تاراپتار ەكىجاقتى, سونىڭ ىشىندە پارلامەنتارالىق قاتىناستى دامىتۋدىڭ وزەكتى سۇراقتارىن تالقىلادى.
ءماجىلىس توراعاسى كيپر قازاقستاننىڭ وڭتۇستىك ەۋروپاداعى ماڭىزدى ساياسي ارىپتەسى ەكەنىن ايتا كەلىپ, ءبىزدىڭ ەلىمىز اتالعان مەملەكەتپەن ساياسي ديلوگتى, ەكونوميكالىق جانە مادەني-گۋمانيتارلىق ىنتىماقتاستىقتى دامىتۋعا ىنتالى ەكەنىن العا تارتتى.
نۇرلان نىعماتۋلين ءبىزدىڭ مەملەكەتىمىز ءوزىنىڭ ايرىقشا گەوگرافيالىق جاعدايىنىڭ جانە قازاقستاننىڭ تۇڭعىش پرەزيدەنتى-ەلباسى نۇرسۇلتان نازارباەۆتىڭ ستراتەگيالىق باعىتىنىڭ ارقاسىندا ەۋرازيا بويىنشا جاڭا كولىك-لوگيستيكالىق حابىنا اينالعانىن اتاپ ءوتتى.
كيپر رەسپۋبليكاسىنىڭ «جاسىل» ەكونوميكا, تسيفرلىق-تەحنولوگيا, جاڭارتىلعان ەنەرگيا سالاسىنداعى جەتىستىكتەرىن ءسوز ەتكەن ن. نىعماتۋلين وسى باعىتتا جان-جاقتى تاجىريبە الماسا وتىرىپ, پارلامەنتتىك ارىپتەستىكتى جاڭا دەڭگەيگە كوتەرۋ كەرەكتىگىنە توقتالدى.
ءوز كەزەگىندە ءبىزدىڭ ەلىمىزگە العاش رەت كەلگەن كيپر سىرتقى ىستەرى ءمينيسترى قازاقستاننىڭ دامۋ قارقىنىنا تاڭدانىسىن جاسىرمادى. سونداي-اق, ءبىزدىڭ ەلدەرىمىزدىڭ ءوزارا ءىس-قيمىلى تابىستى دامىپ كەلە جاتقانىن ايتا كەلىپ, بارلىق سالادا ەكىجاقتى قاتىناستى نىعايتۋدىڭ, سونىڭ ىشىندە, ينۆەستيتسيا, ساۋدا, ەنەرگەتيكا, اۋىل شارۋاشىلىعى سالالارىنىڭ الەۋەتى زور ەكەنىنە توقتالدى.
تاراپتار بۇگىنگى كەزدەسۋ ەلدەر اراسىنداعى ءوزارا ىقپالداستىقتى ودان ءارى كۇشەيتۋگە جانە تەرەڭدەتۋگە جول اشاتىنىنا سەنىم ءبىلدىردى.
