كەزدەسۋ بارىسىندا ب. اتامقۇلوۆ دەموكراتيالىق ينستيتۋتتاردى دامىتۋدىڭ جانە قازاقستانداعى قۇقىق ۇستەمدىگىن نىعايتۋدىڭ ۇدەمەلى سيپاتىن اتاپ ءوتىپ, قازىرگى تاڭدا دياقب-مەن ىنتىماقتاستىقتىڭ دەڭگەيىن جوعارى باعالاپ, بولاشاقتا بيۋرو قىزمەتىنىڭ ءتۇرلى اسپەكتىلەرى بويىنشا ەڭ تىعىز ءوزارا ءىس-قيمىل جاساۋعا دايىن ەكەندىگىن اتاپ ءوتتى.
ءوز كەزەگىندە, ي.گيسلادوتتير ۇيىمعا قىزمەت ەتۋدىڭ ءۇشىنشى گۋمانيتارلىق ولشەمى
شەڭبەرىندە كوپتەگەن جىلدار بويى سىندارلى ىنتىماقتاستىققا قازاقستانعا العىسىن
ءبىلدىردى, بۇل دياقب «ەقىۇ-عا مۇشە-مەملەكەتتەردىڭ وسى ولشەمدە ولارعا كومەكتەسۋ
ءۇشىن قۇرعان قۇرالى جانە ونى بەلسەندى تۇردە پايدالانۋ قاجەت» ەكەنىن اتاپ ءوتتى.
دياقب ديرەكتورى قازاقستان تاراپىنان «مۇسىلماندارعا قارسى توزىمسىزدىككە قارسى
كۇرەس: مۇعالىمدەر ءۇشىن ماتەريالدار» جانە «باق-تاعى مۇسىلماندار ءۇشىن: ۇلكەن
تەڭگەرىم مەن ارالۋاندىلىق» تاقىرىبىنداعى دياقب-نىڭ ەكى بيۋدجەتتىك ەمەس
جوبالارىنا باستاماشىلىقتى قولدادى.
وسى تۇرعىدا ب. اتامقۇلوۆ قازاقستاننىڭ ەلدەگى ەتنوسارالىق جانە
كونفەسسياارالىق كەلىسىمدى ساقتاۋ جانە نىعايتۋ جونىندەگى تاجىريبەسى, قازاقستان
حالقى اسسامبلەياسىنىڭ قىزمەتى جانە وسى سالاداعى نەگىزگى حالىقارالىق باستامالار
تۋرالى قر تۇڭعىش پرەزيدەنتى – ەلباسى نۇرسۇلتان نازارباەۆتىڭ الەمدىك جانە
ءداستۇرلى دىندەر ليدەرلەرىنىڭ سەزىن وتكىزۋ تۋرالى حاباردار ەتتى. كەزدەسۋ
بارىسىندا ءدىني راديكاليزم يدەيالارىنىڭ تارالۋىنا جول بەرمەۋ بويىنشا مەملەكەتتىڭ
كەشەندى كۇش-جىگەرىنە نازار اۋدارىلدى.
قازاقستانداعى الداعى پرەزيدەنتتىك سايلاۋ تۋرالى ايتا كەلە, تاراپتار ءبىزدىڭ ەلىمىزدەگى ەقىۇ دياقب جەلىسى بويىنشا حالىقارالىق باقىلاۋشىلار قىزمەتىنىڭ پراكتيكالىق اسپەكتىلەرىن تالقىلادى.
ب. اتامقۇلوۆ قازاقستانعا كەلىپ, 22 ۇزاق مەرزىمدى جانە 300 قىسقا مەرزىمدى باقىلاۋشى جۇمىسىن ۇيلەستىرەتىن ميسسيا باسشىسى ۋرسۋلا گاتسەكپەن اشىق ءوزارا ءىس-قيمىل جاساۋعا قازاقستاندىق تاراپتىڭ دايىن ەكەندىگىن ايتتى. ءوز كەزەگىندە ي. گيسلادوتتير قازاقستاننىڭ سىرتقى ىستەر مينيسترلىگى مەن ورتالىق سايلاۋ كوميسسياسىمەن ىنتىماقتاستىققا وڭ باعا بەردى جانە دياقب ەلەكتورالدى پروتسەستى اشىق جانە ءتيىمدى باعالاۋ قابىلەتىنە سەنىم ءبىلدىردى.
سۇحباتتاسۋشىلار الداعى ەلەكتورالدى كەزەڭدە دە, كەيىننەن دە وسىنداي ىنتىماقتاستىقتىڭ ناقتى باعىتتارى مەن الداعى كەزدەسۋلەردىڭ جوسپارلارىن بەلگىلەي وتىرىپ, سىندارلى جانە مۇددەلى ءوزارا ءىس-قيمىلدى جالعاستىرۋعا ەكىجاقتى ۇمتىلىستى راستادى.
