بريفينگتە ماۋلەن اشىمباەۆ ورتالىق سايلاۋ كوميسسياسىنىڭ شەشىمىنەن كەيىن قازاقستان پرەزيدەنتىنىڭ كەزەكتەن تىس سايلاۋىنا Nur Otan پارتياسىنان كانديدات قاسىم-جومارت كەمەل ۇلى توقاەۆتىڭ رەسپۋبليكالىق قوعامدىق شتابى قۇرىلعانىن ايتىپ, ونى باسقارۋدى قاسىم-جومارت كەمەل ۇلى وزىنە جۇكتەگەنىن مالىمدەدى.
رەسپۋبليكالىق قوعامدىق شتابتىڭ قۇرامىنا: حالىق قاھارماندارى: مۇحتار التىنباەۆ, باقىتجان ەرتاەۆ, قازاقستاننىڭ ەڭبەك ەرلەرى: يۆان ساۋەر, ايمان مۇساقوجاەۆا, سەرىك اقشولاقوۆ, يۋري پيا, مەملەكەت جانە قوعام قايراتكەرلەرى: كەنجەعالي ساعاديەۆ, ءادىل احمەتوۆ, سانسىزباي ەسىلوۆ, باقىتجان جۇماعۇلوۆ, حالىقارالىق سپورتتىق سايىستاردا ەلىمىزدىڭ اتىن شىعارىپ, ابىرويىمىزدى اسقاقتاتقان سپورتشىلارىمىز: جاقسىلىق ۇشكەمپىروۆ, الەكساندر ۆينوكۋروۆ, ايبەك نۇعىماروۆ, ءزۇلفيا عابيدۋللينا, ءاليا ءجۇسىپوۆا, قانات يسلام جانە دينارا ءسادۋاقاسوۆا, ۇكىمەتتىك ەمەس ۇيىمداردىڭ وكىلدەرى ارۋجان ساين, دينارا ءشايجۇنىسوۆا, دينارا ءزاكيەۆا, بەلگىلى ونەر قايراتكەرلەرى: روزا رىمباەۆا, دوسxان جولجاقسىنوۆ, التىناي جوراباەۆا, مايرا مۇxامەدقىزى, سامال ەسلياموۆا, ساكەن مايعازيەۆ, قىدىرالى بولمانوۆ, تامارا اسار سىندى انشىلەر مەن ءارتىستەر, ال جۋرناليستەردىڭ اراسىنان دارxان قىدىرالى, نۇرتورە ءجۇسىپ, دانا نۇرجىگىت, مايا بەكباەۆا, قالقامان سارين سياقتى قالامگەرلەر مۇشە بولدى. سونداي-اق رەسپۋبليكالىق شتابتىڭ قۇرامىندا پارلامەنت دەپۋتاتتارى دا بار.
جيىندا بۇگىندە ەلىمىز بويىنشا 227 قوعامدىق شتاب قۇرىلعانى ايتىلدى. ونىڭ 17-ءسى – وبلىستىق, 37-ءسى – قالالىق جانە 173-ءى اۋداندىق دەڭگەيدە جۇمىس ىستەيدى. ايماقتىق جانە اۋماقتىق شتابتاردىڭ قۇرامىنا 5766 ادام ەنسە, ونىڭ 1267-ءسى جاستار قاناتىنىڭ وكىلدەرى.
م.اشىمباەۆ اتالعان شتابتار مۇشەلەرىنىڭ ءبارى Nur Otan پارتياسىنان قازاقستان پرەزيدەنتتىگىنە كانديداتتىڭ سەنىم ءبىلدىرىلگەن وكىلدەرى ەكەنىن ەرەكشە اتاپ ءوتتى.
م.اشىمباەۆ پارتيا توراعاسىنىڭ تاپسىرماسىنا سايكەس سايلاۋالدى ۇگىت-ناسيحات جۇمىستارىن جوعارى دەڭگەيدە, كرەاتيۆتى, ءتيىمدى, زاماناۋي تەحنولوگيالاردى قولدانىپ ناتيجەلى وتكىزۋگە دايىن ەكەنىن جەتكىزدى.
– ەلباسى, پارتيامىزدىڭ ءتوراعاسى نۇرسۇلتان ءابىش ۇلى نازارباەۆ پەن مەملەكەت باسشىسى قاسىم-جومارت كەمەل ۇلى توقاەۆتىڭ تاپسىرماسى بويىنشا بۇل سايلاۋ ءادىل ءارى اشىق, قازاقستان رەسپۋبليكاسىنىڭ زاڭدارىنا سايكەس, حالىقارالىق نورمالارعا ساي, جوعارى دەڭگەيدە ءوتۋى كەرەك. پارتيامىز سايلاۋدىڭ اشىق ءارى ءادىل ءوتۋى ءۇشىن بارلىق شارانى جۇزەگە اسىرادى. ول ءۇشىن ءبىز ورتالىق سايلاۋ كوميسسياسىمەن, وتاندىق جانە حالىقارالىق بايقاۋشىلارمەن, سونداي-اق بۇقارالىق اقپارات قۇرالدارىمەن تىعىز جۇمىس ىستەۋگە دايىنبىز, – دەدى م.اشىمباەۆ.
ءسوزىنىڭ سوڭىندا ول ەلىمىزدىڭ ءىرى ساياسي ناۋقاننىڭ الدىندا تۇرعانىن ايتىپ, بۇل بارشا قازاقستاندىقتار ءۇشىن جاۋاپكەرشىلىك ەكەنىن تىلگە تيەك ەتتى.
ءىس-شارا بارىسىندا رەسپۋبليكالىق قوعامدىق شتابتىڭ ءمۇشەلەرى: بەلگىلى قوعام قايراتكەرى, «ۇلتتىق عىلىمي مەديتسينالىق ورتالىق» اق باسقارما توراعاسى اباي بايگەنجين, «اتامەكەن» ۇكپ باسقارما ءتوراعاسى, Nur Otan پارتياسى ساياسي كەڭەسىنىڭ مۇشەسى ابىلاي مىرزاحمەتوۆ, قوعام قايراتكەرى, قايىرىمدىلىق قورىنىڭ ديرەكتورى ارۋجان ساين جانە «Qazaqstan» ۇلتتىق تەلەارناسىنىڭ جۇرگىزۋشىسى, بلوگەر ايگەرىم ەسەنالى ءسوز سويلەپ, الداعى ساياسي ناۋقانعا تاس-ءتۇيىن دايىن ەكەندەرىن جەتكىزدى.
