جەرگىلىكتى بيۋدجەت ەسەبىنەن بوي كوتەرگەن بۇل ورتالىق «رۋحاني قازىنا», «تاربيە جانە ءبىلىم», «اتامەكەن», «اقپارات تولقىنى» سياقتى باعىتتار بويىنشا جۇمىس ىستەيدى.
قاسىم-جومارت توقاەۆقا سىرداريا وزەنىنىڭ سول جاعالاۋىن دامىتۋ جونىندەگى شاھاردىڭ باس جوسپارى تانىستىرىلدى.
اۋماعى 1,5 مىڭنان استام گەكتار جەردى قامتيتىن بۇل قۇرىلىس الاڭىنا ءتيىستى ينفراقۇرىلىمدار جۇرگىزىلگەن. مەملەكەت باسشىسىنا الداعى ۋاقىتتا بۇل جەردە نەكە سارايى, ءورت ءسوندىرۋ دەپوسى, 900 ورىندىق ورتا مەكتەپ, تۇرعىن ۇيلەر, وتباسىلىق مەديتسينا ورتالىعى جانە باسقا دا الەۋمەتتىك نىساندار سالىناتىنى جونىندە باياندالدى.
قاسىم-جومارت توقاەۆ قىزىلوردا وبلىسىنىڭ قۇرىلىس سالاسىنداعى كورسەتكىشى جوعارى ەكەنىن اتاپ ءوتىپ, شاھاردىڭ وركەندەپ كەلە جاتقانىنا توقتالدى.
– قالا قۇرىلىسىنا وسى سالاداعى ۇزدىك تاجىريبەلەردى قولدانۋ كەرەك. جاڭا تەxنولوگيا مەن قۇرىلىس ماتەريالدارىن پايدالانىپ, «اقىلدى قالا» (Smart City) جۇيەسىنىڭ كومپونەنتتەرىن بەلسەندى تۇردە ەنگىزۋ قاجەت, – دەدى قازاقستان پرەزيدەنتى.
