فەستيۆال ماقساتى وزگەرىسسىز. بۇل ۇلتتىق حورەوگرافيالىق ونەردى قولداۋ جانە تانىمال ەتۋ, پەداگوگ-حورەوگرافتاردىڭ كاسىبي قاۋىمداستىعىن نىعايتۋ, حورەوگرافيالىق ءبىلىم بەرۋ سالاسىندا شىعارماشىلىق جەتىستىكتەر مەن تاجىريبە الماسۋ.
فەستيۆال ەلباسى ن. نازارباەۆتىڭ جاريالاعان «رۋحاني جاڭعىرۋ» قوعامدىق سانانى جاڭعىرتۋ مەملەكەتتىك باعدارلاماسىن جۇزەگە اسىرۋ جانە جاستار جىلى اياسىندا وتۋدە. وسىعان بايلانىستى ۇيىمداستىرۋشىلار قازىرگى جاستاردىڭ مادەني تاربيەسى مەن شىعارماشىلىق الەۋەتىن دامىتۋعا ەرەكشە كوڭىل بولەدى.
فەستيۆالعا ستۋدەنتتەر مەن وقىتۋشىلار, كونتسەرتمەيستەرلەر, ادىسكەرلەر, عالىمدار, تاجىريبەشىلەر مەن بالەت ارتىستەرى قازاقستان, رەسەي, باشقۇرستان, قىرعىزستان, وزبەكستان, بۋرياتيا, ياكۋتيا جانە وڭتۇستىك كورەيا حورەوگرافيالىق وقۋ ورىندارىنىڭ كاسىبي بي ۇجىمدارى مەن ستۋدەنتتىك ۇجىمدارى قاتىسادى.
شىعارماشىلىق جاستاردىڭ تالانتىن دامىتۋعا باعىتتالعان ۇلكەن ءبىلىم بەرۋ باعدارلاماسىمەن داريا دميتريەۆا (ياكۋتيا), ليۋدميلا مەرگەنەۆا (بۋرياتيا), گاينيكامال بەيسەنوۆا (قازاقستان) ءسوز سويلەيدى. بالەت شەبەرلەرى تاجىريبەمەن ءبولىسىپ, جەكە شەبەرلىك سىنىپتارى اياسىندا ءوز ەلدەرى مەن وڭىرلەرىندەگى بالەت مەكتەپتەرىن تانىستىرادى.
بالەت مەكتەپتەرىنىڭ V فەستيۆالى باعدارلاماسى كەلەسى ءىس-شارالارمەن ۇسىنىلادى: «ۆرەميون سۆيازۋيۋششايا نيت» قازاق ساحنالىق كيىمىنىڭ ەكسپوزيتسياسى, گ. كاپانوۆانىڭ «بيگە جول» فوتوەكسپوزيتسياسى, جاس اۆتور ناتالي-رامينتى باراۋسكايتەنىڭ «بي بوياۋلارى» اتتى كوركەم كورمەسى, «جاھاندانۋ داۋىرىندەگى زاماناۋي ونەر جانە ءبىلىم» كونفەرەنتسياسى, «مەكتەپتىڭ تۇساۋكەسەرى جانە حورەوگرافيالىق ءبىلىم بەرۋدىڭ دامۋ بولاشاعى-XXI عاسىر بالەتى» اتتى دوڭگەلەك ۇستەل,
«ا. سەلەزنەۆ اتىنداعى الماتى حورەوگرافيالىق ۋچيليششەسىنىڭ بۇگىنى» اتتى ءفيلمىنىڭ تۇساۋكەسەرى.
