بۇل اۋقىمدى ساياسي ناۋقانعا قازاقستان پرەزيدەنتتىگىنە كانديدات قاسىم-جومارت توقاەۆتىڭ رەسپۋبليكالىق, ايماقتىق جانە اۋماقتىق دەڭگەيدەگى بارلىق قوعامدىق شتابتارى تاس-ءتۇيىن دايىن. ەلىمىز بويىنشا كانديداتىمىزدىڭ 19,5 مىڭ سەنىمدى وكىلى ەرەكشە ەكپىنمەن جۇمىس ىستەۋگە بەل بۋىپ وتىر, دەدى Nur Otan پارتياسىنىڭ ءبىرىنشى ورىنباسارى ماۋلەن اشىمباەۆ.
پارتيا ۇگىت-ناسيحات جۇمىستارىن كرەاتيۆتى, ءتيىمدى, جۇيەلى تۇردە جۇرگىزىپ, بۇل ىستە الەۋمەتتىك جەلىلەردىڭ الەۋەتىن كەڭىنەن پايدالاناتىندىعى جايىندا اتاپ ءوتتى.
سوعان وراي كۇندەلىكتى جۇمىستارى تۋرالى اقپاراتتار رەسپۋبليكالىق قوعامدىق شتابتىڭ Facebook, Instagram, Telegram, YouTube جانە ۆكونتاكتە جەلىلەرىندەگى پاراقشالارى مەن ارنالارىندا جەدەل جاريالانىپ تۇرادى. ايتا كەتەتىنى www.toqaev2019.kz ارنايى سايتى دا ىسكە قوسىلدى.
ەڭ باستىسى, پارتيا سايلاۋدىڭ اشىق, ءادىل ءارى زاڭ تالاپتارىنا ساي ءوتۋى ءۇشىن بارلىق شارالاردى جاسايتىنىن مالىمدەدى.
