بۇل تۋرالى پاۆلودار وبلىستىق ورمان شارۋاشىلىعى جانە جانۋارلار الەمى اۋماقتىق ينسپەكتسياسىنىڭ بالىق شارۋاشىلىعى ءبولىمى حابارلادى. تىيىم سالۋ شاراسى بالىقتاردىڭ ۋىلدىرىق شاشۋ ماۋسىمىنىڭ كەلىۋمەن بايلانىستى بولىپ وتىر. قر اۋىل شارۋاشىلىعى مينيسترلىگىنىڭ ورمان شارۋاشىلىعى جانە جانۋارلار الەمى كوميتەتى توراعاسىنىڭ مىندەتىن اتقارۋشى وسىنداي بۇيرىققا قول قويدى. «تىيىم سالۋ شاراسى ناۋرىزدىڭ 1-ءى مەن ماۋسىمنىڭ 15-ءى ارالىعىنا جوسپارلانعان. وسى ۋاقىتتا وبلىستىڭ سۋ قويمالارىنداعى سۋ جاندىكتەرىن قورەكتەندىرۋمەن بايلانىستى شارالار اتقىرىلادى»,-دەپ تولىقتىردى ءبولىم قىزمەتكەرلەرى.
