قازىرگى زاماناۋي مەديتسينالىق مەكەمە وسى جىلدىڭ قاڭتار ايىندا اشىلدى. ورتالىق جىل سايىن ءار ءتۇرلى دارەجەدەگى كورۋ قابىلەتى بۇزىلعان 5000 پاتسيەنتتەردى قابىلداي الادى.
باسشىلىقتىڭ سوزىنشە, مەكەمەدە وبلىس تۇرعىندارى, شەتەلگە شىقپاي, ەۋروپالىق دەڭگەيدەگى جوعارى مامانداندىرىلعان وفتالمولوگيالىق كومەك الا الادى.
ورتالىقتىڭ الاڭى – 2 مىڭنان استام شارشى مەتر, 35 توسەك بار. وندا كوزدىڭ تور قابىعى پاتولوگياسىنىڭ جانە كورۋ نەرۆىسىنىڭ ەمدەۋ ءۇشىن قازىرگى زامانعى دياگنوستيكالىق قۇرال-جابدىقتار ورناتىلدى. بۇدان باسقا, ورتالىقتا وپەراتسيالاردى جۇرگىزۋگە نيەتتى. قانت ديابەتىمەن اۋىراتىن ادامداردىڭ كوز اۋرۋلارىن انىقتاۋ ءۇشىن لازەرلىك قىزمەتى بار.
مەديتسينالىق مەكەمەدە تەگىن جانە اقىلى نەگىزدە حالىققا قىزمەت كورسەتۋ تاۋلىك بويى بەرىلەدى. سونىمەن قاتار, ورتالىقتا بالالار وفتالمولوگيا بولىمشەسىن قۇرۋ جوسپارلانعان.
- بۇل نىساننىڭ الەۋمەتتىك ماڭىزدىلىعى زور. وسى ۋاقىتقا دەيىن سولتۇستىك قازاقستان وبلىسىندا مۇنداي مەديتسينالىق مەكەمەلەر جوقتىڭ قاسى. ەڭ باستىسى, ورتالىقتا وپەراتسيالار تەگىن جاسالادى. مەكەمە زاماناۋي مەديتسينالىق قۇرالدارمەن جابدىقتالعان جانە ەمدەلۋشىلەردىڭ كوڭىلىنەن شىعۋدا, ياعني كلينيكا ءوزىنىڭ تيىمدىلىگىن دالەلدەۋدە, - دەدى ءماجىلىس دەپۋتاتى ارتۋر پلاتونوۆ.
قازىرگى تاڭدا وفتالمولوگيالىق ورتالىقتا شامامەن ءوڭىردىڭ 7 مىڭ تۇرعىنى ەسەپتە تۇر. ولاردىڭ اراسىندا – گلاۋكوما, ميوپيا جانە كاتاراكتا اۋرۋلارى بار 2,5 مىڭ بالالار مەن جاسوسپىرىمدەر.
ماجىلىسمەندەر وفتالمولوگيا ورتالىعىنىڭ دارەگەرلەرىمەن كەزدەسۋ بارىسىندا تۇڭعىش پرەزيدەنت - ەلباسى نۇرسۇلتان نازارباەۆتىڭ الەۋمەتتىك باستامالارىن زاڭنامالىق سۇيەمەلدەۋ, ەلدەگى الەۋمەتتىك سالانى, اسىرەسە دەنساۋلىق ساقتاۋ سالاسىن دامىتۋدىڭ ماسەلەلەرىنە ەرەكشە توقتالدى.
