ءۇش جىل بۇرىن سالىنعان زاۋىت كۇنىنە 500 توننا گيپس پەن 100 مىڭ شارشى مەتر گيپسوكارتون وندىرەدى. بۇگىنگى كۇنى كاسىپورىن ءوز ونىمدەرىن الماتى, نۇر-سۇلتان, جامبىل, قىزىلوردا, تۇركىستان, ماڭعىستاۋ وبلىستارىنا جەتكىزەدى.
زاۋىت قىزمەتكەرلەرىمەن اڭگىمە بارىسىندا دەپۋتاتتار تۇڭعىش پرەزيدەنت - ەلباسى نۇرسۇلتان نازارباەۆتىڭ الەۋمەتتىك باستامالارى تۋرالى جانە قويىلعان مىندەتتەردى ورىنداۋ ءۇشىن قانداي زاڭنامالىق جۇمىس اتقارىلىپ جاتقانى جايىندا ايتىپ بەردى.
بيزنەستىڭ الەۋمەتتىك جاۋاپكەرشىلىگى تۋرالى ايتا كەلە, زاۋىت قىزمەتكەرلەرى ءوندىرىستى كەڭەيتۋمەن قاتار, كاسىپورىننىڭ اۋدان مەن وبلىستىڭ از قامتىلعان ازاماتتارىنا الەۋمەتتىك كومەك كورسەتۋ ماسەلەلەرىنە ۇلكەن نازار اۋداراتىنىن اتاپ ءوتتى. مىسالى, بالالاردى مەكتەپكە دايىنداۋ, قايىرىمدىلىق جانە ت.ب.
