ايماقتار • 03 مامىر، 2019

وسكەمەندە 6 ءۇي نەگە بوس تۇر؟

796 رەت كورسەتىلدى

ەلباسىنىڭ بىلتىر جاريا ەتكەن «پرە­زي­­دەنتتىڭ بەس الەۋمەتتىك باس­­­­تاماسى» اتتى حالىققا ءۇن­دە­­­­ۋى­­نەن كەيىن ەلىمىزدە «7-20-25»­ باع­دارلاماسى قابىلدانعانى بەل­گىلى. «ءوز ءۇيى – ولەڭ توسەگى» جوق جۇرتقا ءۇمىت وتىن سىيلاعان باعدارلاما وبلىستا قالاي ءجۇ­زەگە اسىرىلىپ جاتىر؟ قانشا ادام باس­پانالى بولدى؟

وبلىستىق قۇرىلىس، ساۋلەت جانە قالا قۇرىلىسى باسقارماسى باسشىسىنىڭ مىندەتىن اتقارۋشى ادىلەت تۇرىسبەكتىڭ ايتۋىنشا، 2019 جىلى وڭىردە تۇرعىن ءۇي قۇرىلىسىن سالۋعا جانە كوممۋنيكاتسيا جۇرگىزۋگە وبلىستىق بيۋدجەتتەن 29،3 ميلليارد تەڭگە قارجى ءبولىنىپتى. جالپى، 70 كوپپاتەرلى، 54 ءبىر قاباتتى جانە تۇرعىنداردىڭ ءوز قاراجاتىنا 5000 جەكە ءۇي تۇرعىزۋ جوس­پارلانعان ەكەن. «جىلدىڭ سوڭىنا دەيىن «7-20-25» باعدارلاماسى بويىنشا 1120 پاتەر سالىنىپ بىتەدى. قازىر التى ءۇي­دىڭ قۇرىلىسى ءبىتىپ تۇر. بىراق وعان ءالى تۇر­عىن­دار قونىستانعان جوق. 20 ساۋىردەگى ءمالى­مەتتەرگە قاراعاندا، بانكتەن يپوتەكا الۋعا 547 ازاماتتان ءوتىنىش تۇسكەن، ونىڭ ىشىندە 337-ءسىنىڭ ءوتىنىشى ماقۇلدانعان»، دەيدى ءا.تۇرىسبەك.

دايىن ۇيلەرگە تۇرعىنداردىڭ قونىس­تانباۋىنىڭ ءبىر سەبەبى – وڭىردەگى نەسيە بەرۋشى بانكتەردىڭ وبلىستا سالىنىپ جات­­قان باسپانالاردان حابارسىزدىعى. قۇ­رىلىسى بىلتىر اياقتالسا دا، تۇرعىندار ءالى كىرە الماي اۋرە-سارساڭعا ءتۇسىپ ءجۇر­­­گەن ءۇي­لەردىڭ ماسەلەسى – ءوز الدىنا بولەك اڭگىمە. قۇرىلىس باسقارماسى جاڭا ءۇي­لەر­گە ازاماتتاردى قونىستاندىرۋ كەس­تەسىن ەكى ايعا دەيىن كەشىكتىرىپ كەلەدى. جا­قىندا وبلىس اكىمدىگىندە وتكەن جيىن­دا ايماق باسشىسى دانيال احمەتوۆ باس­قارما جۇمىسىن قاتتى سىنعا الدى. «جۋىقتا بانك باسشىلارىن شاقىرىپ، وسى ماسەلەنى تالقىلاعانىمىزدا نەسيە بەرۋشى ۇيىمداردىڭ سالىنىپ جاتقان قۇرىلىستان مۇلدە حابارسىز ەكەندىگى بەل­گىلى بولدى. ۇيلەردىڭ قايدا، قانشا كولەم­دە سالىنىپ جاتقانى، سيپاتى قانداي - ەش ماع­لۇماتتارى جوق. ايماقتا تۇرعىزىلىپ جاتقان نىساندار تۋرالى تولىق اقپارات بەرىڭىزدەر»، دەپ تاپسىردى وبلىس اكىمى باسقارما باسشىسىنىڭ مىندەتىن اتقارۋشى مەن ءوزىنىڭ ورىنباسارى باقىتجان باياح­مەتوۆكە.

 

وسكەمەن

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار