سونىمەن قاتار قاسىم-جومارت توقاەۆ بالالار اۋرۋxاناسىنىڭ مەديتسينالىق قىزمەت كورسەتەتىن كابينەتتەرىن ارالاپ كورىپ، دارىگەرلەرمەن اڭگىمەلەستى.
ەركىن اڭگىمەلەسۋ بارىسىندا قازاقستان پرەزيدەنتى بالا دەنساۋلىعىن جاقسارتۋ ءىسى مەملەكەتتىڭ ماڭىزدى مىندەتتەرىنىڭ ءبىرى ەكەنىن اتاپ ءوتىپ، بۇل باعىتتاعى جۇمىستار جاندانا تۇسەتىنىن ايتتى.
– سىزدەردىڭ كۇندەلىكتى جۇمىستارىڭىزدىڭ وڭاي ەمەس ەكەنىن جاقسى بىلەمىن. بالالاردى ەمدەپ، حالىقتىڭ العىسىنا بولەنىپ جۇرسىزدەر. ەڭبەكتەرىڭىز ەلەنە بەرسىن! – دەدى مەملەكەت باسشىسى.
سوڭىندا قاسىم-جومارت توقاەۆ مەديتسينا مەكەمەسى ۇجىمىنىڭ جۇمىسىنا تابىس تىلەدى.
بالالارعا كاسىبي، ستاتسيونارلىق جانە دياگنوستيكالىق كومەك كورسەتۋگە باعىتتالعان اۋرۋxانانىڭ جالپى اۋماعى 24436 شارشى مەتر. مەديتسينالىق مەكەمەدە xيرۋرگيا، تەراپيا، زەرتتەۋ جۇرگىزۋ، وتا جاساۋ بلوكتارى، ساۋلەمەن ەمدەۋ جانە فيزيوتەراپيا بولىمشەلەرى بار. ۇيىمدا 500-دەن استام پەرسونال قىزمەت ەتەدى.
