن دامىتۋ ارقىلى دا تەرەڭدەتۋدىڭ وزەكتى ماسەلەلەرى تالقىلاندى.

«نۇرلى جول» ەكونوميكالىق ساياساتىن جانە «بەلدەۋ جانە جول» ستراتەگياسىن قوسارلاۋ اياسىنداعى يندۋستريالىق-يننوۆاتسيالىق ىنتىماقتاستىققا ەرەكشە كوڭىل ءبولىندى. بارلىعى جالپى سوماسى $27 ملرد-قا 55 قازاقستاندىق-قىتايلىق جوبا ىسكە اسىرىلاتىن بولادى. 2015 جىلدان 2018 جىل ارالىعىندا $3،8 ملرد سوماسىنا 12 جوبا پايدالانۋعا بەرىلدى، بيىل $310 ملن-عا 5 جوبانى ىسكە قوسۋ جوسپارلانعان. ولاردىڭ ىشىندە كۇن ەلەكتر ستانتسيالارىنىڭ، گەس، زاماناۋي ەت كومبيناتى كەشەنىنىڭ قۇرىلىسى بار. $5،5 ملرد سوماسىنا 11 جوبا جۇزەگە اسىرىلۋ ۇستىندە. $18،1 ملرد تەڭگە سوماسىنا قالعان جوبالار بويىنشا دايىندىق جۇمىستارى جۇرگىزىلىپ جاتىر. جالپى، جوبالاردى ىسكە اسىرۋ 20 مىڭعا جۋىق جاڭا جۇمىس ورنىن قۇرۋعا مۇمكىندىك بەرەدى.

ساۋدا-ەكونوميكالىق ىنتىماقتاستىقتى ودان ءارى ىلگەرلەتۋ ءۇشىن تاراپتار بۇگىن الماتى قالاسىندا ەكى ەلدىڭ مەملەكەتتىك ورگاندارى مەن بيزنەس قۇرىلىمدارىنىڭ 400-دەن استام وكىلدەرىنىڭ، ونىڭ ىشىندە سىچۋان جانە شەنسي قىتاي پروۆينتسيالارىنىڭ، گۋانسي-چجۋان، شىڭجاڭ-ۇيعىر اۆتونومدى اۋداندارىنىڭ باسشىلارىنىڭ قاتىسۋىمەن ءوتىپ جاتقان ءىى قر – قحر ايماقارالىق ىنتىماقتاستىق فورۋمىنىڭ ماڭىزدىلىعىن اتاپ ءوتتى. سونىمەن قاتار، ا. مامين قىتاي دەلەگاتسياسىنىڭ الداعى XII استانا ەكونوميكالىق فورۋمىنا قاتىسۋى ەكىجاقتى ىنتىماقتاستىقتى دامىتۋعا زور قارقىن بەرەتىنىن ايتتى.

كەلىسسوزدەر بارىسىندا قر ۇكىمەتىنىڭ باسشىسى كولىك-لوگيستيكالىق كومپەتەنتسيالار مەن ترانزيتتىك دالىزدەردى، ەنەرگەتيكانى، ونەركاسىپتى، اگروونەركاسىپ كەشەنىن دامىتۋداعى ءوزارا ءىس-قيمىلدى كۇشەيتۋدىڭ، اسىرەسە، قازاقستاندىق اۋىل شارۋاشىلىعى ونىمدەرىنىڭ ەكسپورتىن ۇلعايتۋدىڭ قاجەتتىگىن اتاپ ءوتتى.

«قىتاي – قازاقستاننىڭ ءىرى سىرتقى ساۋدا سەرىكتەسى، — دەدى ا. مامين. 2018 جىلى قر مەن قحر اراسىنداعى تاۋار اينالىمى 11،1%-عا ۇلعايىپ، $11،7 ملرد كورسەتكىشىنە جەتتى. بيىلعى ەكى ايدىڭ قورىتىندىسى بويىنشا ساۋدا-ساتتىق كولەمى $2 ملرد قۇرادى، بۇل 2018 جىلدىڭ سايكەس كەزەڭىندەگى كورسەتكىشتەن 12،1%-عا جوعارى. — ءبىز وسىنداي وڭ قارقىننىڭ ساقتالۋىنا مۇددەلىمىز». 

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار