05 مامىر، 2019

ەليتالىق ديۆيزيونعا جولداما الدى

890 رەت كورسەتىلدى

نۇر-سۇلتان قالاسىندا شايبالى حوككەيدەن ءبىرىنشى ديۆيزيوننىڭ ا توبىنداعى الەم چەمپيوناتى بۇگىن ءوز مارەسىنە جەتەدى. قازاقستان قۇراماسى ءتورتىنشى تۋردا بەلارۋس قۇراماسىن وۆەرتايمدا جەڭىپ، 2020 جىلى شۆەيتساريادا وتەتىن ەليتالىق ديۆيزيونعا جولداما الدى.

بەلارۋس حوككەيشىلەرىنە قارسى وتكەن ويىننىڭ ءبىرىنشى كەزەڭى جەرلەستەرىمىز ءۇشىن ءساتتى باستالدى. ماتچتىڭ توعىزىنشى مينۋتىندا نيكيتا ميحايليس ەسەپتى اشسا، 16-مينۋتتا تالعات جايلاۋوۆ تابلوداعى كورسەتكىشتى 2:0-گە جەتكىزدى. الايدا ەكىنشى كەزەڭنىڭ 27-مينۋتىندا بەلارۋس قۇراماسى قارىمتا شايبا سوعىپ ۇلگەردى. شايبا اۆتورى – ارتەم دەمكوۆ. ءۇشىنشى كەزەڭنىڭ العاشقى بەس مينۋتى قوناق كوماندانىڭ باسىمدىعىمەن ءوتتى. كەزدەسۋدىڭ 45-مينۋتىندا بەلارۋس حوككەيشىلەرى دەگەندەرىنە جەتىپ، نيكيتا فەوكتيستوۆ تاراز باسىن تەڭەستىرىپ كەتتى.

ويىننىڭ نەگىزگى كەزەڭى تەڭ ناتيجەمەن اياقتالعان سوڭ، جەڭىمپاز قۇرامانىڭ ەسىمى وۆەرتايمدا انىقتالدى. قوسىمشا كەزەڭنىڭ ءۇشىنشى مينۋتىندا اركادي شەستاكوۆ گول سوعىپ، قازاقستان قۇراماسىنا جەڭىس سىيلادى. قورىتىندى ەسەپ – 3:2. ءتورتىنشى تۋردان كەيىن 11 ۇپاي جيناعان قازاقستان قۇراماسىنىڭ حوككەيشىلەرى ءبىرىنشى ورىنمەن حوككەيدەن الەم چەمپيوناتىنىڭ ەليتالى ديۆيزيونىنا قايتا ورالدى.


سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار