وسىعان وراي قاسىم-جومارت توقاەۆتى قازاقستان رەسپۋبليكاسىنىڭ پرەزيدەنتتىگىنە كانديدات رەتىندە تىركەۋ تۋرالى ماسەلە قارالىپ, ورتالىق سايلاۋ كوميسسياسىنىڭ حاتشىسى ءسابيلا مۇستافينا قاۋلى جوباسىمەن تانىستىردى. ول Nur Otan پارتياسى 2019 جىلعى 23 ساۋىردە ورتالىق سايلاۋ كوميسسياسىنا قاسىم-جومارت توقاەۆتى پرەزيدەنتتىككە كانديدات رەتىندە ۇسىنۋ تۋرالى قۇجاتتارىن بەردى, دەدى. سونداي-اق كانديداتتىڭ مەملەكەتتىك ءتىلدى ەركىن مەڭگەرگەندىگىن انىقتاۋ تۋرالى ورتالىق سايلاۋ كوميسسياسىنىڭ قاۋلىسىنا ساي, قاسىم-جومارت توقاەۆتىڭ كونستيتۋتسيا مەن «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ تالاپتارىنا سايكەستىگى انىقتالىپ, وعان ازاماتتاردىڭ قولدارىن جيناۋ ءۇشىن قول قويۋ پاراقتارى بەرىلدى, دەدى.
سونىمەن قاتار ورتالىق سايلاۋ كوميسسياسى قازاقستاننىڭ بارلىق 17 ءوڭىرىنەن قاسىم-جومارت توقاەۆتى قولداۋعا 315 910 ازاماتتىڭ قولى جينالىپ, ونىڭ 313 653-ءى
دۇرىس دەپ تانىلعانىن حابارلادى. جالپى, ورتالىق سايلاۋ كوميسسياسىنىڭ تالاپتارىنا ساي, كانديداتتى قولداۋ ءۇشىن قاجەتتى قول سانى كەمىندە 118 140 بولۋى كەرەك. دەمەك, قاسىم-جومارت توقاەۆتى پرەزيدەنتتىككە كانديدات رەتىندە تىركەۋگە قاجەتتى بارلىق قۇجات ورتالىق سايلاۋ كوميسسياسىنا ۇسىنىلعان جانە قويىلاتىن تالاپتارعا تولىق سايكەس كەلەدى. ءسويتىپ اتالعان قاۋلى نەگىزىندە قاسىم-جومارت توقاەۆ قازاقستان رەسپۋبليكاسى پرەزيدەنتتىگىنە كانديدات رەتىندە تىركەلدى. ال ورتالىق سايلاۋ كوميسسياسىنىڭ توراعاسى بەرىك يماشەۆ پرەزيدەنتتىككە كانديدات قاسىم-جومارت توقاەۆقا ءتيىستى كۋالىكتى تابىس ەتتى.
بۇدان كەيىن اتالعان سايلاۋعا ءسادى-بەك تۇگەلدى پرەزيدەنتتىككە كانديدات رەتىندە تىركەۋ تۋرالى قاۋلى جوباسى تىڭدالدى. ول باياندامانى ورتالىق سايلاۋ كوميسسياسىنىڭ مۇشەسى باقىت مەلدەشوۆ جاسادى. بايانداماشى 2019 جىلى 22 ساۋىردە « ۇلى دالا قىراندارى» رەس-
ءسويتىپ ورتالىق سايلاۋ كوميسسياسىنا رەسپۋبليكا بويىنشا ازاماتتاردىڭ جينالعان قولدارىن تەكسەرۋ ءناتيجەلەرى جونىندە حاتتاما ۇسىنىلعان. وسى حاتتامالار نەگىزىندە پرەزيدەنتتىككە كانديدات رەتىندە ءسادى-بەك تۇگەلدى قولداۋعا ەلدىڭ بارلىق وڭىرىنەن 122 102 ازاماتتىڭ قولى جينالىپ, ولاردىڭ 120 175-ءى دۇرىس دەپ تابىلعان. وسىلايشا ءسادى-بەك تۇگەلدى پرەزيدەنتتىككە كانديدات رەتىندە تىركەۋگە قويىلاتىن تالاپتارعا تولىق سايكەس كەلەدى دەپ ۇيعارىلدى. ءسويتىپ ءسادى-بەك تۇگەلدى قازاقستان رەسپۋبليكاسى پرەزيدەنتتىگىنە كانديدات رەتىندە تىركەۋ تۋرالى» قاۋلى قابىلدانىپ, وعان ءتيىستى كۋالىك تابىس ەتىلدى.
بۇدان كەيىن امانگەلدى تاسپيحوۆتى قازاقستان رەسپۋبليكاسىنىڭ پرەزيدەنتتىگىنە كانديدات رەتىندە تىركەۋ تالاپقا ساي ءوتتى. قاۋلى جوباسى تۋرالى ورتالىق سايلاۋ كوميسسياسىنىڭ حاتشىسى ءسابيلا مۇستافينا بايانداما جاسادى. ول 2019 جىلعى 25 ساۋىردە «قازاقستان رەسپۋبليكاسىنىڭ كاسىپوداقتار فەدەراتسياسى» رەسپۋبليكالىق كاسىپوداقتار بىرلەستىگى ورتالىق سايلاۋ كوميسسياسىنا پرەزيدەنتتىككە كانديدات رەتىندە امانگەلدى تاسپيحوۆتىڭ ۇسىنىلعان بارلىق قاجەتتى قۇجاتتارى انىقتالىپ, قابىلدانعانىن جەتكىزدى. وسى قۇجاتتاردىڭ نەگىزىندە امانگەلدى تاسپيحوۆتىڭ زاڭ تالاپتارىنا سايكەستىگى انىقتالىپ, وعان ازاماتتاردىڭ قولدارىن جيناۋ ءۇشىن قول قويۋ پاراقتارى بەرىلگەن. ءسويتىپ, ەل بويىنشا امانگەلدى تاسپيحوۆتى قولداعان 122 770 ازاماتتىڭ قولى جينالىپ, ولاردىڭ 119 577-ءى تالاپقا سايكەس دەپ تانىلدى. سونىڭ نەگىزىندە قاۋلى قابىلدانىپ, امانگەلدى تاسپيحوۆقا كانديدات كۋالىگى بەرىلدى.
