ەكونوميكا • 06 مامىر، 2019

قارجى اينالىمى كوڭىل قۋانتادى

931 رەتكورسەتىلدى

بۇگىندە «قازاگروقارجى» – اگرارلىق سەكتوردىڭ كۇرەتامىرى» دەپ بەكەر ايتىلمايدى. قازىر ەلىمىزدىڭ اۋىل شارۋاشىلىعىن دامىتۋعا مەملەكەت تاراپىنان ۇلكەن كوڭىل ءبولىنىپ وتىرعانى بەلگىلى.

وسى قولداۋدىڭ ناتيجەسىن­دە كوپتەگەن ۇجىمدىق شارۋا­شى­لىق­تار، اكتسيونەرلىك قوعام­دار قۇرى­لىپ، يگىلىكتى ىستەر ات­قارى­لۋدا. مىنە، مۇنىڭ ءبارىن «قازاگروقارجى» اكتسيونەرلىك قو­عا­مى­نىڭ وتكەن جىلعى اتقارعان قىز­مەتىنە جانە الدا تۇرعان ءمىن­دەت­تەرىنە كوز جۇگىرتسەك، انىق بايقايمىز. 

«قازاگروقارجى» اق ءوزى­نىڭ نەگىزگى مىندەتىنە سايكەس اۋىل­شارۋا­شىلىق تەحنيكالارىن جاڭار­تۋعا قارقىندى تۇردە كو­مەك كور­سەتۋدە. اتاپ ايتقاندا، 2019 جىلدىڭ 29 ناۋرىزىنداعى جاع­­­داي بويىنشا كوكتەمگى دالا جۇمىستارىن جۇرگىزۋ ءۇشىن اۋىل­شارۋاشىلىق تاۋارلارىن ءوندىرۋ­شىلەرمەن جالپى سوماسى 10،7 ميلليارد تەڭگە بولاتىن قار­جىلىق-ليزينگتىك 798 كەلى­سىم جاسادى. وسىنىڭ نەگىزىندە قازاق­ستان­دىق جانە شەتەلدىك ءوندىرۋ­شى­­لەردىڭ كومبايندارى، تراكتور­لارى، ەگىن ەگەتىن كەشەندەرى مەن باس­قا دا تەحنيكالارى ساتىپ الىنباق. 

بۇل ورايدا «قازاگروقارجى» اق 2018 جىلى جالپى سوماسى 63 ملرد تەڭگەگە 3 426 دانا ءارتۇرلى اۋىلشارۋاشىلىق تەحنيكالارىن قارجىلاندىرعانىن ەرەكشە اتاپ وتكەن ورىندى. وسىنداي جۇمىستىڭ ناتيجەسىندە وتاندىق اگروسەكتور جاڭا تەحنيكالارمەن قامتاماسىز ەتىلىپ، ەل ىرىسىن ارتتىرۋعا سەپتىگىن تيگىزدى. 

جالپى، «قازاگروقارجىنىڭ» اق كوپجىلدىق قىزمەتىنە كوز سالار بولساق، اگرارلىق سەك­توردى دامىتۋ ءۇشىن ءتۇرلى باعدار­لا­مالاردى جۇزەگە اسىرىپ كەلە جاتقانىنىڭ كۋاسى بول­امىز. مى­سالى، اۋىلشارۋا­شىلىق تەحنيكالارى مەن تەحنولوگيالىق قۇرال-جابدىقتارىنىڭ نەسيەسى مەن ليزينگتەرى بويىنشا سىياقى مولشەرىن سۋبسيديالاۋ. بۇل باعدارلاما 2014 جىلدان بەرى جۇزەگە اسىرىلىپ كەلەدى. سول جىلدان باستاپ 2018 جىلعا دە­يىن قارجىلىق ليزينگتىك جانە زايمنىڭ 15 847 كەلىسىمى سۋب­سي­ديالاۋعا ماقۇلداندى، ول نەگىزگى قارىزدىڭ 206 ملرد تەڭگەسىن قۇرايدى. بۇل جۇمىس جۇيەلى تۇردە جالعاسىن تابۋدا. بيىلدىڭ وزىندە «Qoldau.kz» ۆەب-پورتالى ارقىلى 50-دەن استام ءوتىنىش تۇسكەنىن ايتىپ وتەلىك.

اگرارلىق ونەركاسىپكە ينۆەستيتسيا تارتۋ بۇگىنگى ەڭ وزەكتى ماسەلەلەردىڭ ءبىرى ەكەندىگى ءسوزسىز. بۇل ورايدا اكتسيونەرلىك قوعام زامان تالابىنا ساي قىزمەت اتقارۋ­دا. 2018 جىلدىڭ قورىتىندىسى بويىنشا اگرارلىق ونەركاسىپ­كە تارتىلعان ينۆەستيتسيا كولەمى 72،7 ملرد تەڭگەنى قۇرادى. بۇل جىلدىق جوسپاردىڭ 111 پايىزعا ورىندالعانىن كورسەتەدى. 

اكتسيونەرلىك قوعامنىڭ نەگىزگى قارجى اينالىمى دا كوڭىل قۋان­تادى. 2019 جىلدىڭ قاڭتار ايىنداعى جاعداي بويىنشا كومپانيا اكتيۆى 299 449 ملن تەڭگەنى قۇراپ، تازا پايداسى جوسپارلانعان مەجەدەن اسىپ ءتۇستى. 6 694 ملن تەڭگەگە جەتتى، ياعني 238 پايىزعا اسىرا ورىندالدى. 

الداعى مىندەتتەر مەن اتقا­رىلاتىن جۇمىستار دا جەتەر­لىك. سونىڭ ىشىندە ەڭ نەگىزگى سترا­تەگيالىق مىندەتتەر ينۆەستي­تسيا­لىق تارتىمدىلىقتى ارتتىرۋ، ليزينگتىك قىزمەتتى جەتىلدىرۋ جانە دامىتۋ، كورپوراتيۆتىك دامۋدى جۇزەگە اسىرۋ. 
سوڭعى جاڭالىقتار

ۇعىنا بىلگەنگە – ۇلت تاعدىرى

ساياسات • بۇگىن، 06:57

كوڭىلگە مەدەت بولعان ماقالا

رۋحانيات • بۇگىن، 06:56

54 ادام جازىلىپ شىقتى

كوروناۆيرۋس • بۇگىن، 06:39

ەل بولىپ ەڭسەرەمىز

ساياسات • بۇگىن، 06:20

بۋمەرانگ

رۋحانيات • بۇگىن، 05:54

قورعاۋشىلارعا دا قولداۋ قاجەت

ايماقتار • بۇگىن، 05:46

تويدىڭ سوڭى توپىرلاعان سىرقات

ايماقتار • بۇگىن، 05:43

اقيرەكتە – ارىستان باب...

تانىم • بۇگىن، 05:33

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار