رۋحانيات • 06 مامىر، 2019

تاريحي تۇلعالارعا ارنالدى

743 رەتكورسەتىلدى

وڭىردە عۇلاما عالىم قانىش ساتباەۆتىڭ 120 جىلدىعىنا ارنالعان «كەرەكۋ-بايان ءوڭىرىنىڭ 100 تاريحي تۇلعاسى» اتتى قىسقا مەتراجدى دەرەكتى ءفيلمنىڭ العاشقى كورسەتىلىمى بولىپ ءوتتى.

مەملەكەتتىك پەدا­گو­گي­كالىق ۋني­ۆەر­­­سي­تەت­تىڭ ءاز­ىر­­­لەۋىمەن جارىق كور­­گەن ال­عاشقى فيلم – بۇ­قار جى­راۋ قالقامان ۇلى، مۇسا شورمان ۇلى، ءماشھۇر ءجۇسىپ، ەستاي بەركىمباي ۇلى، سۇلتانماحمۇت تورايعىروۆ، جاياۋ مۇسا، قانىش ساتباەۆ، مايرا شامسۋتدينوۆا، الكەي مارعۇلان، شاپىق شوكين، ابىكەي ساتباەۆ، شاكەن ايمانوۆ، كەمەل اقىشەۆ، قوسىم پىشەنباەۆ، رافيقا نۇرتازينا سەكىلدى 25 دارا تۇلعاعا ارنالعان. 

ۋنيۆەرسيتەت رەكتورى ال­تىن­بەك نۋح ۇلىنىڭ ايتۋىن­شا، بۇگىنگى جاستارعا ەلدىك، ەگەمەندىك رۋح قالدىرعان ۇلى تۇلعالاردى ۇلىقتاۋ – ۇرپاق پارىزى. 

ەلباسىنىڭ «بولاشاققا باعدار: رۋحاني جاڭ­عى­رۋ»، « ۇلى دالانىڭ جەتى قىرى» ماقالالارىندا وتكەن تاريحقا ءۇڭىلۋ بۇگىنگى كۇنمەن ماڭگىلىك ۇندەستىك ارقىلى بولاشاققا جالعاساتىنى ايتىلدى. سوندىقتان، مەكتەپ وقۋشىلارى، مۇعالىمدەر، ستۋدەنتتەر، جاس عالىمدار، جالپى، وتكەن تا­ريحقا تاعزىم ەتەر قاۋىم ءۇشىن-فيل­م­نىڭ ايتار ءماندى ويلارى، كورسەتەر ماعى­نا­لى بەتتەرى بار.

فيلم ءار تۇلعاعا ارنال­عان 10 مينۋت ىشىندە ارقاي­سى­سىنىڭ ءومىرى مەن قىزمەتى، شىعارماشىلىعى جايىندا بايانداپ بەرەدى. فيلمدەر توپتاماسىن دايىنداۋعا تاريحشىلار، ارحەولوگتار، الەۋ­مەت­تانۋشىلار قاتىسقان.

جوبا پروديۋسەرى گۇلجانات يمانعا­زى­نىڭ ايتۋىنشا، وقۋ ورىنىندا تاريحي تۇلعالار جايلى دەرەكتەر ىزدەۋ، ارحيۆ ماتەريالدارىن جيناپ، فيلم جا­ساۋدا شىعارماشىلىق توپ ءبىر جىلداي جۇمىس ىستەپ­تى. ارنايى زەرتتەۋلەر ءجۇر­گى­زى­لىپ، مالىمەتتەر جينال­عان. ارحيۆتەردەن فوتوسۋرەت­تەر، ەستەلىكتەر الىنعان. بۇل رۋحاني يگى ىسكە «عابەك» جشس-ءنىڭ ديرەكتورى عابباس بەكتۇ­روۆ باس دەمەۋشى بولىپ­تى.

فيلم ازىرگە ديسكىلەرگە عانا جا­زىل­عان، الداعى ۋا­قىت­تا سايتتار مەن الەۋ­مەت­تىك جەلى­لەر ارقىلى كورىپ، تانى­سۋ­عا بولادى. 

پاۆلودار وبلىسى
سوڭعى جاڭالىقتار

تەاتردىڭ ونلاين تارتۋى

رۋحانيات • بۇگىن، 20:42

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

ۇقساس جاڭالىقتار