جاقىندا ءىلياس جانسۇگىروۆ وقۋلارىنا قاتىسقان الىبەك باس جۇلدەنى قانجىعاسىنا بايلادى. ول اقىن اتاسىنىڭ جىرىن جاتقا ايتىپ, ارناۋ ولەڭىن وقىپ جانە جانسۇگىروۆتىڭ درامالىق شىعارماسىنان ءۇزىندىنى ساحنالادى. بەلگىلى اقىن جازۋشىلار مەن ادەبيەتتانۋشىلاردان قۇرالعان قازىلار القاسى الىبەكتىڭ ونەرىن جوعارى باعالاپ, باس جۇلدە بەردى. بايگەگە تىگىلگەن 500 000 تەڭگە كولەمىندەگى سىياقىنى اۋدان اكىمى ەسىم بازارحانوۆ تاپسىردى.
- جۇلدە قوماقتى ەكەن. اتا-اناممەن اقىلداسا وتىرىپ, مەن بۇل جۇلدەمدى «ءىلياس جانسۇرگىروۆ» قورىنا تاپسىرعىم كەلدى. بيىل اقىن اتامىزدىڭ تۋعانىنا 125 جىل تولىپ وتىر. اۋداندا اتامىزعا ارنالعان كوپتەگەن شارا وتپەكشى. سوعان قوسقان ۇلەسىم بولسىن دەپ ويلادىم. ال ءوزىم ءالى تالاي جارىستا توپ جارامىن عوي, - دەيدى الىبەك.
ايتپاقشى, وقۋشىلار اراسىندا وتكەن ءىلياس وقۋلارىنا ەلىمىزدىڭ 13 وبلىسى مەن جەكە قالالاردان 24 ۇمىتكەر كەلدى. جاس ءىلياستانۋشىلار اقىن تۋعان ولكەنىڭ تابيعاتىن تاماشالاپ, مولىقباي اتىنداعى مادەنيەت ۇيىندە ۇيىمداستىرىلعان ولكەتانۋ مۇراجايىن ارالادى.
