قازاقستان • 15 مامىر، 2019

احقو: ساۋىردەگى ساۋدا-ساتتىق

753 رەت كورسەتىلدى

«استانا» حالىقارالىق قارجى ورتالىعىنىڭ قۋاتى ارتىپ كەلەدى. ماسەلەن، ساۋىردەگى جاعدايعا سايكەس، قارجى ورتالىعىنىڭ بيرجاسىندا (AIX) قارجى اينالىمىنىڭ كولەمى 22، 6 ملن اقش دوللارىنا جەتتى.

مۇنداي ءىرى كورسەتكىشكە «قازاتومونەركاسىپ» ۇلت­تىق كومپانياسىنىڭ جاي اك­تسيا­لارى اسەر ەتتى. اتاپ ايت­قاندا، ۇلتتىق اتوم كوم­پانياسىنىڭ قۇن­­دى قا­عازدارى 792 250 165 تەڭ­گەگە باعالا­نىپ، 468 كەلى­سىم جا­سال­عان. سول سياق­تى «قاز­اتوم­­ونەر­كاسىپتىڭ» جا­­ھان­دىق دەپو­زي­تارلىق قول­حات­تارىنىڭ نەگىزىندە 15 كە­لىسىمگە قول جەتكىزىلدى.

ال رەسەيلىك Polymetal International PLC-ءدىڭ قۇندى قاعازدار نارىعىنداعى جاي اكتسيالارىنىڭ ساۋىردەگى اينالىمى 20 340 006 دول­لارعا جەتىپتى.

تاعى ءبىر ايتا كەتەر­لىگى، AIX-تىڭ الاڭى جاڭا ويىن­شى­لارمەن تولىق­تى. اتاپ ايتقاندا، حا­لىق­ارالىق بيرجانىڭ ەۋرا­زيا­لىق دامۋ بانكى مەن «بانكتسەنتركرەديت» اق جاڭا مۇشەلەردىڭ قاتارىن تولىقتىردى.

ايتا كەتەيىك، احقو-نىڭ بيرجاسى – AIX 2017 جى­لى قارجى ورتالىعىن دامى­تۋ تۇجىرىمداماسى ايا­سىندا قۇرىلعان-دى. اراعا ءبىر جىل سالىپ، بىلتىر قاراشا ايىندا ەلباسى نۇرسۇلتان نازارباەۆتىڭ ءپار­مەنىمەن باعالى قاعاز­داردىڭ العاشقى ساۋداسى ىسكە اسىرىلا باستادى. احقو-دان باسقا ەلور­دالىق بيرجانىڭ اكتسيو­نەر­لەرى قۇرامىنا – GoldmanSachs، شانحاي قور بيرجاسى، جىبەك جولى قورى، سول سياقتى www.aix.kz ۆەب-رەسۋرسىندا AIX-قا ساۋدا پلاتفورماسىن ۇسىناتىن NASDAQ كىرەدى.


جاقسىلىق مۇراتقالي،

جۋرناليست


سوڭعى جاڭالىقتار

ۇقساس جاڭالىقتار