- باسقوسۋعا جينالعان اۋىل كاسىپكەرلەرى وزەكتى ماسەلەلەرىن ورتاعا سالىپ, ونىڭ شەشىلۋ جولدارىن ءتيىستى مامانداردان سۇرادى. ىسكەرلەردىڭ كوپشىلىگىن بيزنەستى دامىتۋعا قاجەتتى نەسيە الۋدىڭ قيىندىعى تولعاندىرادى ەكەن. اسىرەسە, وڭىردەگى 1% نەسيە بەرەتىن "نۇر كاپيتال" باعدارلاماسى قاراجاتىنىڭ قول جەتىمسىزدىگى تاقىرىپقا تۇزدىق بولدى, دەيدى ءباسپاسوز حاتشىسى ج.ءابىل.
-مەن حالىقارالىق تاس جولدان ءشايحانانىڭ قۇرىلىسىن باستادىم. ەندى ىشكى جۇمىستارى مەن قۇرال-جابدىقتارعا 10 ملن تەڭگە نەسيە قاجەت بولىپ تۇر. «نۇر كاپيتال» بويىنشا نەسيە الايىن دەسەم, كەپىلگە اقتاۋدان 3-4 بولمە ءۇي قويۋىمدى سۇرايدى. «اتامەكەننىڭ» نەسيەسى 6 ملن تەڭگە, ازدىق ەتەدى. كاسىبىمدى باستاپ كەتسەم 5 ادامدى جۇمىسپەن قامتىپ, وتباسىمدى اسىرايتىن ەدىم. مامانداردان وسىنىڭ شەشۋ جولدارىن سۇراپ, كەڭەس الدىم, دەيدى كاسىپكەر مەرەكە احمەتوۆ.
بۇل باعدارلاما بويىنشا نەسيە تاپسىرعان اۋدانداعى 20 كاسىپكەردىڭ دە جاي-كۇيى وسىنداي. شارادا اۋىلشارۋاشىلىعى سالاسىنا اسا قاجەت سۋ ماسەلەسى دە قوزعالدى. ماڭعىستاۋ اۋدانى اكىمىنىڭ ورىنباسارى ت.قىلاڭوۆتىڭ ايتۋىنشا, اۋىلشارۋاشىلىعىن سۋلاندىرۋ ماقساتىندا 2007 جىلى 7, 2018 جىلى 13 قۇدىق قازىلدى. تەرەڭدىگى 100 مەتردەن اساتىن قۇدىقتارعا 80/20 باعدارلاماسىمەن سۋبسيديا بەرىلەتىن ەدى. سوڭعى جاڭالىقتارعا وراي تەك 100 مەترگە دەيىنگى قۇدىقتار قارجىلاندىرىلادى. وسى ۇلكەن ماسەلە بولىپ وتىر. ۇستىرتتە 100 مەترگە دەيىن سۋ شىعادى, ال ويدا 300 م, بوزاششى تۇبەگىندە 700 م تەرەڭنەن عانا سۋ شىعادى. بۇل سۋعا تاۋەلدى شارۋالارعا كەدەرگى بيۋولىپ وتىر.
ماڭعىستاۋ اۋدانىندا 3 مىڭعا جۋىق كاسىپكەر بار. ولاردىڭ دەنى مال شارۋاشىلىعى سالاسىن وركەندەتىپ وتىر. وڭىرلىك كەڭەستە قوزعالعان ءتۇيىندى ماسەلەلەر شەشىلسە, كاسىپكەرلىك سالاسىنىڭ دامۋى ارتا تۇسەر ەدى, دەيدى شارۋالار.
-جۋىق ارادا اكىمدەردىڭ رەيتينگىن جاساۋدى قولعا الامىز. باستاپقى كەزەڭى تەست تۇرىندە وتكىزىلدى. 17 باعىت بويىنشا جۇمىس ساپاسى سارالانادى. كاسىپكەرلىكتىڭ دامۋى, جەر ماسەلەسى ت.ب.بويىنشا اۋدان اكىمدەرىنىڭ رەيتينگى انىقتالىپ شىعادى. ودان ءارى رەسپۋبليكالىق كولەمدە جۇزەگە اسىرىلماق. جوبالىق ءوفيستى قۇرىپ وتىرمىز. بارلىق ەلدى مەكەندەگى كاسىپكەرلەردىڭ ونىمدەرىن ءارى قاراي تۇتىنۋشىلارعا وتكىزۋ جولدارىن قاراستىرامىز. ەلباسى وڭدەۋشى ونەركاسىبىن قولداۋعا 600 ملرد تگ جۇمساۋ, ونى جۇزەگە اسىرۋ ءۇشىن «قاراپايىم زاتتار ەكونوميكاسى» باعدارلاماسى جاساقتالدى. اۋىل كاسىپكەرلەرى مەن اكىمدەرىنە وسى جايتتاردى جينالىستا تولىق تۇسىندىردىك, دەيدى وڭىرلىك كاسىپكەرلەر پالاتاسىنىڭ ديرەكتورى نۇربەك قاراساەۆ.
ودان ءارى اۋىل كاسىپكەرلەرىنە «Atameken Services» ونلاين قىزمەتى ارقىلى ۇيدە وتىرىپ-اق بارلىق ماڭىزدى قىزمەتتەردى پايدالانۋ قاجەتتىگى تۋراسىندا اقپاراتتاندىرۋ جۇمىستارى جۇرگىزىلدى. «اتامەكەن» ميكروقارجى ۇيىمى, «دامۋ» كاسىپكەرلىكتى قولداۋ قورى مەن ەكىنشى دەڭگەيلى بانك وكىلدەرى دە شارۋالارعا ءتيىمدى شارتتاردى ءتۇسىندىرىپ بەردى. اۋىل كاسىپكەرلەرى اۋقىمدى شارانىڭ الدا دا ءجيى وتۋىنە تىلەكتەستىك ءبىلدىردى.
