ايماقتار • 09 مامىر، 2019

ستۋدەنتتىك كاسىپكەرلىك وڭىرلەردى دامىتۋعا سەرپىن بەرەدى

676 رەتكورسەتىلدى

جۋىردا س.تورايعىروۆ اتىن­­­داعى پاۆلودار مەملە­­­كەت­تىك ۋنيۆەرسيتەتىندە ەلى­­مىزدەگى جوعارى وقۋ ورىن­­­دارى رەكتورلارى كەڭە­­سىنىڭ كوشپەلى وتىرىسى ءوتىپ، «جوعارى وقۋ ورىن­دا­رىنداعى كاسىپكەرلىك عىلىم، يننوۆاتسيا، ءبىلىم، بيز­نەس» تاقىرىبى اياسىندا كاسىپكەرلىك ءبىلىم بەرۋ ءما­سە­لەلەرى تالقىلاندى. كە­­­­ڭەس­كە وبلىس اكىمى بولات با­قاۋوۆ، ومبى، ءنوۆوسىبىر ۋني­­­­­ۆەرسيتەتتەرىنىڭ رەكتورلارى، رەكتورلار كەڭەسىنىڭ ءتور­اعاسى ەرلان سىدىقوۆ قاتىستى.

ارينە، عىلىم، يننوۆاتسيا، ءبى­­لىم، بيزنەس بىرلەسىپ جۇزەگە اسى­رىلعاندا عانا كاسىپكەرلىك ۋني­­ۆەرسيتەتتىڭ دامۋىنا جول اشى­­لاتىنى ءسوزسىز. قازىر الەمدە ءتۇرلى يننوۆاتسيالىق يدەيالار پايدا بولىپ، ومىرىمىزگە دەندەپ ەنۋدە. ماسەلە، جاھاندىق باسەكەگە بەيىم­دەلىپ، ىلەسە الۋىمىزدا. دا­مى­عان ەلدەردىڭ كاسىپكەرلىك، ور­تا جانە شاعىن بيزنەس سالاسىن­داعى جاڭاشىلدىق ۇردىستەرىنەن ءۇي­رەنەرىمىز از ەمەس. دامىعان ەل­­­­­دەردە كاسىپكەرلىككە باۋلۋ مەك­­­­­­­تەپتەن باستالاتىنى بەلگىلى. قا­زىر كاسىپكەرلىك ءبىلىم بەرۋدىڭ قا­­­­­زاقستاندىق جولى مەن ءادىسىن قولعا العان جوعارى وقۋ ورىندارى قالىپتاسىپ كەلەدى.

س.تورايعىروۆ اتىن­­­­­­­­­­دا­­عى پاۆ­­­­لودار مەملەكەتتىك ۋني­ۆەر­سيتەتىنىڭ رەكتو­­رى­­ گاۋھار احمەتوۆا سۇرانىسقا يە­ كادرلاردى دايىنداۋ ءبىلىم بە­رۋ قىزمەتى ساپاسىنىڭ باس­تى ينديكاتورلارىنىڭ ءبىرى ەكە­نىن ايتتى. سوڭعى جىلدارى جەرگى­لىكتى وقۋ ورنى وڭىردەگى 278 ءون­­­دى­رىس ورنىمەن كەلىسىمشارت جا­­­سا­دى. تەحنيكالىق جوعارى ءبى­­­لىم بەرۋدىڭ جاڭاشا مازمۇنىن كاسىپ­ورىنداردىڭ سۇرانىسىنا ساي لايىقتاۋ بارىسىندا وقۋ باع­دارلاماسىنىڭ 40 پايىزىن ءون­دىرىس ورىندارىندا وتكىزۋ قا­راستىرىلدى. ناتيجەسىندە، بىلتىر تۇلەكتەردىڭ جۇمىسقا ور­نالاسۋ كورسەتكىشى 96 پايىزعا جەتتى.

 ەلباسى نۇرسۇلتان نازار­باەۆ وبلىسقا ساپارىندا ۋني­­­­­ۆەر­سيتەتتەگى Startup اكادەمياسىنىڭ تۇساۋىن كەسكەن ەدى. بۇل ستۋدەنت­تەر مەن وقىتۋشىلاردىڭ كاسىپ­­كەرلىگىن دامىتۋعا، جوبالار­­­دى كوممەرتسيالاندىرۋعا باعىت­­­­­­تالعان ورتالىق. بۇگىندە Startup اكا­دەمياسىندا رەزيدەنتتەر ءتا­جىريبە جيناقتاپ، بيزنەس جۇرگىزۋ داعدىلارىن مەڭگەرۋدە.

م.دۋلاتي اتىنداعى تاراز مەملەكەتتىك ۋنيۆەرسيتەتىنىڭ رەك­تورى ماحمەتعالي سارىبە­­­­­­­كوۆتىڭ ايتۋىنشا، ستۋدەنتتەردى كاسىپ­كەرلىككە باۋلۋدا نەگىزگى ما­ماندىقپەن بىرگە شاعىن جانە ورتا بيزنەسكە دايىن­داۋ­ ەرەكشە ورىن الادى. قا­زىر تارازدا ستۋدەنتتەردىڭ، ماگيسترانت­­­تار­دىڭ يننوۆاتسيالىق بيزنەس-يدەيا­­­­­­­لا­رىنىڭ جۇزەگە اسۋىنا قولداۋ كورسەتۋ ءۇشىن «يننوۆاتسيا جانە كاسىپكەرلىك ورتالىعى» اشىلعان.

سونىمەن بىرگە وقۋ-تاجىريبە الاڭىندا تامشىلاتىپ سۋارۋ ءادىسى ارقىلى جەمىس اعاشتارىن ءوسى­رۋ باستالدى. بيولوگيا كا­­فە­­­دراسىنىڭ جانىنان اشىلعان «جى­لىجاي» تاجىريبە الاڭى وڭ­تۇستىككورەيالىق كومپانيانىڭ تەح­­­نولوگياسىمەن جاسالىپتى.

– مەن جامبىل وبلىسى اكىم­دىگىنىڭ كاسىپكەرلىكتى دامىتۋ باس­­قارماسى جانىنداعى بيزنەستى قولداۋ كوميسسياسىن بەس جىلدان بەرى باسقارىپ كەلەمىن، – دەدى ماح­مەتعالي سارىبەكوۆ. كو­ميس­­­­­سيا شەشىمى بويىنشا كا­سىپ­­كەرلەرگە «بيزنەستىڭ جول كار­­­­تاسى-2020» باعدارلاماسى ار­قىلى مەملەكەتتىك گرانتتار ءبو­لىنەدى. وكىنىشتىسى سول، كوپ­تە­گەن قاتىسۋشىلاردىڭ كاسىپكەرلىك ءما­د­ەنيەتى تومەن ەكەنى بايقالادى. ولار ءوز جوبالارىنا بايلانىستى اش­قان جاڭالىعىن، بيزنەس-يدەياسىن جەتكىزە المايدى.

جەرگىلىكتى كاسىپورىندارداعى ما­مان تاپشىلىعىن، ءبىلىمدى تەح­ني­­كالىق ماماندار، ينجەنەر­لەردىڭ جەتىسپەيتىنىن وڭىردەگى «ەۋرازيالىق ەنەرگەتيكالىق كورپوراتسيا» اق پرەزيدەنتى ۆالەري گرينەنكو جەتكىزدى. ونىڭ سوزىنە قاراعاندا، تۇلەكتەردىڭ وقۋ ءبى­تىر­­گەننەن كەيىن وندىرىسكە كەل­گەنى، تۇراقتى ەڭبەك جولىن قا­­­لىپ­­تاستىرعانى ەكى جاققا دا ءتيىمدى بولار ەدى. الايدا كوپ­­شىلىگى ءبىر جىلدان سوڭ كەلەسى ءبىر كاسىپورىنعا كەتىپ قالۋعا بەيىم ەكەن. وسى تۇستا جيىنعا قا­­تىسىپ وتىرعان وبلىس اكىمى بولات باقاۋوۆ:

– سىزدەر تۇلەكتەرگە ارنالعان الەۋمەتتىك پاكەت جەڭىلدىكتەرىن قاراستىرىڭىزدار، – دەگەن وي قوستى.

جالپى ۆ.گرينەنكو باسقارا­­­­­تىن «ەۋرازيالىق ەنەرگەتيكالىق كورپوراتسيا» اق دۋالدى وقىتۋ جۇيەسى بويىنشا وقۋ ورىندارىمەن بايلانىس ورناتقان وڭىردەگى بىردەن-ءبىر ءوندىرىس ورنى ەكەنىن ايتا كەتەيىك. سەرىكتەس كاسىپورىن – جەرگىلىكتى ۋنيۆەرسيتەتتىڭ ما­­­­­مانعا تاپسىرىس بەرۋشىسى ءارى ءتۇ­لەكتەرگە جۇمىس بەرۋشى.

ايتا كەتەرلىك ماسەلە، ءبۇ­­گىنگى تاڭدا پاۆلودار وبلىسىنان رەسەيدىڭ كورشىلەس ومبى، نو­ۆوسىبىر، توم قالالارىنا بارىپ وقيتىن قازاقستاندىق ستۋدەنتتەر از ەمەس. شامامەن وڭىردەن جىل سايىن مەكتەپ تۇلەكتەرىنىڭ 20 پا­يىزى شەتەلدەرگە وقۋعا كەت­ەدى. ءتىپتى سولتۇستىك وڭىرلەردە جەر­­گى­لىكتى تۇلەكتەرگە رەسەيدە ءبىلىم الۋ تۋرالى كەڭەس بەرەتىن ور­تا­لىق­تار دا بار. بىلتىر وبلىس ور­تالىعىندا تۇلەكتەردەن ەمتيحان الۋعا رەسەيلىك جوعارى وقۋ ور­نى وكىلدەرى كەلگەنى دە ەسىمىزدە. ال «سەرپىن»، «ديپلوممەن – اۋىل­عا!» باعدارلاماسىن ءتيىمدى ءجۇر­گىزۋ جولدارىن جەرگىلىكتى بيلىك ءالى دە اتقارا الماي كەلەدى.

س.تورايعىروۆ اتىنداعى ۋنيۆەرسيتەتتە دە تەحنوپارك بولدى. ءبىر كەزدە تەحنوپاركتە قىزمەت ەت­كەن جۇمابەك وماروۆتىڭ ايتۋىنشا، ستۋدەنت كەزدەرىنەن تەح­نوپارك­تە عىلىمي جۇمىس جو­باسىن جازىپ-سىزىپ جۇرگەن تۇلەك­تەر قازىر اتى­­­­­راۋدا، باي­­قوڭىر عارىش اي­­­لا­­­­­عىندا جۇمىس ىستەيدى.

وتىرىستا ءسوز العان ەلىمىزدەگى Erasmus ۇلتتىق كەڭسەسىنىڭ ديرەكتورى شايزادا تاسبولاتوۆا Erasmus+ باعدارلاماسىنىڭ ماق­ساتىنا، بايقاۋ تالاپتارىنا، ەۋرو­پالىق باعدارلامالاردىڭ ما­ڭى­زى مەن ەرەكشەلىكتەرىنە توق­تالدى.

– ۋنيۆەرسيتەتتەردە كاسىپ­كەر­لىك ءبىلىم بەرۋدىڭ باسىم بولىگى – اكادەميالىق ساعاتتاردا ەمەس، Startup-تاردى جەتىلدىرۋگە جۇمسا­لۋى قاجەت. كوشپەلى وتىرىستا ايتىلعان كاسىپكەرلىك ۋنيۆەرسيتەت قۇرۋ جانە ونى دامىتۋ­ جايلى پىكىر الماسۋ الاڭى پاي­دالى بولعانى ءسوزسىز، دەيدى گ.احمەتوۆا.

وتىرىس اياسىندا جوعارى وقۋ­ ورىندارىنىڭ رەكتورلارى «ارت-garagە» بەن DemoDayا Startup اكادەمياسىمەن تانىس­تى. قوناقتاردىڭ نازارىنا 20-عا جۋىق ستارتاپ-جوبا، ونىڭ ءىشىن­دە ومبى جانە ءنوۆوسىبىر ۋني­­ۆەرسيتەتتەرىنىڭ دە جوبالارى ۇسىنىلدى، Spin-off projects ين­نوۆاتسيالىق جوبالارىنىڭ تۇ­ساۋ­كەسەرى ءوتتى، س.تورايعىروۆ اتىن­­داعى ۋنيۆەرسيتەتتىڭ «كاسىپ­­­­­كەرلىك جانە كاسىپكەرلىك ءبىلىمدى دامىتۋ» جونىندەگى ەكوجۇيەسى تا­نىستىرىلدى.


پاۆلودار وبلىسى


سوڭعى جاڭالىقتار

تويدىڭ سوڭى توپىرلاعان اۋرۋ

ايماقتار • بۇگىن، 10:22

ۇعىنا بىلگەنگە – ۇلت تاعدىرى

ساياسات • بۇگىن، 06:57

كوڭىلگە مەدەت بولعان ماقالا

رۋحانيات • بۇگىن، 06:56

54 ادام جازىلىپ شىقتى

كوروناۆيرۋس • بۇگىن، 06:39

ەل بولىپ ەڭسەرەمىز

ساياسات • بۇگىن، 06:20

بۋمەرانگ

رۋحانيات • بۇگىن، 05:54

قورعاۋشىلارعا دا قولداۋ قاجەت

ايماقتار • بۇگىن، 05:46

تويدىڭ سوڭى توپىرلاعان سىرقات

ايماقتار • بۇگىن، 05:43

اقيرەكتە – ارىستان باب...

تانىم • بۇگىن، 05:33

تەاتردىڭ ونلاين تارتۋى

رۋحانيات • كەشە

ۇقساس جاڭالىقتار