جاۋىنگەرلەردى ەسكە الۋ جانە ەل ءۇشىن ەرلىكپەن قازا تاپقان مارقۇمدارعا قۇرمەت كورسەتۋ بەلگىسى رەتىندە رەسەي جەرىنە توپىراق سالىنعان كاپسۋلانى اپارۋ ىشكى ىستەر ورگانىنىڭ ارداگەرلەرى, وتستاۆكاداعى پولكوۆنيكتەر اقان سىزدىقوۆ پەن ەۆگەني رايتەنباحقا جۇكتەلدى.
اتاۋلى وقيعاعا وراي 314-ءشى اتقىشتار ديۆيزياسىنىڭ ەسكەرتكىشى جانىندا ەڭبەك, سوعىس ارداگەرلەرى, مەكتەپ وقۋشىلارى, قالا جۇرتشىلىعىنىڭ قاتىسۋىمەن ميتينگ ءوتتى.
«1941-ءشى جىلدىڭ تامىزىندا پەتروپاۆلدا ۇلى وتان سوعىسى تاريحىندا ەرەكشە ءىز قالدىرعان 314-ءشى اتقىشتار ديۆيزياسى قۇرىلدى. بۇگىندە بىزگە باتىرلارىمىزدى قۇرمەتپەن ەسكە الۋ ءۇشىن جەرلەستەرىمىز ەرلىكپەن قورعاعان قالاعا ساپار شەگۋدىڭ ء ساتى ءتۇستى. ءبىز قاسيەتتى ميسسيامىزدى ابىرويمەن اتقارۋعا ءسوز بەرەمىز», دەدى اكىمشىلىك پوليتسيا باسقارماسىنىڭ ارداگەرلەر كەڭەسىنىڭ توراعاسى ەۆگەني رايتەنباح.
ميتينگىگە قاتىسۋشىلار مونۋمەنتكە گۇل شوقتارىن قويىپ, وتان ءۇشىن جانىن قيعان جاۋىنگەرلەردىڭ رۋحىنا تاعزىم ەتتى.
