ت. راحىمبەكوۆ قوعامدىق ۇيىمنىڭ كونتسەپتسياسىمەن جانە ونىڭ ماقساتى, ورىنداۋى ءتيىس مىندەتتەمەلەرىمەن تانىستى. «امانات» وكىلدەرى كەزدەسۋ بارىسىندا وزگە دە كانديداتتار - س.تۇگەل, ا.تاسپيحوۆ جانە ءا.قوسانوۆپەن ۇيىمداستىرىلاتىن كەزدەسۋلەر بارىسى جايىندا دا ايتتى. قازىر ازاماتتىق پلاتفورما وكىلدەرى ايماقتار بويىنشا بەلسەندى تۇردە كەزدەسۋلەر ۇيىمداستىرىپ جاتىر.
«اۋىل» پارتياسىنىڭ توراعاسى ءالي بەكەتاەۆ نۇر-سۇلتان قالاسى مەن وزگە دە ايماقتاردا شتاب-پاتەرلەرىنىڭ تولىق جاساقتالىپ بىتكەنىن ايتتى. ەلەكترالدى كومپانيانىڭ مۇنداعى نەگىزگى ماقساتى – سايلاۋدىڭ ءادىل ءوتۋى, ءارى پارتيانىڭ 7700 سەنىمدى وكىلى باقىلاۋشى رەتىندە جۇرگەنىن جەتكىزدى. 2019 جىلدىڭ 11-مامىرىندا پارتيانىڭ جۇمىسى باتالادى. ال 18:00-دە ۇگىت-ناسيحات شاراسىنا رەسمي رۇقسات بەرىلۋى ءتيىس.
كانديدات ت.راحىمبەكوۆ دەباتتىڭ وتكىزىلۋى سايلاۋدىڭ ءادىل ءوتۋىنىڭ ءبىر نىشانى ەكەنىن اتادى. سوندىقتان ونىڭ كومانداسى وزگە قارسىلاستارىمەن ءتۇرلى تەلەدەباتتار وتكىزۋگە دايىن ەكەندىگىن مالىمدەدى. سونداي-اق, «امانات» پلاتفورماسىندا ءتۇرلى اشىق ديسكۋسسيالار وتكىزەتىنىن دە قولداماق.
ت.راحىمبەكوۆ سايلاۋشىلاردىڭ وعان داۋىس بەرىپ, سەنىم بىلدەرىتىنىنەن كۇمان كەلتىرمەيتىنىن ايتتى. «ارينە, سايلاۋعا قاتىسۋ - اركىمنىڭ ءوز تاڭداۋى. بىراق ازاماتتار ەل تاعدىرىنا نەمقۇرايلى قارامايتىن بولسا, وندا مەملەكەت پەن ونىڭ بولاشاعى ءۇشىن سايلاۋعا ءبارى دە كەلۋى ءتيىس», - دەدى كانديدات ءوز سوزىندە.
كەزدەسۋ سوڭىندا «امانات» ازاماتتىق پلاتفورماسى كانديدات ت.راحىمبەكوۆكە «باقىلاۋشى بلونكوتىن» تابىس ەتتى جانە تىعىس بايلانىس جاساۋعا ۋاعدالاستى.
