قازاقستان پرەزيدەنتى جۇمىس ساپارى با­رى­سىندا اۋەلى وبلىستىق كوپسالالى با­لالار اۋرۋحاناسىنا باردى. بۇگىندە ەلى­مىز بال­الار دەنساۋلىعىنا ەرەكشە ءمان بەرىپ وتىر. تاعدىر جازۋى­مەن توسەكك­ە تاڭىلعان، اقىل-وي، دەنە دا­مۋىن­دا اۋىتقۋى بار بالالار مەم­لەكەت قامقورلىعىنان تىس قالماق ەمەس. 2017 جىلى پايدالانۋعا بەرىلگەن كوپ­بەيىندى اۋرۋحانا سونىڭ ءبىر ايعاعى. اۋرۋ­حانادا 11 ءبولىم، 5 وپەراتسيالىق بلوك، رەا­ني­ماتسيالىق جانە انەستەزياعا ارنال­عان بولىمدەر بار. سونداي-اق مۇندا كەڭەس بەرۋ-دياگنوستيكالىق ءبولىمى جۇ­مىس ىستەيدى. اۋرۋحانا زاماناۋي مە­دي­تسينالىق قۇرال-جابدىقتارمەن تو­لىق قامتىلعان. ماماندار شەتەلدىك كلينيكالاردا بىلىكتىلىگىن ارتتىرعان. 500 ادام قىزمەت ەتەدى.

وبلىستىق اۋرۋحانانىڭ باس دارىگەرى زويا كوشەنوۆا مەملەكەت باسشىسىنا وسىنداعى جاعدايدى بايانداپ بەردى. جوعارى مەديتسينالىق قۇرال-جابدىق­تار جەتىسپەگەن بۇرىنعى كەزدەرى قىزىلور­دالىق بالالار الماتى، نۇر-سۇلتان قالالارىنا جولدامامەن بارىپ ەم­دەلەدى ەكەن. قازىر دارىگەرلىك كومەك قول­جەتىمدى، مەديتسينالىق قوندىرعىلار حالىقارالىق ستاندارتتارعا نەگىزدەلگەن. كوپسالالى بالالار اۋرۋحاناسى كۇردەلى وپەراتسيالار بولماسا، بارلىق ەم-دومدى وزدەرى جاسايدى.

ق.توقاەۆ بالالار اۋرۋxاناسى­نىڭ مەدي­تسينالىق قىزمەت كورسەتەتىن كابينەت­تەرىن ارالاپ كورىپ، ءدارى­گەر­لەرمەن اڭگى­مە­لەستى. ەركىن اڭگى­مەلەسۋ بارىسىن­دا قا­زاق­ستان پرەزيدەنتى بالا دەنساۋلى­عىن جاقسارتۋ ءىسى مەملەكەتتىڭ ماڭىزدى مىندەت­تەرىنىڭ ءبىرى ەكەنىن اتاپ ءوتىپ، بۇل باعىت­تاعى جۇمىستار جان­دانا تۇسەتىنىن ايتتى.

– سىزدەردىڭ كۇن­دەلىك­تى جۇمىستارى­ڭىزدىڭ وڭاي ەمەس ەكەنىن جاقسى بىلەمىن. بالا­لاردى ەمدەپ، حالىقتىڭ العىسىنا بولەنىپ ءجۇرسىز­دەر. ەڭبەكتەرىڭىز ەلەنە بەرسىن! – دەگەن.

قاسىم-جومارت كەمەل ۇلى مەديتسينا مەكەمەسى ۇجىمىنىڭ جۇمى­سىنا تابىس تىلەدى.

مەملەكەت باسشىسى بۇدان كەيىن «جان اراي» كۇرىش ءوسىرۋ ىسىنە ما­مان­دان­دىرىلعان اگرويندۋستريا كە­شەنىندە بولىپ، اتقارىلىپ جاتقان جۇمىستارمەن تانىستى. سەرىكتەستىك كۇرىش وندىرىسىمەن جانە كۇرىش داقىلىن حالىقارالىق ستاندارت تالاپتارىنا سايكەس وڭدەۋمەن اينالىسادى. سونداي-اق جەم دايىندايدى.

«جان-اراي» جشس-ءنىڭ كۇرىش ءوڭ­دەۋ جانە قۇراماجەم زاۋىتتارى ءتاۋلى­گىنە 150 توننا كۇرىش، 170 توننا ۇن ءوڭ­دەيدى. تاۋلىگىنە 80 توننا جەم ءون­دىرە­دى. كاسىپ­ورىندا 300-گە جۋىق ادام ەڭبەك ەتەدى.

ق.توقاەۆ سەرىكتەستىكتە اۋىل شارۋا­شى­لىعى ونىمدەرىن وندىرۋشىلەرمەن ءجۇز­دەسىپ، پىكىر الىستى. قازاقستان پرەزي­دەنتى اۋىل شارۋاشىلىعى تاۋارلارىن وندىرۋشىلەرمەن اڭگىمە كەزىندە بۇل سالانى وركەندەتۋدىڭ باس­تى باعىتتارىن اتاپ كورسەتتى.

– اۋىل شارۋاشىلىعى – الەۋەتى وتە زور، سترا­تەگيالىق ماڭىزدى سالا. بۇل سالا­داعى ماسەلەلەردى جاقسى بىلەمىز. مەملەكەت ولاردى شەشۋدىڭ بار­لىق مۇمكىندىگىن قاراستىرادى، – دەدى مەم­لەكەت باسشىسى.

وبلىستىڭ اۋىل شارۋاشىلىعى ءوندىرىسى كەشەنىندەگى ەكسپورتتالاتىن ونىمدەر ءتۇرى سوڭعى 6 جىلدا 3-تەن 15-كە دەيىن ارتتى. ال 2018 جىلدىڭ قورىتىن­دىسى بويىنشا ەكسپورتتىڭ 97%-ى قايتا وڭدەلگەن ءونىم ۇلەسىنە تيەسىلى. وبلىستىڭ اگروونەركاسىپ كەشەنىن دامىتۋ ءۇشىن «اگروكارتا» ازىرلەندى. ونىڭ ماقساتى – ەكسپورتتىڭ ءوسۋىن جانە وزىندىك قاۋىپسىزدىگىن قامتاماسىز ەتۋگە باعىتتالعان.

ساپار اياسىندا قاسىم-جومارت توقاەۆ قىزىلوردا قالا­سى­نىڭ سول جاعالاۋىنىڭ قۇرى­لى­سىن كوردى. مۇندا وبلىس اكى­مى قىرىم­بەك كوشەرباەۆ سول جاعا­لاۋ قۇ­رىلىسىنىڭ قازاق­ستان ۇكىمەت بەكىتكەن باس جوس­پارىن تانىس­تىردى. سول جاعا­لاۋداعى جاڭا قالانىڭ جالپى اۋماعى 1532 گەكتاردى قۇراپ وتىر. «بۇگىندە قىزىلوردادا 280 مىڭعا جۋىق ادام تۇرادى. 2025 جىلعا قاراي حالىق سانى 350 مىڭعا جەتەدى دەپ كۇتىپ وتىرمىز. ياعني، تۇرعىن ءۇي قۇرىلىسىن دامىتۋ ءۇشىن قوسىمشا اۋماقتار قاجەتتىلىگى تۋادى»، دەدى وبلىس اكىمى.

ايماق باسشىسى قازىرگى ۋا­قىت­تا سول جاعالاۋدا «نۇرلى جەر» مەملەكەتتىك باعدارلاماسى ايا­­سىندا ۇستىمىزدەگى جىلدىڭ ءبىرىن­­شى جارتىسىندا پايدالانۋعا بەرىلۋى جوسپارلانعان 460 پاتەر­لىك 8 تۇرعىن ءۇيدىڭ قۇرىلىسى اياق­تالۋعا جاقىن ەكەنىن ايتتى. بۇدان باسقا، الەۋمەتتىك جانە كوم­مەر­تسيا­لىق سيپاتتاعى 1190 پاتەر­­لىك قوسىمشا 28 تۇرعىن ءۇي­دىڭ قۇرى­لىسى باستالعان. جالپى، سول جاعا­لاۋداعى 3 تۇر­عىن ءۇي اۋدانىن­دا ۇستىمىزدەگى جىلى 2340 ءپا­تەر­لىك 50 تۇرعىن ءۇي سالى­نادى. ونىڭ ىشىندە 431 پاتەر از قام­تىلعان كوپ بالالى وتبا­سى­لارعا بەرىلەدى.

قالانىڭ جاڭا بولىگىندە مەم­لەكەت-جەكەمەنشىك ارىپتەستىگى تەتىگى بويىنشا 320 ورىندىق بالا­باقشا سالىندى. سونداي-اق جەكە قۇرىلىس سالۋشىلاردىڭ قا­را­جاتى ەسەبىنەن 14 كوپقابات­تى تۇرعىن ءۇي بوي كوتەردى، «بولا­شاق» ۋنيۆەرسيتەتى كامپۋسىنىڭ قۇرى­لىسى اياقتالۋدا. 2019-2020 جىلدارى ەمحاناسى بار كوپبەيىندى اۋرۋحانا، وتباسىلىق مەديتسينا ورتالىعى، جاتاقحاناسى بار فيزيكا-ماتەماتيكا مەكتەبى، جەكە مەكتەپ جانە تاعى باسقا نىساندار سالۋ جوسپارلانىپ وتىر.

قازاقستان پرەزيدەنتى كەلەسى كەزەكتە قىزىلوردا وبلىسىنداعى وڭىرلىك «رۋحاني جاڭعىرۋ» ورتا­لىعىندا بولدى. مەملەكەت باسشىسىنا ورتالىقتىڭ نەگىزگى قىز­مەتى جونىندە مالىمەت بەرىلدى. جەر­گىلىكتى بيۋدجەت ەسەبىنەن بوي كوتەر­گەن بۇل ورتالىق «رۋحاني قازىنا»، «تاربيە جانە ءبىلىم»، «اتامەكەن»، «اقپارات تولقىنى» سياقتى باعىتتار بويىنشا جۇ­مىس ىستەيدى. عيماراتتا قىزىلوردا قالاسىنىڭ تاريحىنا ارنالعان مۇراجاي ورنالاسقان. ق.توقاەۆ مۇراجاي ەكسپوزيتسياسىمەن تانىستى.

سول جاعالاۋداعى تاعى ءبىر ماڭىزدى نىسان – مامىر ايىنىڭ باسىندا پايدالانۋعا بەرىلگەن تاۋلىك بويى جۇمىس ىستەيتىن جاس­تار ورتالىعى. ورتالىقتا شا­عىن جانە ورتا بيزنەس، تۇرعىن ءۇي، جۇ­مىسپەن قامتۋ، دەنساۋلىق ساق­تاۋ ماسەلەلەرى، مەملەكەتتىك باعدار­لامالارعا قاتىسۋ مۇمكىندىكتەرى تۋرالى كەڭەس بەرۋ كابينەتتەرى مەن پسيحولوگ، ادىستەمەلىك جانە مە­دي­تسينالىق كەڭەس بەرۋ كابي­نەت­تەرى، سونداي-اق «جاس سارباز» اسكەري-پاتريوتتىق ورتالىعى جۇمىس ىستەيدى. سونىمەن قاتار ينتەرنەت-كىتاپحانا، انتيكافە، IT-پارك، كونفەرەنتس-زال جانە جات­ت­ىعۋ زالى بار. ورتالىقتىڭ جال­­پى اۋدانى – 3870 شارشى مەتر، ول اۋىسىمىنا 670 كەلۋ­شىگە ەسەپتەلگەن، مۇندا 32 مامان جۇمىس ىستەيدى.

پرەزيدەنت ورتالىقتىڭ قىز­مەتى­مەن تانىسىپ، ايماق جاستارى­مەن كەزدەستى. سانكت-پەتەر­بۋرگ مەملەكەتتىك ونەركاسىپ­تىك تەح­نولوگيالار جانە ديزاين ۋني­ۆەر­­سيتەتىنىڭ تۇلەگى جازيرا سما­يىلوۆا جاس ۇرپاققا جاسالىپ جاتقان قامقورلىق مەن قولداۋ ءۇشىن العىسىن ءبىلدىردى. وبلىستا 2014 جىلدان باستاپ ايماق باس­شىلىعىنىڭ باستاماسىمەن قى­زىل­­وردالىق مەكتەپ تۇلەكتەرى رەسەي فەدەراتسياسى ۇكىمەتىنىڭ گرانتى ەسەبىنەن ماسكەۋ مەن سانكت-پەتەربۋرگتىڭ الدىڭعى قاتارلى تەحنيكالىق جوعارى وقۋ ورىندارىندا ءبىلىم الۋ ءمۇم­كىن­دىگىنە يە بولعان ەدى. 2018 جى­لى 32 تۇلەك وقۋىن ءتامامداپ، ايماق كاسىپورىندارىنا جۇمىس­قا ورنالاستىرىلدى. 2019 جىلى تاعى 132 ءبىلىم الۋشى وقۋىن اياقتايدى دەپ كۇتىلىپ وتىر. بار­لىعى 520 سىربويىلىق جاس رەسەي­دىڭ وزىق ينجەنەرلىك جوعارى وقۋ ورىندارىندا ءبىلىم الۋدا.

قاسىم-جومارت كەمەل ۇلى قىزىلوردا وبلىسىنىڭ قۇرىلىس سالاسىنداعى كورسەتكىشى جوعارى ەكەنىن اتاپ ءوتىپ، شاھاردىڭ ءور­كەن­دەپ كەلە جاتقانىنا توق­تالدى.

– قالا قۇرىلىسىنا وسى سالا­داعى ۇزدىك تاجىريبەلەردى قولدانۋ كەرەك. جاڭا تەxنولوگيا مەن قۇ­رى­­لىس ماتەريالدارىن پايدالا­نىپ، «اقىلدى قالا» (Smart City) جۇيەسىنىڭ كومپونەنتتەرىن بەل­سەن­دى تۇردە ەنگىزۋ قاجەت، – دەدى قازاقستان پرەزيدەنتى.

پرەزيدەنت ق.توقاەۆ بۇدان كەيىن «سۇلتان پلازا» قوناقۇيىن­دە قىزىلوردا وبلىسىنىڭ جۇرت­شى­لىعى­مەن كەزدەستى. كەز­دەسۋگە 400-دەن استام قىزىلور­دالىق قاتىستى.

مەملەكەت باسشىسى ايماق­تار­دان ءتۇسىپ جاتقان ۇسىنىس­تاردى ەسكەرە وتىرىپ، ءوڭىر­لەر­دى دامىتۋعا باعىتتالعان ار­نايى كەشەندى مەملەكەتتىك باع­دارلامانىڭ ىسكە قوسىلاتىنىن ايتتى. سونداي-اق قازاقستان پرە­ز­يدەنتى وسى ماقسات-مىندەت­تەر­دى جۇزەگە اسىرۋ ءۇشىن وبلىس باس­شىلىعى شەشۋى ءتيىس بىرقاتار ماسەلەگە توقتالدى.

– ايماقتاعى ازاماتتاردىڭ جالاقىسىن ءوسىرۋ – ۇكىمەت پەن وبلىس اكىمىنىڭ باستى مىندەتى! لايىقتى جالاقى تولەيتىن جاڭا جۇمىس ورىندارىن اشۋعا باسا ءمان بەرۋ قاجەت. بۇل باعىتتا ءىرى كاسىپورىنداردىڭ قۋاتىن ءتيىمدى پايدالانۋدى نازارعا الۋ كەرەك، – دەدى ق.توقاەۆ.

مەملەكەت باسشىسى شەتەل كومپانيالارىندا جۇمىس ىستەي­تىن وتانداستارىمىزدىڭ مۇددە­لەرىن قورعاۋدىڭ ماڭىزدىلىعىنا نازار اۋداردى. سونىمەن قاتار وب­لىستىڭ الەۋمەتتىك سالاداعى جەتىس­تىكتەرىنە توقتالدى.

– كوپ بالالى جانە تۇرمىسى تومەن وتباسىلارعا قولداۋ كور­سەتۋ ءۇشىن وبلىستا الەۋمەت­تىك جول كارتاسى ىسكە قوسىلعان. بيىل «اۋىل – ەل بەسىگى» باعدار­لا­ماسىنىڭ اياسىندا ءبىلىم، دەن­ساۋ­لىق ساقتاۋ، مادەنيەت، جول قۇرى­لىسى سالالارىندا قۇنى 1،7 ميل­ليارد تەڭگە بولاتىن 60 جوبا جوسپارلانعان. وبلىس اكىمىنە سولاردى ۋاقتىلى ءارى ءتيىمدى جۇزە­گە اسىرۋدى تاپسىرامىن، – دەدى قازاق­ستان پرەزيدەنتى.

ق.توقاەۆ دامۋدىڭ جاڭا دراي­ۆەرلەرىن قالىپتاستىرۋ قا­جەت ەكەنىن ايتىپ، قۋاتتى ەكونو­مي­كاعا قول جەتكىزۋدىڭ ماڭىز­دىلى­عىن اتاپ ءوتتى.

– يندۋستريالاندىرۋ ساياساتى ءوزىنىڭ جەمىسىن بەردى. بۇل باعىت ودان ءارى جالعاسادى. 2013 جىلدان بەرى قىزىلوردا وبلىسىندا وڭدەۋشى ونەركاسىپ سالاسى ەكى ەسە ءوستى. ءىرى تسەمەنت زاۋىتى ىسكە قوسى­ل­دى. «شالقيا» كەن ورنىندا قۋات­تى كومبيناتتىڭ قۇرىلىسى باس­تالدى. بۇدان بولەك، وبلىس­تاعى شىنى زاۋىتىنىڭ قۇرى­لىسىن اياقتاۋ قاجەت. «بايتەرەك» حولدينگى مەن وبلىس اكىمدىگىنە زاۋىتتى ىسكە قوسىپ، قازاقستاننىڭ العاشقى شىنىسىن شىعارۋدى تاپسىرامىن، – دەدى قازاقستان پرەزيدەنتى.

مەملەكەت باسشىسى اۋىل­دار­دىڭ ءوسىپ-وركەندەۋى اگرو­سەك­توردىڭ ىلگەرىلەۋىنە سەپتى­­گىن تيگىزەتىنىن ايتىپ، قىزىل­وردا وبلىسىنىڭ اۋىل شارۋاشى­لى­عىن­داعى الەۋەتى ءالى تولىق پايدالانىلماي وتىرعانىنا نازار اۋداردى.

– سۋارمالى جەرلەردە سۋ تاپ­شى­لىعى بار. سوندىقتان جا­ڭا سۋ قويمالارىن سالۋ قاجەت. ۇكى­مەت وبلىس اكىمدىگىمەن بىرگە اتال­عان ماسەلەنى شەشۋ ءۇشىن ما­عان ناقتى جۇمىس جوسپارىن ۇسىن­سىن. بۇكىل ەل بويىنشا اۋىل ينفراقۇرىلىمىن جاڭعىرتاتىن كەز كەلدى. جەرگىلىكتى جولداردىڭ، سۋ قۇبىرلارىنىڭ، ەلەكتر جەلى­لەرى­نىڭ، مادەني-سپورت كەشەن­دەرى­نىڭ ءبارى جاڭارۋى قاجەت، – دەدى قاسىم-جومارت كەمەل ۇلى.

قازاقستان پرەزيدەنتى ءوڭىر­دەگى ەكولوگيالىق پروبلەمالارعا، سونىڭ ىشىندە، ارال پروبلەماسىنا، اينالاسىنا زيانىن تيگىزىپ وتىرعان مۇناي-گاز جانە ۋران قالدىقتارىنا نازار اۋداردى.

– ەكولوگيا – قىزىلوردالىق­تاردى تولعاندىراتىن ماسەلەنىڭ ءبىرى. حالىق ارال تاعدىرىنا الاڭ­دايدى. ەلباسىنىڭ باستاماسى بويىنشا «سىرداريا ارناسىن رەتتەۋ جانە ارال تەڭىزىنىڭ سول­تۇستىك بولىگىن ساقتاپ قالۋ» جوبا­سى ىسكە اسىرىلۋدا. وسى جو­با­نىڭ جانە كوكارال بوگەتىنىڭ ار­قا­سىندا كىشى ارالداعى سۋ قال­­پىنا كەلدى. بۇل بالىق شارۋا­شى­لى­عىن جانداندىرۋعا سەپتىگىن تيگىز­دى. تاعى ءبىر ماڭىزدى ماسەلە – ءبۇ­گىندە تۇرعىنداردى مۇناي-گاز بەن ۋران­نىڭ زياندى قالدىقتارى الاڭ­­داتىپ وتىر. وڭىردەگى كاسىپ­ورىن­دارعا جاڭا تەحنولوگيالار ەن­گىزىپ، ەكو­لو­گيالىق قاۋىپ­سىز­دىكتى حا­لىق­ارالىق ستاندارت­تارعا ساي ەتۋ قاجەت، – دەدى مەملەكەت باسشىسى.

ق.توقاەۆ بايقوڭىردى قازاق­ستاننىڭ عارىش سالاسىنىڭ نەگىزى رەتىندە اتاپ ءوتىپ، بۇل كەشەن وب­لىس­قا جوعارى تەحنولوگيالاردى دا­مى­تۋعا مۇمكىندىك بەرەتىنىن ايتتى.

– ءبىزدىڭ ماقسات – عارىش تەحنولوگيالارىن وتانىمىزدىڭ، حال­قىمىزدىڭ مۇددەسى ءۇشىن قول­دانۋ. بايقوڭىر قالاسىنىڭ ين­فراقۇرىلىمىن جاڭعىرتۋ جۇ­مىسى جالعاسۋدا. مۇندا 30 جىل ىشىندە العاش رەت كوپقاباتتى ءۇي­لەر جانە مەديتسينالىق ورتا­لىق سالىندى. بەس مەكتەپ قازاق­ستاننىڭ ءبىلىم ستاندارتىنا كوش­تى. قازىر الەمدە ينۆەستورلار عارىش ستارتاپتارىنا كەڭ قولداۋ كور­سەتۋدە. ءبىز دە بايقوڭىردىڭ الەۋەتىن ءتيىمدى پايدالانىپ، بۇل ءۇردى­ستەن شەت قالماۋىمىز كەرەك، – دەدى قازاقستان پرەزيدەنتى.

سونداي-اق قىزىلوردا ءوڭىرى­نىڭ جۇرتشىلىعى اتىنان ارداگەرلەر، كاسىپكەرلەر، مۇعالىمدەر، سپورتشىلار ءسوز سويلەپ، وزدەرىنىڭ ۇسىنىس-تىلەكتەرىن جەتكىزدى.

سوڭىندا مەملەكەت باسشىسى xالىقتىڭ ءال-اۋقاتىنا قاتىستى ماسەلەلەردىڭ بارلىعى جەكە ءوزى­نىڭ باقىلاۋىندا بولاتىنىن ايتىپ، جيىنعا قاتىسۋشىلاردى قى­زىلوردا ولكەسىن دامۋدىڭ جاڭا دەڭگەيىنە شىعارۋ ءۇشىن ات­سا­لىسۋعا شاقىردى.

قازاقستان پرەزيدەنتى ەلىمىز­دىڭ الەۋمەتتىك-ەكونوميكالىق جانە مادەني دامۋىنا قوسقان ۇلەسى ءۇشىن «سىر مارجانى» جشس ديرەكتورى م.وتەەۆتى، كوپسالالى بالا­لار اۋرۋحاناسىنىڭ دارىگەرى ا.ءشۇ­لەنباەۆتى، قىزىلوردا قالا­لىق ءماسليحاتىنىڭ دەپۋتا­تى، قى­زىلوردا وبلىسى­­نىڭ قۇرى­لىس­شىلار قاۋىمداس­تىعى­نىڭ جەتەك­شىسى ق.ەرنازاروۆ­تى، داڭقتى سپورت­شى، مانەرلەپ سىرعاناۋدان حالىق­ارالىق دارەجەدەگى سپورت شە­بەرى ە.تۇرسىنباەۆانى جانە «نار­­تاي ونەر مەكتەبى» كوم­مۋ­نال­دىق مەملەكەتتىك قازىنا­لىق كاسىپ­­ور­نى­نىڭ ديرەكتورى م.بەك­پەيىسوۆتى العىس حاتتارمەن ماراپاتتادى.

پرەزيدەنت ق.توقاەۆ قورقىت اتا مەموريالدىق كە­شەنى­نە دە بارىپ، مۋزەيدىڭ جاڭار­تىل­عان ەكسپوناتتارىمەن تانىس­تى. قىزىلوردا وبلىسىنىڭ قار­ماقشى اۋدانىندا 1980-جىلدارى تۇركى الەمىنە ورتاق رۋحاني ۇس­تاز قورقىت اتانىڭ قۇرمەتىنە مە­موريالدىق كەشەن سالىنعان. 2014 جىلى تۇڭعىش پرەزيدەنت – ەلباسى ن.نازارباەۆتىڭ تاپسىرماسىمەن كەشەنگە قايتا جاڭ­عىر­تۋ جۇمىستارى جۇرگىزىلىپ، قو­سىم­شا زيارات ەتۋ نىسانى تۇر­عىزىلعان بولاتىن.

ساپارىنىڭ سوڭىندا ق.توقاەۆ بايقوڭىر قالاسىنا بارىپ شاھار­دىڭ دامۋ بارىسىمەن تانىستى. قازاقستان پرەزيدەنتىنە قالانىڭ قازىرگى اxۋالى مەن الەۋ­مەتتىك-ەكونوميكالىق دامۋ بارىسى جانە ونىڭ نەگىزگى كورسەت­كىشتەرى باياندالدى.

قىزىلوردا وبلىسى اكىمىنىڭ ورىنباسارى – پرەزيدەنتتىڭ «بايقوڭىر» كەشەنىندەگى ارناۋ­لى وكىلى ب.ناماەۆ قالاداعى تۇر­عىن ءۇي سالۋ، گازبەن جانە سۋمەن قام­تاماسىز ەتۋ جۇيەلەرىن جاڭار­تۋ جونىندەگى جوبالاردىڭ ىسكە اسى­رىلىپ جاتقانىن مالىمدەدى.

سونىمەن قاتار مەملەكەت باسشىسى «بايقوڭىر» ارنايى ەكونو­ميكالىق ايماعىن قۇرۋ جونىندەگى تۇجىرىمدامامەن تانىستى.

قىزىلوردا وبلىسى